الله ييسر أمرنا وأمرك
نصيحة اقسم الارض وبع نصفها وحط سعرها مع ال150000 وتوكل على الله
لو وصل معك مبلغ 300 ألف تقدر بالرااااحة تبني لك دورين مسطحهم صغير ومعقول (اهم شي لاتكبر مسطح البناء وتتوهق) وتخلص كهرباء وسباكة كاملة وبعد تخلص لياسة كاملة ويمكن يبقى معك مبلغ بعد.

أهم شي انتبه للمخطط لاتندم عليه بعدين
ادرس المخطط زيييييييييييييين وشاور شاور شاور

وانتبه للمقاولين والعمال واسأل عنهم ولا تختار الغالي من تجربة موب كل غالي زين
اغلبهم نصابين وتلاقي مقاول ياخذ المتر 110 وثاني 80 وكلهم نفس الشغل بس واحد نصاب والثاني يبي يسترزق وكذلك الكهربائي والسباك والعمال عموماً.

اعطيك مثال مر علي عامل جبته بشغله أخذ علي 1700 ريال وبعد ماشفت الشغلة قدامي حقها بالكثير 500-700 ريال, لكن العامل يشوفك تبني يحسبك مقتدر ويبي يتكسب من وراك
وأنت تعرف قدرتك المادية حاول ماتدفع كثير للعمال ولا تدفع في اشياء تقدر تسويها بنفسك
مثل الرش يمكن يكلفك لو بتخلي عامل يرش 1000 ريال
رش أنت وعيالك بأنفسكم ولا تخلي عامل أول شي خساره لك وثاني شي ماتدري يمكن اذا ماشافك رش دقيقتين وراح

الله ييسر أمري وأمرك وأمر كل مسلم