|
اتمنى من كل واحد يتاكد من موقع المكيف في الغرفه لان بعض الاحيان الواحد يتفاجئ السرير مايجي الا والمكيف على وجهك (وهذي صراحة شغله تمرض)
لابد الواحد يحدد وين بيحط مكيفه وين بيحط سرير النوم اثناء التخطيط |
بالنسبة للبيوت الي فيها شبابيك كبيرة في واجة البيت هنا نجد انه من الصعوبه تنضيف الزجاج الخارجي لذلك ياحبذا لو الواحد الي يبي يعمل درايش كبيرة على واجة البيت انه يخلي مثل جسر او بلكونه صغيره عشان يقدر ينظف الدرايش من الخارج |
شوف بعد عندك تمديدات الحمامات الله يعزكم لا تخلونها في الطوفه من داخل علشان لوكان هناك ليك ( تسريب ) اتشوفه وتصليح ما يكلف مع انه منظرهم مب حلو وحاول قد ماتقدر اتخلي الحمامات فوق بعض في الخرائيط لتوفير في التمديدات من ناحيه ومن ناحيه ثانية ايكون لو ليك اتكون الخساره بسيطه ما تكون قاعد في الصاله مثلا اوالمجلس وفوق راسك رطوبه
|
واجهتني مشكلة التسريب لما حاولت اغير دينمة الماي
وجبت دينما اقوى ولكن ليتني ماغيرتها ..ا طلعت علي اغلى من بيع السوق لان كثير من الولفات بدت تسرب خصوصا لما يكون ضغط الماء في البيابات اكثر من السابق |
باب الصاله الرئيسي اذا كان مقابل للشمال راح يدخل الغبار بسهوله الى البيت وممكن المطر يتسرب الى الداخل لان الهواء يدفعه ناحيه الداخل
لذلك الرجاء الانتباه من نوعيه الباب وطريقه تسكيره او عمل حمايه للباب من المنيوم او تسكير البرنده بالكامل بالمنيوم او حديد مشغول وزجاج |
كراج السياره البعض يسترخص النوعيه والتركيب خاصه الـ الكيربي
وبعد ما يسكن ويستخدم الكراج يلاقي يسرب الرطوبه على شكل نقط في مكان معين فوق السياره ومع الوقت يحصل صدى وتأكل في جسم السياره وايضا اذا كان مقابله للشرق تلاقي الشمس من بعد الظهر بشوي على السياره لذالك مراعاه اتجاه الكراج ضروري |
اذا اشتريت سيراميك او رخام ( لاتبحث عن شخص رخيص للتركيب )
يا اخواني التركيب ونظافه الفنشينج هو شي مهم بالبيت وحتى ما يخرب جمال الرخام وندفع سعر غالي ونركبه اي كلام ويصير منظر البيت جدا تعبان للاسف الرجاء الانتباه لهذي الامور بس علشان نقول حصلنا واحد رخيص يركب ومحد يقص علينا |
الانتباه للبلاستر ضروري جدا احضار ايدي ماهره بالمنزل حتى يطلع شغلهم مرتب
خاصه بعد ( الصبغ ) تطلع عيوب البلاستر بكل وضوح وتشوه البيت للاسف |
عمل تمديدات جيده للهاتف والرسيفر tv بكل مكان بالمنزل ضروري التشييك عليها ووضع خيوط بداخلها من قبل الشخص الي قام بعمل التمديد الاولي حتى نتجنب اي انسداد وقت تدخيل الوايرات من الفني لما نريد نسكن المنزل وما نتفاجا ان الاماكن مغلقه والبيبات مكسوره
ونضطر الى تكسير او نمرر الويرات من فوق المنزل وادخالها من الشباك او من فتحات التكييف او عمل ثقوب بالحائط لتمرير الوايرات |
الخطأ اللي ندمت عليه هو اني سويت بلاط الحمام لين ثلاثة ارباع الطوفة على اساس اركب انتردوجلاس ، وتميت سنين وانا ناسية الموضوع ويوم قررت لقيت انه السخان بيعترض الموضوع لانه نص السخان عالبلاط والنص الثاني عالطوفة الغير مبلطة ، بس اللي ركب لي الانتردوجلاس خبى لي السخان ومايبين بس المشكلة الحين لو اخترب السخان اشلون ابدله ؟؟؟؟
|
| الساعة الآن 07:36 PM. |
Powered by vBulletin® Version 3.8.4, Copyright ©2000 - 2025, Jelsoft Enterprises Ltd. TranZ By
Almuhajir
F.T.G.Y 3.0 BY: D-sAb.NeT © 2011
HêĽм √ 3.1 BY: ! ωαнαм ! © 2010