ندمت على اني حطيت سيراميك بني في الحوش ياهو يبي له عنايه دايمه |
ندمت اني حطيت خلاطات المويه في بعض الحمامات والمغاسل نحاسيه لانها ماتمشي مع المويه في ديرتنا المالحة لانها يترسب عليها زي الملح ويتغير اللون الى الاخضر يبي له تنظيف خاص والمنظفات تدمر اللون |
ندمت على السخانه المركزيه لانها اذا تعطلت تضرر البيت كله |
ندمت على اني حطيت في بعض الغرف السيراميك الاسباني اللي يلمع لون سكري مع رسومات يالوان حلوه صحيح انه فخم وشكله حلو وغالي بس لو تطيح شعره منك بانت على طول |
ندمت كثر شعر راسي اني ماحطيت ملحق عند مدخل البيت للشباب لانه بعد ماكبر ولدي شوي وبدو يجونه اصحابه صارو يجلسون بمجلس الرجال وهذا يضايقني تعرفون صغار والاثاث غالي |
الف شكر لك
|
وجود السخانات خارج البيت على الطوفه المقابله للحمام اعزكم الله
صراحة هذا الخطا اتعبني ويفضل لو الواحد يخلي السخان داخل البيت لان السخان خارج البيت تتعرض له اشعة الشمس وتلاقيه بسرعى السخان يخترب او يصدي |
اذا كنت تملك اطفال في البيت (ينصح باستخدام الاسبرنق على نهاية الباب عشان الباب مايرضخ ويخرب الطوفه او صبغ البيت
|
قمنا بعمل غرفة نصها من الزجاج مع ابيام منن الحديد وصراحة ماتصلح لانها حارة اغلب الوقت
لذلك ما انصح حد يكثر من الزجاج في الغرفه لانها بتكون حارة اغلب الوقت |
بالنسبة للزرع تم تمديد المياه بحيث تكون الانابيب النحاسية مخفيه تحت السماد
هذا الخطا اتعبني لان احيانا لما يكون في تسريب ماتدري من وين وراح تضطر تحفر تحت الارض عشان تدور وين المكان الي يليك ( يعني يسرب ) ياحبذا لو يكون انبيب المياه في الخارج عشان لما يليك يبين من وين يليك |
الساعة الآن 03:58 AM. |
Powered by vBulletin® Version 3.8.4, Copyright ©2000 - 2024, Jelsoft Enterprises Ltd. TranZ By
Almuhajir
F.T.G.Y 3.0 BY: D-sAb.NeT © 2011
HêĽм √ 3.1 BY: ! ωαнαм ! © 2010