|
المكان المناسب لمكيف الاسبلت
الأخوةالافاضل حياكم الله
سؤالي عن المكان المناسب لمكيف الاسبلت (جداري) في غرفة النوم * فوق رأس السرير * مقابل للسرير * بجانب السرير |
اقتباس:
أهلين الأزدي، وجود صورة من مخطط الغرفة سيسهل إتخاذ قرار تحديد موقع المكيف، و السبب لكي لا يكون القرار عشوائي بأختيار أو إقتراح جدران و هذا الجدران قد يكون فيه عائق مثل: 1- شباك 2- باب 3- دولاب الأفضل هو وجود المخطط و ممكن من خلال المخطط تسوي توزيع مبدئي لقطع الغرفة من سرير و خزانات الملابس..... بعد ذلك سيكون من السهل تحديد الموقع. تحياتي دودي خالد |
نصيحتي اعمل اسبلت مخفي اريح لك واجمل
|
هلا بك أخي الكريم كما تفضل المهندس خالد وجود صورة من المخطط المعماري سواءً للدور الأول كاملاً أو للجناح الرئيسي فقط فهذا يساعد كثيراً في تحديد المكان المناسب للمكيف على أن يتم أيضاً بالوقت نفسه توزيع قطع الأثاث خاصة السرير والدولاب ليتم تحديد مكان المكيف الأسبلت ينصح دائماً بأن لا يكون تيار الهواء مباشراً على السرير بالتوفيق |
1 مرفق
الأخوه الأفاضل تم ارفاق نموذج لمخطط غرفة النوم
آمل ان توضحو لي المكان المناسب للمكيف علماً انه تم التأسيس حالياً للمكيف بالمكان الموضح بالمخطط فوق رأس سرير النوم معذرتاً لكون الصورة صغيرة (الجود من الموجود) |
اقتباس:
أهلين الأزدي، إقتراحي للموقع العملي للمكيف موضح بالأسود، و ع يمين المكيف السرير و اليسار التسريحة و مقابل المكيف الخزانه. http://www.llbf.com.sa/uploads/uploa...3128062321.jpg تحياتي دودي خالد |
أنا أقترح فوق السرير تجنبا للبرد الشديد
وفي حالة الرغبة بالبراد يمكنك انزال الريش عليك لكن في إقتراح الاخ خالد أتوقع ستعاني من البرد |
السلام عليكم ورحمة الله وبركاته الغالي الأزدي أنا ماراح أقترح مكان للمكيف ..:rolleyes: ولكن بقول بعض المعلومات و أنت بتكون صاحب القرار .. مكونات مكيفات السبليت معلومات مهمه ولازم تعرفها عن مكيفات السبلت أولاً كل موديل له مواصفات و طريقة تركيب تختلف عن الثاني .. ثانياً كل موديل يختلف عن الثاني من ناحية بُعد الوحده الخارجية عن الوحده الداخلية .. بعض الموديلات ماتقدر تتعدى 4 متر وبعضها تقدر تروح الى أكثر من 100 متر بدون ماتنعكس سلباً على تبريد المكيف ... ثالثاً كلنا نعرف المكيف يجي طن و نص . 2 طن و 3 طن ...الخ المعلومه هذي مش مهمه .. أهم شئ نعرف المكيف كم وحده حراريه ..: 3 طن ... 24 ألف وحده ...يعني المساحة المغطاة : 24 م2 4 طن .. 30 ألف وحده ... المساحة المغطاة: 30 م2 ..... الخ يعني التسلسل الصحيح للتفكير هو : تحسب كم مساحة الغرفه وبعدين تقرر أي نوع يناسبها وفي الاخير فكر وين أنسب مكان للمكيف مو أنسب مكان لك .. طبعاً حسب كتاب التعليمات و المواصفات للمكيف وفي الاخير وزع أثاث غرفة النوم على كيفك :D هذا طبعاً اذا تبي تكييف صح . . نقاط مهمه جداً ... "بيب" التوصيل بين الوحدتيين الداخليه والخارجيه انا أسميه "البيب" V V http://www.natureaircorp.com/images/...ac-lineset.jpg لا يقل في أي حال من الأحوال عن 4 متر واذا كانت الوحده الخارجيه قريبه مررره لا تقصر "البيب" أقل من 4 متر قول للفني اللي يركبه يلف الزائد جنب الوحده الخارجيه لان الكمبرسور مصمم على 4 متر و فوووق اذا أقل من 4 متر ماراح يكمل سنه هذا جدول ماخذه من كتاب التعليمات لنوع من المكيفات جبته علشان توصل الفكره .. اللي عليها بالاصفر 18 ألف = عدد الوحدات الحراريه 98 فوت = أقصى مسافة بين الوحدتين (يعني 30 متر) 49 فوت = أقصى مستوى ارتفاع بين الوحدتين الارتفاع الأمثل للمكيف : بخصوص الكهرب مهم جداً تتبع كتاب التعليمات الخاص بالمكيف المواصفات لواير الكهرب موجوده في كتاب التعليمات وأغلب الاوقات تعتمد الـ AWG الحروف أختصار لـ American Wire Gauge هذي مواصفات كيبل الكهرب لـ المكيف ابو 24 ألف وحده اللي عندي عندي الحد الأدنى 18 AWG . . وهذا جدول يوضح الحجم حسب المعايير الامريكيه لاحظ كل ما صغر رقم الـ AWG صار الكيبل أكبر طيب أيش جاب الـ AWG للمكيفات جابها لان الكمبرسور في المكيف يشتغل أول 3 ثواني على قوة 380 فولت تقريباً وبعدين يرجع على الـ 220 فولت وتخيل لو مقاومة الكيبل كبيره ..!! يعني الـ 380 فولت لما تمشي مع مقاومة كبيره ماراح يتحمل الواير قوة الكهرب وبترتفع حرارته وممكن يسبب حريق .. غير كذا المسافة بين الوحده الخارجيه و "طبلون الكهرب" مهمه جداً بعض المكيفات لازم ماتزيد عن 8 متر وطول الكيبل وحجمه يحدد حجم "القاطع" في الطبلون وكل هذي تلقاها في كتالوج المكيف . . نرجع لموقع المكيف ..!! :rolleyes: الحين حدد موقع المكيف حسب المواصفات ورتب الغرفه حسب المزاج .. :confused: وتذكر ان الزبده من الموضوع كله تكون الغرفه بارده.. وعلشان تكون بارده لازم نجهز "معرسنا" المكيف حسب كلام اللي صنعوه . . أخيراً بالنسبة لي مايهمني وين المكيف ومكان السرير !! أهم شئ عندي وأنا نايم يكون راسي متجه شمالاً . . تحياتي للجميع للأمانه انا مش متخصص في التكييف ولاعمري ركبت مكيف الكلام اللي فوق معلومات عامه وحبيت اشارك فيها اذا فيه أي ملاحظات أعتذر مقدماً وأتمنى التصحيح . . |
اقتباس:
المشاركة الأصلية كتبت بواسطة دودي خالد http://llbf.com.sa/vb/fnoon/buttons/viewpost.gif أهلين الأزدي، إقتراحي للموقع العملي للمكيف موضح بالأسود، و ع يمين المكيف السرير و اليسار التسريحة و مقابل المكيف الخزانه. http://www.llbf.com.sa/uploads/uploa...3128062321.jpg تحياتي دودي خالد تسلم اخي دودي خالد على اقتراحك وتوزيعك بالنسبة لخزنة الملابس مكانها راح يغطي على النافذه لذلك يتعذر ذلك |
اقتباس:
المشاركة الأصلية كتبت بواسطة ثلووووج http://llbf.com.sa/vb/fnoon/buttons/viewpost.gif أنا أقترح فوق السرير تجنبا للبرد الشديد وفي حالة الرغبة بالبراد يمكنك انزال الريش عليك لكن في إقتراح الاخ خالد أتوقع ستعاني من البرد فعلا انا خايف في حال وضع المكيف جانبي من البرد ومعاناته تحياتي |
تسلم اخي الكريم حاكم
معلومات تشكر عليها وتوجيهات سيستفيد منها الكثير من الاخوان لايسعني الا ان اكرر شكري لك بس ياليت توضحي سبب قولك( أهم شئ عندي وأنا نايم يكون راسي متجه شمالاً) ليش الشمال بالذات :cool: تحياتي |
مراااااااااااااحب
ياناس هالحين انتم بلشانين في موقع المكيف وخايفين من البردّّّ!! والله في عز الحر هالأيام بنموت من الحر موالبرد !! إالا اهم شي المكيف يبرد ومومشكلة الله يخلي الكمبل اكثر مافي بيوتنا البطانيات اسفة على مداخلتي اللي مافيها فايدة بس وحدة متعقدة من المكيفات |
هلا بكم جميعاً الأخ حاكم يعطيك العافية واقتراح المهندس خالد ممتاز جداً أهم شيء بالمكيف الأسبلت الجداري أن يكون جانبياً ولا يكون تيار الهواء مباشر على السرير فهذا له أثار صحية كثيرة ومزعجة بالتوفيق |
موضوع مهم تحديد موقع الاسبليت الجداري في الغرفه ... وخاصه في غرفة النوم ......... انا عانيت من هذي المشكله كثيرررررررر ولم اتهني بالمكيف مع انه كان من اجود انواع الاسبليت (ناشيونال) وتبريده 100 % ولكن المكان المركب فيه كان خطأ وهو فوق السرير مباشرة .... وبالاخير بدلت موقعه الي الجهة المقابله للباب ..... يعني في غرفتك تقريبا في الجانب الايمن من الدولاب اي مواجهة للباب ... لاتقول لي بيطلع الهواء او او .... لانك ماراح تخلي باب غرفه النوم مفتوح ! او بنفس المكان المقترح من اخونا ومهندسنا القدير خالد دودي .... غير هالمكانين ... اتوقع راح تعاني من شدة تيار الهواء البارد على جسمك والاثار الجانبيه لذلك وخاصه اذا نوع المكيف من الانواع الممتازه . ... . |
| الساعة الآن 06:55 AM. |
Powered by vBulletin® Version 3.8.4, Copyright ©2000 - 2025, Jelsoft Enterprises Ltd. TranZ By
Almuhajir
F.T.G.Y 3.0 BY: D-sAb.NeT © 2011
HêĽм √ 3.1 BY: ! ωαнαм ! © 2010