|
تأسيس السبلت مشورتكم
السلام عليكم
كيفكم ياغالين خلصت العظم الحمدلله وودي أبدأ بتأسيس مكيفات السبلت ولدي استفسار عما يلي : -أسعارها وهل هي بالمتر شاملة النحاس وماسورة التصريف ؟ - مالذي يتم تركيبه في مرحلة العظم بالضبط ماسورة النحاس والتصريف ونقطة ؟ كم مقاس الماسورة الخاصة بالنحاس وماسورة التصريف ؟ شكرا لكم |
مر على شركات ومؤسسات التكييف
|
ماهو نوع السبيلت هل هو تكيف مخفي ؟
|
السبيلت الجداري العادي ..
لاتضع أي شيىء حتى وقت ما قبل السكن .. وقت العظم فقط وضع المواصير داخل الجدران إذا كانت المكائن في السطح .. أمّا السبيلت الكونسلت أو المخفي أو المركزي .. فيجب التعاقد مع شركة تكييف لتجهيز ما يحتاجون فور انتهاءك من العظم .. |
شكرا لكم جميعا
التكييف هو اسبلت جداري لكن أخوي إكسير متى يتم تركيب مديدات النحاس والتصريف ؟ أعتقد من الصعب عملها بعد التلييس والا ؟ |
اقتباس:
في مرحلة العظم وقبل التلييس - يتم تركيب ماسورة 2 بوصة تستمر إلى السطح - يتم تركيب ماسورة تصريف يتم ربطها في اقرب دورة مياه مع الصفاية وأما تركيب النحاس للاسبلت الجداري فيكون وقت تركيب المكيفات بالتوفيق لكم أخي الكريم |
شكرا لك أخوي freenokia
في بعض الغرف ركبت قطعة ماسورة اثنين بوصة في الجسر قبل الصبة ومكانه في منتصف الغرفة أي مكان المكيف بحيث يتم التكسير لاحقا وإنزال التمديد مادري تصرفي صحيح ؟ |
اقتباس:
( ياخي شكل الكهربائي غير فاهم ،، الماسوره نازله في الغرفه وتكون داخل علبه بلستيك مقاس كبير ونازل من العلبه ماسوره لتصريف ماء المكيف وتشبك في اقرب صفايه حمام اومطبخ ،، وعند تركيب المكيف السبلت يتم تمديد النحاس داخل الماسوره ، وتصريف ماء المكيف يشبك في ماسورة التصريف ،،، ارجو وضح الفكره * |
شكرا بو عبدالحميد
الكهربائي ماسوى أي شي من الي تفضلت فيه لكن هل بإمكاني تدارك هذا الشيء الآن ؟ بحيث يتم التكسير من فتحة الماسورة الساقطة ويتم تركيب العلبة الي ذكرتها |
السلام عليكم ...
انت خوينا اللي في المسافرون ;) الله يمهل لك وييسر ارك وتنزله بالعافيه يارب ... كهربائيك متنح شكله !!! لان العادة اذا جاء يمدد الليات قبل صب الاسقف يغرس مواسير التكييف الى السطح اذا ماسوا كذا فمالك في الدور الاراضي الا انها تكون راكبها تحت على الجدران الخارجية والدور الثاني انت تقول لبعض الغرف مركب الماصورة .. والباقيات طيب !! بالنسبة للعلب فهي قبل اللياسة مع شغل التكسير اللي بيصير لتمديد الجراجير للافياش وكذا ... وتصريف موية التكييف تكون قبل اللياسه ايضا وينزل الماسورة الى نهاية الجدار ومايكمل تمديدها للدورة المياه الا قبل البلاط عشان ماتنكسر (لان تنكسر وقت اللياسة ومحد ينتبه لها الا بعدين او محد ينتبه وتصير مشكله كبيرة ) بالنسبة لي مافهمت بالضبط وش صاير عندك هل جميع الغرف اللي في الدور الثاني فيها ماسورة تكييف مخترقة السقف او لا؟ لان الدور الاول سهل موضوعه. بالنسبة للنحاس فهو يكون وقت تركيب المكيفات ... ماسورة التصريف حط بوصة الا ربع ... هم عادة يحطون نص بوصة بس انها صغيره ويسكرها الغبار اذا تجمع ماسورة السطح كان ودي انها اكبر من 2 بوصة لان الـ2 بوصة ياخي ماشي ضيقة موفق |
وعليكم السلام ورحمة الله
اي نعم أخوي الغالي أنا هو :) جزاك الله خير ع دعواتك الطيبة بالنسبة للدور الأول ناوي اركبها في الجدران ع الجوانب لأنها لاتقع في الواجهات والدور الثاني غرست ماسورتين بس وحدة للصالة والثانية لإحدى الغرف والثنتين واصلة لسطح الفيلا ، و لأن فيه شقة علوية ماراح اقدر اغرس لبقية الغرف اما الشقة العلوية فغرست لكل الغرف بسبب انها واصلة لسطح الشقة مباشرة وع فكرة الغرس كان يدوي واجتهاد مني شخصيا واخاف اني جبت العيد :d أمس رحت لإحدى محلات التكييف وقالي نمدد لك الحين كل شي داخل الجدران وسعر المتر 110 نحاس أمريكي وش الراي ؟ |
هذي صور صورتها قبل صب السقف وهي ماسورة إحدى الغرف في الملحق
https://dl.dropboxusercontent.com/u/...-924294413.jpg وهذى ماسورة لإحدى غرف الدور الثاني في سقف الفيلا مباشرة غرستها قبل الصب أيضا https://dl.dropboxusercontent.com/u/...-921579243.jpg |
اقتباس:
( نعم العلب تركب عند التكسير وقبل اللياسه |
الله يحييك ...الساعة المباركة ...
حتى الغرف الباقية لو حطيت ماصورة طويله وتركب المكيفات على سطح الملحق مافيه مشكلة .. واذا مابعد صبيت السقف فيمديك ...انا نفس الشي الغرف اللي تحت ملحق السطح رفعت المواصير لفوق سطح الملحق... وماعليك ماجبت العيد ولا رمضان حتى :D وقبل اللياسة جب اكواع سبليت وركبها وسكرها ترا المليسين ماعندك احد يلطسها ويمشي:p ...الله من علبة فيش لطسوها عندي:o وبالنسبة لتمديد النحاس انت وراك مستعجل ؟ التمديد مع تركيب المكيفات يعني قبل تسكن بليلة ان شاء الله:D يعني اذا مريت مع شارع المكيفات صد عنهم:p وسعرهم غالي ترا انا اللي اعرفه ان سعر المتر الزايد 75 للامريكي لان لك ترا 5 امتار مع المكيف .. |
الله يسعد حياتك ويطمن قلبك طمنتني
معليش ابي افهم شغلة تقول تركيب النحاس لاحقا اي قبل السكن طيب ايش السواة في الغرف الي مالها مواسير حتى الي مركبلها مواسير تنتهي حافة الماسورة مع نهاية البيمة يعني يلزم تكسير لين نقطة المكيف والا ؟ مافهمت وش تقصد باكواع السبلت |
اقتباس:
اذا قصدك اسفل الجسر فما عندك مشكلة بس انتبه للبناي بعدين لا يسكرها وكانك مخلص بناء تحت ايضا موب مشكلة يتم التكسير في البلك الى النقطه ( يعني عادي اهم شي مافيه تكسير في الجسر او اي خرسانه ) بس مشكلة الغرف الثانية ان الماصورة ماتتسع الا لنحاس مكيف واحد يعني ماراح تقدر تستفيد منها للغرف الثانية الحين انا فهمت انك خلاص صبيت السقف خلاص .... اذا صبتك جديده فمالك الا تجيب لك مهندس بـ 200 ريال وتشاوره انك تفتح في السقف بحكم انها صبة جديدة وممكن ماتتأثر ( الرأي له) ... طيب انت حطيت مواصير للدش ؟ والسباك هل مطلع مواصير زياده ممكن تستفيد منها لان بعضهم يزيد او تصير الماصورة كبيرة وفيها مجال ينزل نحاس مع جنب ماصورة التغذية للبيت .. الكوع توك عليه شوي ...اذا رحت للبيت صورته لك لان دورت في النت وما عرفت القاه... بس يبي لك تفكر من جديد في كهربائيك وهل انت متأكد انه جيد او مش حالك .. ابواب الخشب ومثلها ممكن الواحد يتساهل شوي بس شغل السباك والكهرب والانشاءات مايصلح نص ونص ...لان الغلط مكلف |
حياك الله أخوي الغالي
البيمة الي هي الميدة أو الجسر طبعا انا مخلص عظم كامل ساقف وباني وكل شي وببدأ في التشطيبات بس وحدة وحدة الكهربائي ماتعاقدت معاه بشكل كامل لا انما جبته وقت مد الخراطيم الحمرا في سقف الدورين والملحق . ومن ضمن الخراطيم الحمرا مطلع فوق في السطح يمكن ثلاث مخصصها للدش بحسب كلامه . يعني يمديني اختار لي كهربائي أفضل بإذن الله لبقية الفيلا . الي فهمته من كلامك ان الكهربائي يقدر يكسر من أسفل الجسر أي أول بلكة من الأعلى وينزل من الماسورة الي غرستها قبل صب السقف والجسر ويسوي نقطة ولاحقا يتم تركيب السبلت صحيح ؟ مسألة خرم السقف متخوف منها وبخليها آخر الحلول مشكلتي الوحيدة الآن هي الغرف الي فوقها جاي الملحق هل أطول مسافة التمديد لين سقف الملحق والا انزلها للأرض والاأعلقها بجانب الغرف ؟ |
اقتباس:
ميزة الفاهم من البداية انك تعلمه وش تبي مثلا غرفة الغسيل فيها نشاف وغسلات ومكيف يعني وضعها غير وضع الغرف العادية تحتاج ليات زيادة لان تبي كيبل اكبر مثلا .. انت الان خلاص معد عندك اي انشاءات والملاحق العلوية مخلصه ؟هذا اللي فهمته منك .. وفهمك لي صحيح ان الكهربائي يكسر في البلك اسفل الجسر عند الماصورة اللي انت مركب .. الغرف اللي فوقها ملحق اذا فيها ماصورة بس مشكلتك الملحق فطول الماصورة عادي وين المشكلة وتفتك من المكيفات بأنها تكون فوق الملحق وماتضايقك ...وتعليقها جبن الغرف فوق اولا فكر بالصيانة بعدين ..ثم شكلها مش ولابد وتنزيلها تحت بيشوه الشكل لانك بتمد ليات النحاس خارجي ... مشكلتك هذي لازم تحلها قبل اللياسه عشان لو فيه تكسير او شي .. بس عموما يمديك بس احرص على كهربائي كويس واكيد بيكون غالي عن الناس ...انا كنت مقاطع واحد على بيتي بـ 10000 وعند التكسير بدا يحوس وكنسلته وجبت واحد يكمل بـ19000بس والله ارتحت مره شغل نظيييف وفاهم بس قل وش تبي وهو يسويه بالطريقة الصح ...السباكة والكهرب يترتب على نجاحك فيها اشياء كثيرة بعدين واهم شي ((((السلامة)))) |
مشكور وبيض الله وجهك
غرف الملحق كلها فيها مواسير مغروسة في جسور السقف يعني أحطها فوق الملحق بكل سهولة أما غرف الدور الثاني والي جاي فوقها الملحق أطول التمديد لين فوق الملحق وتكون بشكل رأسي هذا الي تقصده صح ؟ غرف الدور الثاني والي فوقها سطح الفيلا مباشرة ثنتين وصالة حطيت لوحدة من الغرف ماسورة في الجسر والصالة ماسورة في جسر منتصف الفيلا ونسيت غرفة النوم الرئيسية :( طيب طول التمديد هل يؤثر على أداء المكيف ؟ راح يوصل يمكن ٧ أو ٨ متر . سؤال آخر كيف أحكم إغلاق فتحات المواسير بعد تمديد النحاس كي لايتسلل المطر والغبار ؟ |
اقتباس:
غرفة النوم تطل على مقدمة البيت ؟ وهل فيه ملحق تحت تقدر تركب مكينة المكيف عليه للغرفة ؟اذا كذا فخلاص مافيه اي مشكلة |
المواصير عادي قفلها بشطرطون وخلاص ماراح يدخل شي ..
فكرتك انك تعلقها حلوه ويصير التمديد بالعكس (تعلقها في بداية الدور الاول واعلى الارضي) |
الف شكر أخوي الغالي تعبتك معي
لا خلا ولا عدم |
| الساعة الآن 07:32 AM. |
Powered by vBulletin® Version 3.8.4, Copyright ©2000 - 2025, Jelsoft Enterprises Ltd. TranZ By
Almuhajir
F.T.G.Y 3.0 BY: D-sAb.NeT © 2011
HêĽм √ 3.1 BY: ! ωαнαм ! © 2010