|
أشيروا علي يا اخوان بخصوص الواجهة هل احجرها أو أعملها كسر رخام
السلام عليكم يا اخوان أنا عندي واجهتين للفيلا في البداية كنت ابعملها حجر ومخليها بدون لياسة بعدين شفت الحجر غالي تقريبا120000 وبياخذ وقت في الشغل قلت اعملها كسر رخام اوفر في الوقت والمال اسبوع وهو مخلص والتكلفة في حدود30000قمت وليصت الواجهات بعدين شفت اكثر الفلل الي في الحي اكثرهم بيعملون حجر رجعت وترددت مرة ثانية خفت اعمل كسر رخام اصير لو حدي في الحي واغلبهم حجر
وانا حالتي المادية ممكن افضل منهم شوي لكن اذا عملت حجر اكيد اني ابضطر استلف أو اخذ قرض بينما بكسر الرخام ان شاء الله ممكن تمشي الامور بدون سلف أيضا قلت كسر الرخام لو ما ناسبني ممكن بعد كم سنة اركب حجر اذا توفر المبلغ وبصراحة انا معجبني حجر الرياض الكريمي مع النجراني في الاسفل وفي الاعلى والله يا اخوان اني في أشد الحيرة من أمري احيانا اقول كسر رخام ولا تكلف نفسك سلف او دين واحيانا اقول انت نفسك في الحجر والي ركبوا حجر ماهم افضل منك ولو ما ركبته اخاف اندم بعدين شيروا علي تكفون لاحرمكم الله الأجر |
اهم شي القدرة المادية اذا كان السلف او الدينة فرقها بسيط الحجر افضل من ناحية الجودة والجماليه ويرفع سعر العقار في حالة وجود نية للبيع وتركيبه في هذة المرحلة افضل من المستقبل لأن عمليه التغيير تحتاج تكلفة مادية .
ويسببون لك العمال ازعاج عند التركيب . اما اذا كانت المادة لك عليها ركب كسر الرخام والجايات لها حلاَل انشاء الله . |
وجهة نظر شخصية ..
مو أي حجر جميل .. فيه بعض البيوت تحس فيها تكلّف على غير فايده .. وفيه بيوت أشوفها مطعمة بالحجر وانارة داخلية .. و كسر الرخام جميلة جداً .. انا اقترح عليك .. تشوف شكل واجهة بيتك على رسمة 3d .. بالحجر او بكسر الرخام .. وبعدها احكم .. مثال بسيط ماله دخل بالواجهات .. شفت سيراميك حمام اسباني جميل جداً يشع بالفخامة .. يوم سويت رسمته 3d شلته من بالي حلو استخدام التقنية في اتخاذ القرار. |
اقتباس:
المشاركة الأصلية كتبت بواسطة amdady http://llbf.com.sa/vb/images_llbf/buttons/viewpost.gif وجهة نظر شخصية .. مو أي حجر جميل .. فيه بعض البيوت تحس فيها تكلّف على غير فايده .. وفيه بيوت أشوفها مطعمة بالحجر وانارة داخلية .. و كسر الرخام جميلة جداً .. انا اقترح عليك .. تشوف شكل واجهة بيتك على رسمة 3d .. بالحجر او بكسر الرخام .. وبعدها احكم .. مثال بسيط ماله دخل بالواجهات .. شفت سيراميك حمام اسباني جميل جداً يشع بالفخامة .. يوم سويت رسمته 3d شلته من بالي حلو استخدام التقنية في اتخاذ القرار طيب كيف اشوفه اخوي على رسمة3d ممكن تشرح لي مع أني واثق ان الحجر بيصير اجمل |
شف اي مصمم 3d ماكس .. وخله يسويه لك ..
بعض حقين كسر الرخام .. يرسمه لك حق الجر مفترض انه يوريك شكل البيت بالحجر .. طالما ان عندك اعتقاد وثقه ان شكل بيتك بالحجر بيصير جميل .. توكل على الله وسوه حجر .. مبدأي في البناء .. اذا صار البيت شخصي .. ما استخسر اي مبلغ ادفعه |
نصيحه الحجر لك والزمن وعازل حراري ويتجداد مع الوقت ومع الامطار يعطي لون اجمل خاصه الكريمي وحتى لو كان غالي يستاهل التركيب ونصيحه تقاول مع مؤسسة معروفه واترك شغل عمال الشوارع
|
أهم شي التصميم
لا نقول حجر فقط ولا كسر رخام فقط بفضل الله... صممت واجهة البيت ونفذتها حجر بنسبة 30% والباقي بروفايل.... والنتيجة جبارة بحمدالله وللمعلومية.... لم أترك كسر الرخام لعجزي عنه ولكن المصمم هو الذي أشار على بهذا وبالفعل التناسق ممتاز |
اقتباس:
المشاركة الأصلية كتبت بواسطة متواصل http://llbf.com.sa/vb/images_llbf/buttons/viewpost.gif أهم شي التصميم لا نقول حجر فقط ولا كسر رخام فقط بفضل الله... صممت واجهة البيت ونفذتها حجر بنسبة 30% والباقي بروفايل.... والنتيجة جبارة بحمدالله وللمعلومية.... لم أترك كسر الرخام لعجزي عنه ولكن المصمم هو الذي أشار على بهذا وبالفعل التناسق ممتاز اخوي متواصل المشكلة التكحيل يحسب بالمتر الطولي لذلك تكلفته تصير قريبة من انك تكسوها كامل بالحجرطيب اخوي ممكن توصلني بالمصمم الي سوا لك |
الافضل والأجمل والأوفر تطعيم بالحجر مع بروفايل
|
اخوي ابو عبدالمجيد المشكلة التطعيم بالحجر مكلف قريب من انك تكسو الواجهة كلها
يا اخوان كم سعر المصممين 3dتواصلت مع واحد في تويتر يقول4000 احس غالي جدا انا مسوي مخططي كله1500 |
اقتباس:
غير مكلف في حالة الاتفاف بالقطوعه للحجر احضر اكثر من واحد وشف اقل واحد في السعر ، وسعر البروفايل 22 ريال للمتر ،،، الرخم او الجرنيت ركب صيني ارخص س / كم نافذه سوف يتم تركيب ديكور عليه ، س / كم متر طول الكرنيش السور ، س / كم متر طول الكرنيش الستره الصطح ، س / الفله شارع اوشارعين ، ملاحضه / ارسل لي صورة الفله وسوف انسق لك الحجر مكان تركيب الحجر والبروفايل واللون ،،،،،،،، |
اقتباس:
المشاركة الأصلية كتبت بواسطة بوعبدالمجيد http://llbf.com.sa/vb/images_llbf/buttons/viewpost.gif غير مكلف في حالة الاتفاف بالقطوعه للحجر احضر اكثر من واحد وشف اقل واحد في السعر ، وسعر البروفايل 22 ريال للمتر ،،، الرخم او الجرنيت ركب صيني ارخص س / كم نافذه سوف يتم تركيب ديكور عليه ، س / كم متر طول الكرنيش السور ، س / كم متر طول الكرنيش الستره الصطح ، س / الفله شارع اوشارعين ، ملاحضه / ارسل لي صورة الفله وسوف انسق لك الحجر مكان تركيب الحجر والبروفايل واللون ،،،،،،،، هذا رابط لواجهة الفيلا http://llbf.com.sa/vb/showthread.php...E1%DD%ED%E1%C7 وفيه واجهة ثانية فيها اربع نوافذ وبروز صغير على مدخل الفيلا http://im74.gulfup.com/GchR2t.png http://im50.gulfup.com/8vR5Je.jpg |
انا مثلك بس مليس الواجهه وطرت على بالي اكحل او احط الواجهه الاماميه حجر ولكن انصدمت بالاسعار اولا الحجر الكريمي نادر بالسوق وارتفع سعره حتى ان واحد من المشهورين بالشغله قال لي ننفذ الكريمي ب200 ريال للمتر !! والتكحيل مثل ما تفضلت ما يفرق الا قليل عن الكامل وانصدمت ايضا لم عرفت عن نصبهم بطريقة التمتير الطولي !! مبالغه واستغفال للناس صراحة بس بالنهايه بتدفع مبلغ كبير بس علشان الناس يشوفونه ! في رأيي سوي الواجهات كسر رخام او بروفايل وفرق المبلغ حطه في اثاث في داخل البيت ينبسطون فيه عيالك ويستفيدون منه احسن لك |
الناس كلهم حجر في حجر بالعكس ابرز من بين جيرانك بكسر الرخام
انا عملت فلتي كسر رخام وجا جاري وشال فكرة الحجر من فلته وحطها كسر |
| الساعة الآن 03:57 PM. |
Powered by vBulletin® Version 3.8.4, Copyright ©2000 - 2025, Jelsoft Enterprises Ltd. TranZ By
Almuhajir
F.T.G.Y 3.0 BY: D-sAb.NeT © 2011
HêĽм √ 3.1 BY: ! ωαнαм ! © 2010