نصيحه اذا مو انت/انتي بانيه البيت بنفسك لاتسوي تغييرات تأثر على سلامة المنزل

قدر الله وما شاء فعل
ورحمة الله واسعه ولا فيه شي عظيم على الله ان شاء الله القى حل للمشكله الجديده

فني المكيف خرم الخرسانه وصادفته ماسوره ماء كسرها بالغلط نزلت مويه شوي بعدين وقفت قلنا يمكن حقت الحمام المجاور اللي الغيت سباكته وبحوله غرفة نوم صغيره او مخزن (الحمام كان غرفه شور وجاكوزي بس)
المهم وقفت الشغل وناديت السباك شالي حول الماسوره اربع بلاطات عشان يشوف المشكله ضرب ماصوره بالغلط (طلع اللي بنا البيت توفيرا على نفسه سوا امدادات السخانات من الخزان في ارض السطح!!!) وبعدها سكر المحابس وشيك طلعت حتى محابس المويه مضروبه ماتسكر يبيلها تغيير! اللهم لا اعتراض
بعدها سكرلي الماسوره مؤقتا بغرا وتيب عشان صارت الساعه 10 وهو مايمديه قالي بكسر ست بلاطات زياده ونقص الماسوره ونغيرها قالي اسم الطريقه بس نسيت
اللي حصل انه راح وقبل ثلاث ساعات من الحين استخدما دورات المياه اعزكم الله وبالصدفه شيكت على الغرفه لاني سكرت بابها الا احصلها تخر
مو دفع قوي بس كانت كميه نقول انها سببت مشاكل
السطح ياخوان لمن طلعت له الفتحه اللي كسرها تعبت مويه ومستمره بالطفحان (الماسوره طلعت حقت الدنيمو اللي تحت!!!) سكرناها وغرفنا المويه باسرع ماعندنا من وشلنا الرمل من الحواف ... تحت البلاط الرمل تشبببع مويه لك ان تتخيل قوة دفع الدينمو! يمكن كان له خمس او عشر دقائق شغال

الحين ياخوان ساعدوني بموضوع فتحة الخرسانه اللي تسرب لها الماء :(
والسطح اللي يمكن اشيل 5 متر من كل جهه عشان اشوف مقدار الاضرار

مالعمل الان ارجو مساعدتي بالمشوره .. وانا والله شايله هم الخرسانه المخرومه
هل الوم شركة التكييف!! ولا اللي بنا البيت لعدم وضع المواسير على الحواف!!!! وصادف انها جات بطريق التخريم

الله يستر ارجو مساعدتي او ان تدلوني على من يستطيع مساعدتي

طبعا شركة التكييف تتحمل جزء من المسؤلية .. لو كانوا محترفين أكثر .. كان المفروض يكون لهم دراية أكثر بمكان الخرم .. ولو ساورهم أية شكوك .. الأفضل السؤال والتأكد .. حتى لو استدعى الأمر الرجوع للمالك او المقاول الأصلي .. او ع الأقل لو كان هناك بعض الخرائط التي تبين التسليكات والتمديدات وخلافه .. اما تعال واخرم وعلى بركة الله اما تصيب او تخيب .. فهذه مشكلة ...

تحتاجي اختى أحد متخصص وعارف شغله .. ليلقى نظرة شاملة على الوضع عندك ويضع خطة لمعالجته .. لا أفضل ان تعتمدي على المنتدى .. مع ان الشباب مايقصرون وهم عن 100 مقاول .. بس اللي يشوف الأمور ع الطبيعة غير اللي جالس خلف الكيبورد وعلى الوصف فقط .. وحتى لاتضطري للدخول في المزيد من التجارب والمغامرات المجهولة ..

عالعموم .. الحمدلله على كل حال .. ونفس ماقلتي قدر الله وما شاء فعل .. كل شي يتعوض ان شاء الله .. اهم شي انتو والعيال بصحة وسلامة ..

تحياتي

كان من المفترض معرفة اماكن مواصير الماء وكيابل الكهرباء قبل عمل الفتحه ،،

شكرا اخواني
انا اكيد استشرت اكثر من مقاول ولكن نصائحكم اخذها بعين الاعتبار لمن اتفاهم معهم
كلهم اجزمو انو لا بائس من نزول المويه لان المويه نزلت فتره مؤقته ومو راكده او متسربه من وقت طويل
والاهم ان نكشف البلاط ونتاكد من التربه نشفت تماما ويتم التبليط مره اخرى بعد ماتنشف وبالنسبه لمكان التخريم قلت مازلت اريد الفتحه فقالي مقاولين انه مو مشكله افتحها زياده بحيث تروح من طريق الماسوره بتكون 3 بوصه تقريبا او اقل
وواحد قال لا سكريها بصب خلطه خرسانه باستخدام حصى ناعم ثم وضع خيشه مغموره باسمنت مع رمل فقط بعدين وضع خلطه خرسانيه.

فما رأيكم انتم

http://im61.gulfup.com/NHUVsj.jpg

http://im61.gulfup.com/Hw1UxT.jpg

http://im61.gulfup.com/ZdWMUg.png


هذي صور تخريم الخرسانه !!
قست عرضها 13سم والطول 10 قياس تقريبي!! الفتحه ككل وليس فقط الفوهه

ماهي مشورتكم اغلقها ام افتح شوي من تحت واكمل تسليك للمكيف بجانب الماصوره (يعني بين الماسوره المعالجه مؤقتا والماسوره المكسوره)