إستشــــارة بخصوص البلاط!!!!
 

السلام عليكم ورحمة الله وبركاته.....
بعد صولات وجولات في محال البلاط وقعت في حب رخام أو جرانيت أو رخام أو جرانيت ماأدري بالضبط وش هي !!!!!
لم يكن بالمرررررره في بالي الرخام أو الجرانيت لحـــد ماوقعت في غرام تلك البلاطه العنابيه ذات العروق البيضاء الممزوجه بشكل عجيب غريب تتجلى فيها قدرة القادر وابداع البديع سبحانه !!!!!
بعون الله أنا شاريتها شاريتها ... لكن ماحيرني في محل كانت على شكل لوح أي كبيره قال لي هذه رخام ومالها مقاسات أصغر سعر المتر260 ريال وكانت نوعاً ما محفره . وفي محل ثاني كانت بدون حفر ب360 ريال.. وفي محل ثالث كانت أقل لمعه وكانت نوعاً ما يمتزج معها اللون الزيتي الغامق جداً وكان يقول هذه جرانيت عماني سعرها 210 ريال ومقاسها30@60 وبعدفتره غير أقواله وقال هذه رخام تركي ... بينما المحلين يقولون رخام إسباني ؟؟؟

اختي اللي عرفته من موضوعك انه في رخام او جرنيت عجبك واحد محفور والثاني لا وكل المحلات يقول هذا نوعه اسباني والثاني تركي ؟؟؟؟؟؟؟؟

حطي صورته لو سمحتي

ابشري
http://img46.imageshack.us/img46/4356/e2h3.jpg
http://img593.imageshack.us/img593/1532/7qt2.jpg
ترى في الطبيعه أحلى بكثـــــير...

معرووف اختي

هذا الرخام اسمه رخام الحرم

افضله الكشميري ثم الاسباني ثم التركي

نحن لدينا نوع واحد و سعره 550 ريال للمتر و محتكرينه العماله السوريه

صالخين العالم صلللللخ

ياحي الله البرررررنس ...
من طول الغيبات جاب الغنايم !!! لكن وش يعني اللي حصلته محفور ؟؟؟

الله يحييك
بالنسبه للمحفور اشوف انك ما تاخذينه

بس ودي اسأل : الحين الرخام هذا تبين تحطينه في البيت ولا الحوش

اذا البيت : حاولي تدخلين معه اي رخام ابيض ساده
اذا الحوش : والله يبون يصكووونك عين هالمشفح ،،، رخام و بالحوووش ههههههههه

الله يكفي الشر !!! هههههههه
اللي في بالي احطه في موزع للغرف في جناحي وايطار لباب المصعد في نفس هذا الموزع.... وبس !!! وسلامتك

طيب ليه ما تحطينه ك تكحيل للنعله بيطلع روعه

يعني : مرايه ( حزام ) مقاسها 20 سم و النعله 10 سم مبرووومه

انا سويتها بجرانيت اسود للنعله و الحزام و لله الحمد طلعت روعه

واتوقع جناحي احلى من جناحك ،،، اتحدى

(( عط الحر فرصه))
ونشوف وين يكمن الإبداع !!! يااااااربــــ التساهيييييل.....