|
ماندو
السلام عليكم ورحمة الله وبركاته من خلال تصفحي في منتديات كثير لقيت ان افضل مكيف اسبلت جداري جنرال _ دايكن_ فوجي _ ترين _ ال جي لكن بصراحة اسعارها غالية وتضيق الصدر سمعت عن مكيف اسمه ( ماندو) وكيله البعيز وش رايكم فيه وامانة من جربه او يعرف احد جربه .... |
هلا بك ماندو من الماركات الحديثة المتواجدة بالسوق المحلي وهي كما تفضلت لدى البعيز أحد الزملاء جرب هذا النوع "أسبلت جداري" ويثني عليه وشخصياً لم أجربه وأتمنى الأخوان ينورنا بتجاربهم ودائماً أحرص على اقتناء الأجهزة ذات العمر الإفتراضي الأطول والمشهود لها بذلك قوة بالأداء والتحمل والصيانة بالتوفيق |
ابو ابراهيم مشكور ماقصرت
انتظر أراء البقية |
ياليت تذكرنا لنا اخ سلطان اسعار هذه الماركة
|
بسأل عن الاسعار وابلغكم
|
مساء الخير
ذهبت إلى البعيز وسألتهم عن المكيف (ماندو) طلع مايبيعون الا هو عندهم نوع بلس فقط يجي لونه خشبي بعكس النوع الثاني الماندو العادي الي يجي ابيض سادة طبعا هم مايبيعون الا الخشبي وعلى كلام الموظف إنهم مايختلفون عن بعض(الكمبرسر هيتاشي ياباني والتجميع صيني ) والضمان سبع سنوات على الكمبرسر وسنة شامل الاسعار : 18 وحدة بـــ1850 ريال 24 وحدة بـــ2150ريال وأسف لم أسئل الا عن هالاثنين مؤسسة سعد البعيز بالرياض الفرع الرئيسي بشارع الامير بندر _ الروضة فرع أخر امتداد طريق المللك عبد الله نحو الشرق قبل طريق خالد بن الوليد يجي على اليمين مقابل بندة وفرع أخر وانت على طريق الامام مخرج9 باتجاه الغرب خلك على الخدمة يجيك طريق عثمان لف يمين مع الاشارة تلاقيه على يمينك قبل كنتاكي وامام بنك الراجحي هذه هي المعلومات الي اعرفها واسف على التقصير |
اعرف واحد مركب في شقق مفروشه من ثلاث سنوات نوع صيني اسمه جري او قري ويمدحه بلحيل ويقول ما اعرف الصيانه ابدا
|
موضوع مهم ... والصيف جانا .. والله يعين
كنت احوس لي فتره في الانترنت والمنتديات ... وابحث بالمحلات وعند الموزعين .. بخصوص المكيفات .. ( وراي قصمة ظهر 16 مكيف سبيلت :( ) المهم اللي عرفته ان ... 1- أو جينرال 2- فوجي الافضل في السوق حاليا .. وياليت يا اخوان تدققون بالـ ( أو جينرال ) لأن فيه نوع ثاني اسمه ( جينرال ) ما يمدحونه الدايكن ما عليه كلااام الكل كان يمدح فيه .. وحط تحت كان خطين .. لأن اليوم احد الموزعين ذكر انه تغير وصار صيني وصار ماشي على السمعه ولا صار زي الاول ! الله اعلم عن كلامه لكن هذا اللي قاله .. بخصوص الماندو بلس ( الموزع حقه / البعيز ) .. انا حطيت عيني عليه لأني لقيتهم يمدحونه كثير .. والاهم سعره في مقبول نوعا ما .. بخصوص الاسعار اليوم كنت عند البعيز اسأل عن ( ماندو بلس ) الاسعار بتاريخ 17-3-2013 وعلى كلام البائع انهم مسوين عرض .. 18 وحدة بـ 1800 ريال 24 وحدة بـ 2100 ريال 30 وحدة بـ 2600 ريال خاصمين خمسين ريال فقط !! امحق عرض هههههه قلت له باخذ 16 مكيف وابيك تسويلي خصم حلو .. يعني ما يصير انا اخذ هالعدد بنفس السعر اللي بياخذه راعي مكيف واحد !! قالي هذا نظام ومدري ايش ! الزبده ما عطاني غير الخصم اللي عارضينه الحين للجميع .. قلت له خير ان شاء الله بتشاور انا ونفسي وارجعلكم اذا الله كتب .. قررت ان شاء الله ارجعلهم هاليومين واشتري من عندهم ولو اني اتوقع باخذ للمجلس والصاله او جينرال .. وباقي الغرف ماندو بلس الله يكتب اللي فيه الخير لنا ولكم |
حنا في ديرتنا الحر عندنا مو طبيعي
لو تجيب الف ماندو ترراهم. ولا يسوون شي لذلك اغلب الناس عندنا تفضل lg الكوري وليس الصيني و ايضا ماشي عندنا الزامل كلاسيك و الحين. الناس هابه ب سامسونج كوري تايلندي و الاسعار نفس سعر الماندو الززززبده : يمكن الماندو ممتاز لكن حنا ما نعرررفه |
من المكيفات الاسبليت المجربة والعملية واللي سعرها معقول مكيف ( هام ) تحصلة عند المنيع للاجهزة المنزلية .
|
عن تجربه ميديا ووكله شركه شاكر قبل مخرج خمسه عل يدك اليمين جربته لي تقريبا سنه ممتاز صوت هادي بروده عاليه
٢٤ ١٨ وحده ممتازه جدا بس ٣٠ وحده صوته مزعج والاسعار مقاربه لماندو ونفس الضمانات وشكله جميل ديكوره واتمنى لك ولي التوفيق |
| الساعة الآن 11:46 PM. |
Powered by vBulletin® Version 3.8.4, Copyright ©2000 - 2025, Jelsoft Enterprises Ltd. TranZ By
Almuhajir
F.T.G.Y 3.0 BY: D-sAb.NeT © 2011
HêĽм √ 3.1 BY: ! ωαнαм ! © 2010