|
يحبذ استخدام مكيف ويندو للمطابخ لان المكيف السبليت يتجمع فيه دهن القلي |
شيكو علي الخرائط عدل لا تثقوا في المصمم راح جاب تصميم درج من خريطة سابقة وركبها بخريطتي
وطلعت الدرجات صغيرة عقب عدلتة ب 4000 ريال |
فتحة المكيف الاسبلت خل من يمنية ويسارة علي الاقل متر ونص لانة صار عندي خطأ حطيت فتحتين قريب من الدريشة ذيك الايام يوم انسوي الخرائط ما نعرف الاسبليت لانة طول الاسبليت عندك اعتقد 10و1 متر
|
ابواب الحمامات اعزكم الله .. يفضل تكون من الألمونيوم
الخشب مع مرور الوقت يتشرب بالماء ولونه يتغير ويشوه المنظر الجمالي للحمام خصوصا اذا كانت الحمامات نوعية جيدة ومتعوب عليها . |
يا جماعة الخير نصيحة للي يبي يسوي بلاط رخام سراميك بورسلان اللي سطحه فيه شوي خشونه اياني واياكم تخلون اللي يركب يصب الروبه صب ويمسح البلاط كله تراه بيخرب لون البلاط وبيلصق بالسطح الخشن والحل ان تقولون له بس بكل تركيز حط الروبه فقط بين الشقوق والفتحات اللي بين البلاطه والثانيه وخاصه اذا كان اللي يركب مصري لانهم ما يقتنعون بالنصيحة لما تطلب منهم ويقولون لك ان هذا عملهم وهم ادرى به وحتى لما تجيب لهم البلاطه الجديده وتراويهم الاخلاف بينها وبين اللي راكبه من ناحية اللون صدقوني ما يعترفون بالخطاء فرجاء لا تخلون اللي يركب يخرب عليكم البلاط بها الطريقة
|
بالنسبه لتركيب السبلت يونت المكيف بالنسبه للقطعه الخارجية يجب الاهتمام بان تكون متوازية مع البايب الخارج من الجدار يعني بعض اللي يركبون يحط الجهاز الخارجي اقصى اليمين وتلقى الهوز طالع من الجدار اقصى اليسار وبالنهايه تشوف الهوز مخرب المنظر نصيحة بان يكون الجهاز الخارجي يغطي على الهوز يعني تشوف فقط الجهاز وما تشوف الهوز == واذا ركبت على ستاند نأكد ان الاستاند بالضبط ورى المكيف ومتوازيه وقريبه من مخرج الهوز حق الغاز ما يكون بعيد حتى ما يخرب المنظر وتطول عملية التبريد وبالتوفيق
|
بخصوص السيراميك والبلاط والرخام
خذ باك اب من كل نوعية يعني لازم يكون عندك في الاستور بلاط احتياط على الاقل خمس بلاطات من كل نوع |
اول خطاء كان اختيار المقاول على اساس السعر دون التركيز على الجودة ( من تهاون باللحم خانت به المرقة )
اخترت استشاري شخصي وهذا زاد الطين بله وياليتني مختار المكتب اللي قام بالتصميم |
المواصفات لازم تكون بالتفصيل الممل كل صغيرة وكبيرة بالنوع وجهة الصنع والمقاسات وحدود السعر واللي لازم يكون اكثر من سعر السوق بما لا يقل عن 10% ولا زم تستشير اللي بنوا حتى تتلافى النواقص
|
الابواب الرئيسية اذا كانت مقابله الشمس افضل تكون من الالمنيوم المشغول ( غالية لكنها قوية وتعمر وما تصدي مثل الحديد )
|
| الساعة الآن 01:22 PM. |
Powered by vBulletin® Version 3.8.4, Copyright ©2000 - 2025, Jelsoft Enterprises Ltd. TranZ By
Almuhajir
F.T.G.Y 3.0 BY: D-sAb.NeT © 2011
HêĽм √ 3.1 BY: ! ωαнαм ! © 2010