|
الخلاطات والمراوش
مساء الخير للجميع
انا في مرحله تركيب الادوات الصحية من خلاطات ومراوش فما هي الانواع ذات الجودة بسعر مناسب وهل هناك محل ينصح به في مدينه الرياض لان السوق مليان من التقليد والاسعار المتفاوته والشكر لكم |
مساء النور ..
جيت على الجرح .. الخلاطات و المرارش اذا ما عندك جهاز تحلية في البيت بعد كم سنة تخرب انا بصراحة ضد ان الواحد يستخسر في مواد السباكة .. عندك قروهي الاصلي .. ادخل على موقع قروهي يحدد لك منهم موزعينه في الحي حقك .. اشوف فيه خلاطات وشورات تركيه و ايطالية و المانية .. عند نجم اباحسين والدوسري وبعض المحلات اللي في التخصصي .. بس ياخي انا مجرب قروهي مريح جداً و ما يتطلب صيانة واجد اذا الموية مافيها املاح |
انا لسه مركب نوع جيد اسمه هانسا قروهي من محل الرمال اللي في التخصصي طبعا ألماني
صحيح غالي بس يعتبر جيد وفيه نوع قروهي بس السوق مضروب من اصلي واماراتي والوكيل اذا جبت الإماراتي لا يقبله والأصلي يستبدل لك مباشره لان الضمان خمس سنوات |
في أي مدينة؟
|
اشكر كل من تفضل بالرد من الاخوان
وبالفعل قورهي اسم كبير في السوق لكن اسعاره عاليه جدا انا اريد انواع مناسبه في السعر اخي متواصل انا في مدينه الحر والزحمه |
قروهي الاصلي ممتاز وعليه ضمان 5 سنوات
وفيه خلاطات جيده بسعر مناسب اسمها هزنت |
خذ صيني رقم واحد او تركي
|
محل الساحة في الملز موزع معتمد عند جروهي واسعاره معتدله
|
انصحك ب هانز قروهي عملية وشكلها ممتاز من محل الرمال ط التخصصي
كل فلتي من عندهم ... واحد اسمه عباس |
جرب Ideal Standard
|
عن تجربة شخصية ودائما انصح عملائي فيه
شركة تريدكس فرنسيه مصنعه في الصين رخيصة وتدوم معك اكثر من 9 سنوات |
يورو ستار اسباني و عليه ضمان 5 سنوات وكيله العمران
و العلم اني للحين ما سكنت في المنزل الجديد لكن ابي اسئل احدكم يقول اذا ما كان فيه جهاز تحليه للبيت فالخلاطات و المراوش تبي تخرب! يا ترى ليه؟؟؟ |
انا اقوله ..
لان الموية اللي تجيك من البلدية نسبة الأملاح الذائبة (tds) فيهاعالية تقدر تقول من 450 الى 600 جزء من المليون ومع الوقت تتجمع الأملاح عل ى الخلاطات وتصير تنقّط .. وتزعج .. الى ان توصل لمرحلة انك مهما صكيت الخلاط ما توقف الموية بشكل كامل انا كنت اشتغل في مكان وكانت الموية اللي نستخدمها آبار مصفّاة .. الخلاطات قروهي لها فوق ال 10 سنوات ما تجمع عليها املاح ولا تنقط ولا منها أي مشاكل. |
| الساعة الآن 03:50 PM. |
Powered by vBulletin® Version 3.8.4, Copyright ©2000 - 2025, Jelsoft Enterprises Ltd. TranZ By
Almuhajir
F.T.G.Y 3.0 BY: D-sAb.NeT © 2011
HêĽм √ 3.1 BY: ! ωαнαм ! © 2010