ندمت أني خليت سيراميك صالتي لونة أسود .. متعب في التنظيف .. ويبقع على طول |
الدرابزين حقنا جبس بشكل تقليدي وفيه تفريغات ويالا يالغبار والمعاناة في التنظيف |
اكثر شي ندمنا عليه ان مافيه فبيتنا درج خدمه جانبي .. |
الحديقة الاساسية الكبيرة خليتها خلفية يعني ورا الفيلا مو قدام ..واستفدت انه لي خصوصية مو كل من جا يلله قوموا ابعدوا |
أهم شي وانتم تبنون احسبوا حساب أنهم بيجيكم بزران وارحموهم لا تحشرونهم بغرفة وحده يعني خلوا فيه غرف كافيه لبزران المستقبل حتى لو ماعندكم نية تجيبون أكثر من اربعه .. |
اولا المسبح ندمت عليه رغم اني اكثر المؤيدين له أصبح بيتي مثل الاستراحة كلن داخل بسرواله وفوطته وانا الوحيده من بين الناس اللي يجون بعزايمي البزران بسبب هالمسبح والمشكله ما يطلعون الا بالصياح العزيمة عندي تصير صباحي بسببه |
ثانيا غرفة النوم الماستر كبرتها اكثر من اللازم وعزلت زوجي عن عياله لأنه يحب يقعد عند تلفزيونه ومعاه كمبيوتره وما يطلع لجلستنا العائلية الا نادر حتى الأكل أحيانا يطلبه في الجلسة الخاصة وتندمت اني ماصغرت الغرفة وخليت جلستنا مع عيالنا |
ثالثا تندمت اني ما سويت ملحق في الحوش جهة باب المطبخ للخادمة والغسيل لأن الخادمة صارت تنزل للدور الأرضي علشان المطبخ وتطلع للدور الثالث علشان الغسيل والكوي لكن لو كنت مخليتهم جنب بعض مع غرفتها وحمامها بعد كان تصير فيه خصوصية لبيتي ويصير درب الشغاله واحد |
اكثر شي ندمنا عليه في بيت اهلي الدرج يطل على الصاله واخواني شوي رايحين شوي جايين ومبهدلين الضيوف الي يجونا كل شوي تغطو |
ندمت على التكييف الصحراوي للمطبخ لأنه مصدر للغبار |
الساعة الآن 08:49 AM. |
Powered by vBulletin® Version 3.8.4, Copyright ©2000 - 2024, Jelsoft Enterprises Ltd. TranZ By
Almuhajir
F.T.G.Y 3.0 BY: D-sAb.NeT © 2011
HêĽм √ 3.1 BY: ! ωαнαм ! © 2010