|
قصة بحرينية
بسم الله الرحمن الرحيم تعددت لهجات الأعضاء في المنتدى بتعدد جنسياتهم و مناطقهم خلونا كل مرة نكتب قصة بلهجة من اللهجات و اليوم خلينا نشوف اللهجة البحرينية واللي يدخل يحاول يترجم المفردات حسب فهمه لها :) مع احترامي و تقديري للأخوة و الأخوات البحرينيين نبدأ بالقصة البحرينية قعدت من الرقاد ونزلت من فوق الكرفايه ؛ وبطلت الثلاجه وشربت عرنجوش ؛ وكليت ميوه وسحه ؛ ولبست الزنجفره نمره واحد الي شريته من الحفيز اللي في المحرق وحطيت الكشمه الي عليها النمونه الحمره ووخذيت التمبه الربل من فوق روشنة الدهريز ......وآنه نازل من دجة البيت والفريج خرمس والشوارع سهده ..... والجو سريده وإلا بصوت عمبلوص مهتد وشاخطه ومسوي دندره في الفريج ..... ومعاهم دختر شيبه وقصله ..... ووكانو كلهم رايحين صوب الاسبيتار......وشايلين معاهم واحد ميهود وشوي والا بست متروس وعليه نيشان ونمرة نقل عام وكان يسوق مثل الغيلمه ووحاط على البانيت عكس مكتوب نحو الأميه وكلهم مستانسين ......قلت آنشدهم وين رايحين .......رد علي واحد قلج لكنه كان يلبلب قال لي رايحين كشته تبي أتيي ويانه قلت له والله قميضه ..... وآنه محيوب من الكشته..... أاقول باشوفكم الجابله الأحسن أروح ألعب في التمبه الدويحه .... تره غلق الوقت القصة منقولة |
وينك يا ام فلوحييييييييييييييييييي
هست سالفه بحرينيه توعولاي تريمي السولفه يا سلام على البحرين واهلها:) دريمر:ممكن احط قصه بالمكسيكي؟؟؟؟؟؟؟؟!!!!!!!:p |
قعدت من الرقاد(النوم) ونزلت من فوق الكرفايه ؛(السرير)
وبطلت الثلاجه وشربت عرنجوش ؛ وكليت ميوه وسحه ؛ ولبست الزنجفره نمره واحد الي شريته من الحفيز اللي في المحرق وحطيت الكشمه الي عليها النمونه الحمره ووخذيت التمبه الربل من فوق روشنة الدهريز ......وآنه نازل من دجة البيت(درج البيت) والفريج(اصدقاء) خرمس والشوارع سهده ..... والجو سريده وإلا بصوت عمبلوص مهتد وشاخطه ومسوي دندره (هرجه)في الفريج ..... ومعاهم دختر شيبه وقصله ..... ووكانو كلهم رايحين صوب الاسبيتار(المستشفى)......وشايلين معاهم واحد ميهود وشوي والا بست متروس وعليه نيشان ونمرة نقل عام وكان يسوق مثل الغيلمه (بشوي) ووحاط على البانيت عكس مكتوب نحو الأميه وكلهم مستانسين(منسجمين) ......قلت آنشدهم وين رايحين .......رد علي واحد قلج لكنه كان يلبلب قال لي رايحين كشته تبي أتيي ويانه قلت له والله قميضه (عيب)..... وآنه محيوب من الكشته..... أاقول باشوفكم الجابله الأحسن أروح ألعب في التمبه الدويحه .... تره غلق الوقت(كمل الوقت) هدا اللي قدرة انترجمه |
لحقوا علينا يا الايواد يا المسلمين،،،،،،،،،،،
عيسى الفقهي طالاع بحريناي :eek: |
هههههههههههههههه بصراحه انا مالي بوريض اتريم ابروح البروداااااااااه جمبها مصاوير باخذ عاكس وارجاع عيسى طلع محرقي خخخخخخخخخخخخخ تذكرت السيبال ابو لهب http://llbf.com.sa/vb/images/icons/icon10.gif |
هههههههههههههه والله لهجه على مستوى هذا قاموس يبيله ترجمه وين بنات البحرين وماشاء الله عليه مهندس عيسى والله مترجم شاطر نحتاج لهجه ثانيه نبي المهندس عيسى يتكلم باللهجه الليبيه يامال العافيه دريمرتحياتي لمسة فنون |
هههههههههههههههههه
معاي لهجات العرب كلهن الا الموريتانيه هههههه |
اقتباس:
اوال ماااااار رررررررررررره أورررري ان بو لاهاب سيبول:p |
اقتباس:
المشاركة الأصلية كتبت بواسطة ام الفهد http://llbf.com.sa/vb/fnoon/buttons/viewpost.gif اوال ماااااار رررررررررررره أورررري ان بو لاهاب سيبول:p ام الفهد احلفك بالله اسالي دريمر ابولهب وين حاط مدونته خخخخخخخخخخخخخخخ ونابي عيسى يتريمها ،، جاي فااااااالت صار له ساعه يخوزر وماتريم غير كلمتين http://llbf.com.sa/vb/images/icons/icon10.gif |
[COLOR="Indigo"]بيشوير:
شافيت موداواناة السيبول وين موكانوتها املحلحه جنها وايعه |
اقتباس:
و النعم في البحرين و اهلها و ان شاء الله ام فلوحي بتيي زتاااااااات زتات عشان اتريم السولفه |
دريمار : يو ريتناي مسمار ومطرقاه ،،،،،،،،واساويلاج بقالبي صاندقه
الله العظيم |
مو عببببببببببببر البورحه مو ارقديت من الظحج
|
اقتباس:
ما شاء الله عليك مزعيسى اجابات الصحيحية الكرفاية الرقاد الإسبيتار غلق الوقت اجابات قريبة مستانسين غيلمة دجة الفريج مش الأصدقاء الفريج يعني الحي محاولة لا بأس بها :) شاكرة لك مرورك الله يسعدك و يبارك فيك |
اقتباس:
هههههههههههههههه كلها اربع كلمات سويتيه بحريني هههههههههههههههه |
اقتباس:
المشاركة الأصلية كتبت بواسطة ام الفهد http://llbf.com.sa/vb/fnoon/buttons/viewpost.gif [COLOR="Indigo"]بيشوير: شافيت موداواناة السيبول وين موكانوتها املحلحه جنها وايعه زين وش روياج في موكانها اتينن .. لااا! هههههههههههههههه سكتاي البورحه ماقدرت ارقد مثلاج مت من الضحك ومت من البارد تلحفت في البرنوص بس ماميش فايداه زقرت على رايليي ياختي هاوشنيي ،، الحين احس فيني النوده من شوي خذيت غافواه حلمت اني في بر الباحرين راكبه البطبطه هههههههههههههههههه وينك ام الفلاليييييييييييح http://llbf.com.sa/vb/images/icons/icon10.gif |
اقتباس:
ههههههههههههههههههههههههههه بشاير منتي بهينة ما شاء الله عندك قاموس كلمات بحرينية بس السيباااال حكاية و ينج يا ام فلووحي هههههههههههههههههههه |
وووووووووووووووووووووووووي يا جبدااي ماتيت من الظحج
ورديت حييييت جناي كومار ،،،،،،،، |
والله مالي بااارض الضحك :( يالسين في الحوش والشبه والسويده امولعتها من الفير والبرنوص على راسي يازين البحرين وريحتها :) يزاكم الله خير ونستوني اشوي بس بعض الكلمات انا نسيتها من زمااان اثرت علي السعوديه ونسيت اللهجه العاميه البحرينيه |
اقتباس:
اوم فلووووووووحي هنيييييييييييييييييييه قلطاي فديتاج ،،،،،،،،،،،،،،،،،،،،،،،،،، وهلا باللي لفوني يا هلوبه،،،،،،،،،،،،،،عدد دقوت قالبي في غيووبه |
اقتباس:
يا هلا باختي لمسة فنون........البحرين قريبة علينا عشان كذا نفهم اللهجة و رابين معها.....ولما نخلص من ترجمتها بنروح للهجة الليبية :) الله يسعدك و يبارك فيك عزيزتي |
اقتباس:
يا هلا بأم الفلاليح ..........المفروض ما تنسين والا السعودية خلتك تنسينها.....ايييييه من لقى احبابه نسى اصحابه :) تسلمين على المرور |
الترجمة قعدت من الرقاد النوم ونزلت من فوق الكرفايه السرير؛ وبطلت الثلاجه وشربت عرنجوش عصير طماط ......وكليت ميوه وسحه فواكه وتمر ولبست الزنجفره نمره واحد الفانيلة الي شريته من الحفيز المحل اللي في المحرق وحطيت الكشمه النظارة الي عليها النمونه العلامة الحمره ووخذيت التمبه الربل كرة مطاطية من فوق روشنة الدهريز حفرة او طاقة بالحايط......وآنه نازل من دجة دكة او عتبة البيت والفريج الحي خرمس مظلم والشوارع سهده هادية والجو سريده باااارد وإلا بصوت عمبلوص اسعاف مهتد وشاخطه مسرع ومسوي دندره ازعاج وضجة في الفريج ......وومعاهم دختر دكتور شيبه كبير في السن شايب وقصله قصير ..... ووكانو كلهم رايحين صوب الاسبيتار المستشفى .... وشايلين معاهم واحد ميهود مريض وشوي والا بست باص متروس مليان وعليه نيشان ونمرة لوحة نقل عام نقل عام وكان يسوق مثل الغيلمه السلحفاة ووحاط على البانيت اظن مقدمة السيارة عكس صورة او لوحة مكتوب نحو الأميه وكلهم مستانسين مبسوطين او مسرورين قلت آنشدهم اسألهم وين رايحين...... رد علي واحد قلج لكنه كان يلبلب.... قال لي رايحين كشته رحله تبي أتيي ويانه تجي معانا قلت له والله قميضه حسافه ....... وآنه محيوب ممنوع من الكشته..... أاقول باشوفكم الجابله بكره بالليل الأحسن أروح ألعب في التمبه الدويحه الكورة ..... تره غلق الوقت تأخر الوقت |
دريمر عقب هالقصة إذا أحد يفكر يروح للبحرين فأكيد بيبحث عن مترجم يرافقه لأن الكلمات اللي ترجمتيها كثير منها ما تخطر بالبال وغطيتي على ترجمة النوخذة المهندس/ عيسى |
هههههههههههههههه
مهندسنا شن معنا النوخدة |
ذكروتني بمسلسل طفاش ( البحريني ) احلى مسلل تابعته رغم اني مافهمت كل نص المسلسل
|
أهلا دريمر
بصراحة فعلا صارت لغة مو لهجة.. بس اعتقد ان هالمصلحات بدت تنقرض زي لهجاتنا المختلفة موضوع ممتع ..ومفيد ننتظر اللهجة الأخرى |
اقتباس:
يا هلا بأخي ماجد.........اعتقد الكلمات قديمة و يمكن الأجيال الجديدة تفهم بعضها و ليس كلها و الدليل ام فلوحي ههههه...........اشكرك على المرور و التعقيب |
اقتباس:
م. عيسى النوخذة مثل الكابتن او قبطان السفينة اللي يدير السفينة ويعطي اوامره للبحارة و يؤتمر بأمره |
اقتباس:
اهلا اخي كافور......اللهجة البحرينية خاصة في المسلسلات القديمة صعبة خاصة للي مش قريب من منطقة البحرين على قولتهم قلجه :) اشكرك على المرور |
اقتباس:
يا هلا عزيزتي اديم........بالضبط بعض المصطلحات القديمة لا تعرفها الأجيال الجديدة .........يسعدني ان الموضوع نال استحسانك و المرة الجاية الدور على م. عيسى فقيهي يحكي لنا قصة ليبية تحياتي |
بصراحه اقرأ وانا متفاجئه لهجتهم مره صعبه مافهمت شي الا المعروف ولما ترجمتوها<<<<<<<<قلبت لغه انجليزيه تحتاج ترجمه هذاك الوقت فهمت :( |
اقتباس:
المشاركة الأصلية كتبت بواسطة م/ عيسى الفقهي http://www.llbf.com.sa/vb/fnoon/buttons/viewpost.gif هههههههههههههههه مهندسنا شن معنا النوخدة م/ عيسى تطلق كلمة النوخذة في دول الخليج العربي على قائد قارب الصيد أي الزعيم |
مدري وش فيني :confused: اشتهيت حلوى شويطر ومتاي :cool: |
ياالأيواد نبي النوخذه عيسى الفقهي يرجع بالسلامه والله فاقدينه :(
بشاير ولا يهمك اول ما يرجع النوخذه بنسويله حفله بحرينيه .......حلوى ومتاي وشربت (لغير الناطقين بالبحريني ..شربت = عصيييييييييير:p) |
اقتباس:
المشاركة الأصلية كتبت بواسطة ام الفهد http://llbf.com.sa/vb/fnoon/buttons/viewpost.gif ياالأيواد نبي النوخذه عيسى الفقهي يرجع بالسلامه والله فاقدينه :( بشاير ولا يهمك اول ما يرجع النوخذه بنسويله حفله بحرينيه .......حلوى ومتاي وشربت (لغير الناطقين بالبحريني ..شربت = عصيييييييييير:p) هلا بك أم الفهد الأخ عيسى الله يحفظه ويرده لنا سالم وغانم اتصلت فيه قبل كم يوم ويقول الحمد لله الأمور تمام التمام والطيارات فوقهم تقصف وأنهم بإذن الله منصورين ويطلب منا الدعاء بإذن الله قريباً يعود النوخذة عيسى |
ان شاء الله يرجع لنا المهندس عيسى بالسلامة والله يعيد عليهم نعمة الأمن و الأمان و يحفظ اخواننا الليبيين من كل سؤ. على فكرة وانا اتصفح النت من كم يوم اطلعت على تاريخ الغوض في الخليج و اكتشفت من احد الردود ان كلمة نوخذه اصلها فارسي و تعني إله البحر :eek: |
اقتباس:
الله يبشرك بالخير ..........بالله عليك استاذ ماجد تسلم عليه سلام كثير وعلى اهله ................ويارب يحفظهم من كل شر .......... ماباليد حيله مالنا غير الدعاء ......... |
اقتباس:
دريمر :اعتقد انها تعني سيد البحر او القائد ...............مثل ما يطلق على الأب ....رب الأسره وليس بمعناها المطلق (إله البحر ) يا سلاااااااااااااااااااااااااااااااااااام عليكي يام فهد هههههههههههههههههههههههههههااااااااااااااااااااااا ااااااااي :) |
| الساعة الآن 07:13 PM. |
Powered by vBulletin® Version 3.8.4, Copyright ©2000 - 2025, Jelsoft Enterprises Ltd. TranZ By
Almuhajir
F.T.G.Y 3.0 BY: D-sAb.NeT © 2011
HêĽм √ 3.1 BY: ! ωαнαм ! © 2010