|
يعطيك الف عافيه اخي خالد الشمري ع طرح الموضوع ..
الصين بلد العجايب مثل مابيقولو .. راح ابدي رأيي من خلال بحثي في الموضوع وتجارب قريباتي اللي سبق لهم وسافرو الصين للتشطيب والتأثيث .. ذكرو أن الاثاث بالصين على ثلاث درجات : فيه الفخم والراقي جدا جدا وهذا سعره مرتفع !! وفيه العادي المتوسط واسعاره معقوله ..مثل الصور اللي عرضتها تقريبا وفيه الردئ والرخيص جدا وهذا ممكن يتكسر قبل التركيب .. أغلب الناس هدفهم التوفير فيشتري من المتوسط العادي صحيح اسعاره ارخص لو قارنتها بالاسعارعندنا بالسعوديه لكن لو حسبتها صح بتكون صرفت تكاليف المبلغ اللي وفرته بتذاكر السفر والسكن والمعيشه واجرة التاكسي واجرة المترجم وعموله المكتب واجره الشحن والجمارك ... هذا غير اجره العماله اللي راح تركب لك الاثاث اذا وصل بالسلامه .. بعكس لما تشتري من هنا توصيل وتركيب عليهم .. وتوقع اسوأ الاحتمالات يمكن يكون شئ متكسر ولا ناقص .. الزبده بتكون قيمه التوفير بسيطه جدا.. وماتسوى التعب والفرفره بالاسوااق بوقت محدود وقصير .. ادفع زياده هنا واختار ع رواقه واريح اعصابي .. ولو في يوم فكرت اني أثث بيتي من الصين مو لانها ارخص لا .. لان الخيارات هناك اكثر.... هذا رأيي وسلامتكم |
شكرا المملووح وليمون حااامض ......
واختي هيفاء على مروركم الطيب واخصك اختي هيفاء بالشكر على توضيحك ونصيحتك اللي بمحل الاعتبار . وكلامك صحيح لاكن هاذا يعود لكم يأاهل جده والرياض والشرقية والمناطق الكبيرة لاكن حنا ياأهل الشمال مسااااكين ههههه . بصراحة فيه جشع من التجار بشكل لايطاق والعماله متحكمة بالسوق وتحصلين فرق بين المحلات بشكل كبير والمحلات كلها على عدد الاصابع عندنا والبضاعه مافيها شي جديد . فاحنا اهل الشمال تفرق معنا لاننا لو نبي نأثث لازم نجي للرياض ولاجده ونجلس اقل شي اسبوعين نسكن بشقة والاجارات غالية يعني راح نصرف اكثر من اجار السكن بالصين وبالنسبة وهاذا من وجهة نظري الشخصية مع احترامي الشديد لوجهت نظرك يعني واحد زيي السيراميك للفيلا احتاج حوالي 1500 متر مع الاحواش والسطح والملحق والمجالس الخارجية بسعر السعودية كم راح ادفع اضيفي الى المكيفات وغرف النوم وخلافة اللي عندنا كلة صيني والتاجر اللي يجيبها يبي يربح وراح يكون نسبة الربح عند بعض الجشعيين 200% يعني اختي فيه حاجات نفس اللي بالسعودية ونفس جودة السعودية اضيفي الى ذلك مثل ماتفضلتي ان فيه اشياء ماراح تلقاها بالسعودية او مانزلت لسى لاكن نحن اهل الشمال بصراحة محرومين من اللي بالمناطق الكبيرة فا رايي ان الصين وجهة جيدة بشرط الحذر والتخطيط بشكل جيد لماذا تريد ان تشتري واحس انها للي يبي يجيب تجهيزات فيلا كاملة من تشطيب وتأثيث راح تفرق معه كثيرة . شكرا اختي هيفاء والاختلاف بالراي ارجوا الايفسد للود قضية |
اعتقد انه مفيد للمشاريع الكبيره او مجمع الفلل سيكون التوفير فارق ...
اما على مستوى فله واحده شخصيه .. فكما ذكرت هيفاء .. |
شكرا لمرورك واحترم وجهة نظرك اخوي غالي
|
مشكورين وما قصرتوا على هالأثراء الطيب
|
العفو اخوي ابوتميم شكرا على مرورك
|
السلام عليكم ورحمة الله وبركاته
كل شي في العمار يبغالة تخطيط وحسبة وخبرة وفلوس فاذا توفرت عندك الاربع وطلع الفرق لصالحك بعشرة الاف توكل على الله وخلها حجة وحاجة لكن بالاول لف السوق عندنا وخذ خبرة بأخر الاسعار والنوعيات وقارنها مع عيال عمك او اختصر الموضوع واطلب من نفس المحلات الي اشتروا منها وعن طريق نفس المكتب بدون ما تكاليف سفر وكل شي في الكتلوج على طاري المكتب ياليت ترسلي ارقامه اذا ثقة بارك الله فيك |
طير البيضاء
شكرا على مرورك ونصيحتك الثمينة وبالنسبة للمكتب انا اول حاب اتطمن بعد ماتجي اغراض الشباب وكل شي اوكي وماعندهم ملاحظات على المكتب راح اعطيه اي شخص يطلبه بس انتظر علي لما تجي البضاعه ان شاء الله وابشر بالخير |
الي شروا من الصين مدحوها وكان عن طريق وسيط
ويعدون ان التوفير كان يستاهل التجربه |
اقتباس:
|
| الساعة الآن 09:01 PM. |
Powered by vBulletin® Version 3.8.4, Copyright ©2000 - 2025, Jelsoft Enterprises Ltd. TranZ By
Almuhajir
F.T.G.Y 3.0 BY: D-sAb.NeT © 2011
HêĽм √ 3.1 BY: ! ωαнαм ! © 2010