|
تجربتي مع ابواب الخشب من مصنع دار الرتاج
5 مرفق
الاخوه الاعزاء في هذا المنتدي الطيب
السلام عليكم ورحمة الله وبركاته اود ان اشكر في بادي الامر الاخ ابو ابراهيم علي كل ماقام به من نصح وارشاد لي ولبقيه الاخوه الاعزاء في هذا المنتدي ونسال الله ان يكتبها له في ميزان حسناته واحببت ان اخلص تجربتي مع مصنع دار الرتاج لابواب الخشبيه ومحذرا اخواني من التعامل معهم حيث ان ان لهم خبره طويله في النصب والاحتيال علي زبائنهم والخص قصتي باننني ابرمت عقدا معهم علي تركيب ابواب لفلتي وكان مدة العقد (50) يوم وبعدها يتم تسليم الابواب لي واشهد الله انني الي الان قد تجاوزت العشره شهور ولم استلم العمل علي الصوره المطلوبه حيث انهم رفضو تسليم الابواب الا بعد ان اسلم كامل المبلغ وعندما سلمتهم كمل مستحقاتهم بدأ مسلسل المماطلات والمواعيد الوهميه وبعد ان وصلت معهم للشكاوي قامو بتسليمي الابواب بالصور التي سوف اعرضها لكم الان حيث ان اغلب الابواب متنفخه ولم تدهن بصوره جيده وبعضها لم يسنفر خشبه فلذا اتمني يكون تعاملي معم عضة لبقية الزملاء والسلام عليكم ورحمة الله وبركاته |
نسأل الله أن ينصفك ممن ظلمك أخي عذال ...
ولكن المهم هو عدم اكتفائك بكشف حقيقتهم ، بل المطلوب منك السعي لأخذ حقك و أقترح عليك أخذ تقرير من أي مكتب استشاري ، و من ثم مراسلة المحل على فاكسهم الرسمي و المدون رقمه على العقود مع احتفاظك بصورة الخطاب المسحوب على الفاكس و طالبهم بإصلاح عيوب التصنيع مع أمهالهم 10 أيام لإنهاء الاصلاحات من تاريخ الخطاب ، ومن ثم رفع دعوى عليهم من خلال المحكمة المستعجلة ، و تسليم خطاب الاستدعاء لهم من خلال مركز الشرطة هذا بحد ذاته كفيل بأن يبادروا بالاصلاحات كما هو المجرب و المعتاد ، ولا يكلفك شيء .... |
هلا بك الله يكون بعونك أخي الكريم إذا لك نفس بالشكاوي فلا تقصر معهم وللأسف أنه عند الشكوى تحتاج جهد كبير لأخذ حقك سبق تعاقدنا مع مصنع معروف ومشهور جداً لتنفيذ بعض البنود من بداية شهر رمضان وهو يقول السيارة حملت البضاعة وجاية لكم بالطريق سبحان الله من رمضان ما وصلت السيارة إلا بعد عيد الأضحى طبعاً الموقع بالصحافة والمصنع بالشفاء بمثل هذه الحالات احرص على لقاء صاحب الحلال وبإذن الله تخلص وتطلع بنتيجة الله يعوضك والجميع خير |
مرحبا اخي
سادعم شكواك بشكوى مماثلة لنفس المصنع وبيننا اتصال |
اين حماية المستهلك؟؟؟
الى متى هذه المهزله؟؟؟ |
يفترض ان يعدل العنوان الى احذرو التعامل مع مصنع دار الرتاج |
والله مارحت لهذا المصنع الا بعد ماشفت مدح ماجد المحيميد لهم ومشاهدتي لعمل لهم في احدى الفلل
لكن بعد التعامل والله لم ارى خبث وغش مثل مارئيته عندهم والله والله شيئ مرييييع حسبي الله ونعم الوكيل فيهم |
اقتباس:
المشاركة الأصلية كتبت بواسطة ام الجود http://llbf.com.sa/vb/images_llbf/buttons/viewpost.gif والله مارحت لهذا المصنع الا بعد ماشفت مدح ماجد المحيميد لهم ومشاهدتي لعمل لهم في احدى الفلل لكن بعد التعامل والله لم ارى خبث وغش مثل مارئيته عندهم والله والله شيئ مرييييع حسبي الله ونعم الوكيل فيهم هلا بك أتمنى فضلاً مراجعة التاريخ اللي مدحتهم فيه بالفعل عملهم كان جيد جداً وآخر تعامل معهم من عامين تقريباً وقبل فترة قريبة نفذوا لنا مشروعين بناءً على رغبة العملاء لأن السعر كان هو الأفضل مقارنة بالخيارات الأخرى وأمانة نفذوا لنا العمل بشكل جيد رغم وجود تأخير لذا كما قلت لكم من قبل من تعرض لسؤ بالتنفيذ أو تأخير كبير فعليه الشكوى وأفضل مقابلة صاحب الحلال "المالك" وإذا ما خلصتوا معه على شيء يرضيكم ويعوضكم فيتم التوجه للشرطة للأسف الشكاوي عندنا تتأخر وتأخذ وقت و نحن بطبعنا نتساهل كثير مع البائعين والموردين ولي بإذن الله خطة أعمل عليها وسأقدمها لوزير التجارة فيما يخص تلاعب وتأخير ومماطلة المصانع والموردين وأتمنى بإذن الله أن يكون فيها نفع للبلاد والعباد فكم نسمع من قصص مؤلمة من غش وتأخير ومماطلة بالأشهر دعواتي للجميع بالتوفيق |
بالعكس ياابو ابراهيم انت ماقصرت
ومن متابعتي لك الاحظ بأنك متحفظ جدا جدا في تزكية الجهات المنفذه للأعمال ولكن هذه الامور تحصل وانت محل ثقتنا ولكن يبقى على صاحب المشروع ان يبذل جهد في السؤال عن المقاول والاطلاع على مشاريعة فلايمكن الاعتماد فقط على توصية اين كان ومن تجربة دائما المقاولين تتغير جودة اعمالهم والتزامهم فيها بحسب ظروف السوق فكلما زاد الطلب عليه تدنى مستوى الجودة ومدى الالتزام مع العميل وفي النهاية التوفيق بيد رب العالمين |
اقتباس:
وكون اننا تعرضنا لغش او تلاعب منهم هذا لا يعني تشكيك لكن تجديد المعلومات مطلوب خصوصا اذا كان هناك اخطاء لتحذير من يريد ان يتعامل معهم وايضا لكي ينتبه صاحب المصنع ويراقب اذا كان حريصا على سمعة المحل وانا لم اتعرض لمماطله فقط بل غش صريح واستغلال لثغرات في العقد من قبل شخص يبدو انه الكل في الكل حاولت اعرف رقم صاحب المصنع او اسمه لكنهم تهربو مني ولم القى اجابه الى الان ياليت الي يعرف اسم صاحب المصنع يعطيني اياه على الخاص اذا كان ممنوع هنا او رقمه |
هلا ام الجود
صاحب المصنع ( مصري ) واتوقع الي معه مشترك واحد اسمه محمد عثمان ( سوداني ) المصري متواجد في المصنع انا الحين شغلهم في الدهانات سيئ فلما هددتهم وقلت بجيب معي ثلاثة للمحل تعرفون ان الله حق قام السوداني وواحد اسمه ابوعبدالحق بالارتباك وواعدوني وبشوف ... حقي لن اتركه اذا غيري سكت لهم |
دار الرتاج للأبواب الخشبية فخ فاحذروه
اشكر بداية الإخوة في المنتدى وأعرض لكم معاناتي مع دار الرتاج للأبواب الخشبية والذي يقع معرضهم في مخرج 9 بجانب منزل السيراميك حيث استقبلوني بكل ترحاب قبل كتابة العقد ، ولكن بعد كتابة العقد واستلام الدفعة الأولى بدأت المعاناة والمماطلة حيث تم تركيب الحلوق بعد أكثر من اسبوعين ثم مر الشهر والشهرين دون أي جديد ولم استلم الأبواب جاهزة على حد قولهم إلا بعد أكثر من 5 شهور بعد أن استلموا كامل مبلغهم وما إن تم تركيب المقابض إلا وبدأت الأبواب تتقشر وتظهر عيوبها مباشرة ووالله لم يمر علي أسوأ من هذه التجربة معهم ، إضافة إلى أن العقد في صالحهم فلا يوجد فيه أي ضمان على العمل يعني باختصار (( فخ فاحذروه )) |
كان الله بعونك يا أخي .. و بعون جميع من تضرر .. و نصيحة عليك التوجه مباشرة لوزارة التجارة تراهم نشيطين جدا هالأيام و بلغهم شكوى غش تجاري وما راح يقصرون معك بإذن الله و هذا رقم بلاغات المستهلك: 8001241616
و خل عنك المحاكم لأنك تبي تطفش ما انتهت القضية ... |
السلام عليكم
هلا بالتميمي : سادعم موقفك بما حصل لي معهم ونتمنى ممن تاثر منهم ان يقف معنا ونخاطب وزارة التجارة لعلنا نحصل على تعويض |
الله يسلمكم اخواني
وأنا سويت بلاغ لوزارة التجارة وكلموني قالوا إن العقد ما فيه نص على الضمان ومدته وهاذي مو مشكلتنا احنا المواطنين لأن كثير منا ما عنده خلفية عن العقود وإيش الي يضمن حقك المهم قال الموظف الي في بلاغات وزارة التجارة نعتذر منك الله يعينك |
... السلام عليكم ...
الحمدلله الي فكني منهم .. للمعلومية مريت عليهم اكثر من مره وشفت ابوابهم لونها شاحب .. ولما سألت مندوبهم الي في المحل قالي عشان من اكثر من 10 سنوات في المعرض .. قلت له طيب ليه تقدمونه للزبائن بهذا الشكل وبعدها اخذ رقمي وكل ثلاثة ايام يتصل .. لكن قدرة الله صرفتني عنهم .. اسأل الله ان يرد حقك ... واطالبك بعدم ترك حقك والتوجه للقانون في البلد حتى لو طولت ... كما احذر اخوتي من محلات الابواب الخشبية عامة ومحلات الألمنيوم وكمان بعض ورش الحديد فهؤلاء اكثر ناس في المماطلة وكمان لا انسى معارض المطابخ وما ادراك ما المطابخ .... المهم وثق عقدك وكمان طالبهم بأعطائك ارقام كم واحد من الزبائن واتصل عليهم واسألهم ..... كما اطالب مشرفي المنتدى بتخصيص زاوية في هذا المنتدى لكشف كل غشاش ومماطل |
داااااااااااااااار الرتاااااااااج ماقول الاحسبي الله ونعم الوكيل هذه الموسسه لا يجب ان تكون في السوق لسوء تعاملها مع العميل وسوء التخطيط في وضع جدول زمني لتفيذ وتسليم العمل بشكل نهائي وسليم
للاسف الشديد تعاملت معهم وياليت ماتعاملت تخيلو تغير المسوول بالمحل 3 مرات خلال اقل من سنه وكل واحد يحط المسووليه التاخير علي اللي قبله واللي زاد الطين بله انهم اخذو فلوسهم كامله رغم حرصي وتحذيراتي لهم بعدم التاخير والتنفيذ يكون دقيق حسب ماكتب بالعقد والله ياجما عة الخير لنا اكثر من سنه ولا خلصنا بالقطاره شغلهم اننا هددت السوداني انكم لو ماخلصتونا راح اقدم شكوا عليكم وبطلاعة الروح وبعد الخناقات وردوها وجلسنا شهر او اكثر عشان يركبونها وبلاخير طلع واحد من الابواب غلطانين فيه وحالتنا حاله بس جد حرام اللي قاعد يصير حاولت اخذ رقم صاحب الموسسه يشوف حل بسوء الاداره والمشاكل اللي حصلت ولكن يصرفونا بانه مايعرفون رقمه |
ايضا عندكم شركة تعاملت معهم لا تقل سوءاعن دار الرتاج وهم موسسة جزييييييييرة الثلج للدكت والتكييف والمسوول الاداري اللي كان فيها زياد اردني الجنسيه ومعه مصريين شيبان بس مالهم أي دور زفت وانتم الكرامه بالتعامل والدقه بالمواعيد جننونا للامانه سبب التأخيرات الاساسيه هم من اول الشركات اللي تعاملنا معهم للاسف الشديد واخروناااا كثيييير اسمعو من الكلام المعسول بالبدايه وراح نسوي وراح نعمل وابشرو كله طلع كلام فاضي كل شي بالقطاره كرهونا بالفيلا بسبب ملاحقتهم كل يوم مكالمه نبغي نخلص والله يستر من العيوب بكرا اذا سكنا علي خير
|
[SIZE="5"]ومن اسوء الشركات على الاطلاق هي شركة الراجحي للحديد اكيد بتستغربون او تندهشون معقوله الراجحي اللي خبره سنين وبنين يكون عليهم شكوا ايه نعم للاسف الشديد واتمني احصل رقم رئيس الااداره في الشركه اتوقع الشيخ ناصر ال سلطان هذولا حدث ولا حرج سالفتهم سالفه العقد مكتوب من رجب مدري شعبان السنه الماضيه تخيلو ماتم توريدها وتركيبها الا من شهرين وهو مكتوب بالعقد 25 يوما قولو بالكثير شهرين ماعندنا مشكله طبعا لا تخلو من اقصي درجات القهر والتعب النفسي والعصبي والمكالمات اليوميه وبلاخير وبعد التعب هذا وبعد الكابووووس اتفاجا واكتشف بعد التركيب باسبوع خطا شنيع قياسات الابواب الخارجيه اللي بالسور الشارع فيها غلط وغلط شنيع تخيلو اشوف القفل الداخلي من كبر المسافه بين الدرفتين تقريبا 3سم اشوف الباب الداخلي منه :mad: وارجعي كلمي وهزئي من اول وجديد وقالولي 10 ايم ونركبها مره ثانيه ناهيكم عن الدرابزين فيه غلطات كبيره وغير متساويه فعلا كابووووس والمشكله اغلي من السوق اخذو مبلغ وقدره 75 الف المهم بعد التهديد والوعيد اهتمو وركبوها وعدلو فيها مدري رقعو وتوهم الحين يسوون الدهان
|
عشان كذا من زماااااان مادخلت المنتدي من كثر ماعانينا من المشاكل اتمني من الاستاذ ماجد مشكورا ان فعلا يتقصي الحقائق في منتداه القيم بافضل الشركات بحسب خبرته وبحسب استفتاء بالمنتدى عن افضل الشركات واسوأها ليتسني للجميع الاستفاده اكثر والحذر من الشركات النصابه في تعاملها
|
الحين سؤال لو تكرمتو دار الرتاج باقي لهم دفعه اخيره بحدود 5000 عشان الدهان وبعض الشغلات البسيطه من سنفره بيبان وتركيب ربر
هل اكمل شغلي معهم ولا تنصحوني بمحل اخر لعمل البويه لان هذا تفكيري |
اعانكم الله اختي هند ،،،
صحيح هناك شركات ومؤسسات تتلاعب بالزبائن لعلمها بان ليس هناك نظام يحمي العميل وانا اعطي نسبة في الخطأ علينا نحن المستهلكين في بحثنا عن الارخص ونطالب بالجودة والانجاز وهذا غير صحيح |
ومن واقع تجربة صدقوني لم اندم على شي عملته في بيتي بالسعر الغالي ،، مثلا المطبخ تعاقدت مع كافكو
الصراحة اتعب وانا اقول : ياسلاااااااااااام دقة في المواعيد عدم السرعة في التركيب وضع خطة للتركيب عمل مخطط للكهرباء والسباكة وخروج مهندس للتأكد من صحة تمديداتهم هذا كله قبل التركيب وبعد ماسكنت قبل 9 شهور اتصل علي المدير الفني يسأل هل تحتاج شي فيه خلل او أي حاجة ؟ وارسلوا لنا واحد علمنا كيفية تشغيل الاجهزة في المطبخ كغسالة الصحون والفرن الكهربائي وغيرها صح هم غالين لكن انا شريت راحتي وراحة ام العيال وكذلك من ناحية الدربزين اتفقت مع موهير والصراحه برافو عليهم شغل ممتاز جدا مايخليك تفكر في المبلغ الي استلموه |
والله العكس صحيح دفعنا دم قلوبنا وماقصرنا متبعين العقد بكل مافيه من دفعات واسعارهم اغلي من غيرهم ومع ذلك ماحصلنا لا شغل ممتاز ولا سرعه لاتنفيذ للاسف
طيب ابي نصايحكم هل ارجع اكمل معه ولا اغير لعل وعسي انهم تغيرو بعد الشكاوي |
وسؤال اخرمهم هل صباغة البيبان قبل ولا دهان الجدران ؟
وبالنسبه للمطابخ افضل الفورميكا او الصاج انا غالبية المحلات يقولو افضل صاج لان الفورميكا اذا انكسر احتمال ماتلقي لونه وهنا المشكله |
والله ياأخت هند
عن تجربة يمكن يرسلون لك دهان سوري اسمه ثامر ومعه عمال هنود تقريباً بصراحة لا يحترم الزبون ويشتغل أي كلام ويحس نفسه انه صح وشغله لا يعلى عليه هذا طبعاً إذا ارسلوه لك بعد ما يعلون قلبك ويعطونك مواعيد كلها كذب في كذب . والله يشهد علي انهم اشتغلوا عندي شغل والله ما يرضي لكن الله حسيبهم . |
والله ياأخت هند
عن تجربة يمكن يرسلون لك دهان سوري اسمه ثامر ومعه عمال هنود تقريباً بصراحة لا يحترم الزبون ويشتغل أي كلام ويحس نفسه انه صح وشغله لا يعلى عليه هذا طبعاً إذا ارسلوه لك بعد ما يعلون قلبك ويعطونك مواعيد كلها كذب في كذب . والله يشهد علي انهم اشتغلوا عندي شغل والله ما يرضي لكن الله حسيبهم . |
ياليت الأخوان الي جربوا دهان كويس لأبواب الخشب يفيدونا
|
اخت هند : انصحك بترك هذي المؤسسة حتى وان جو فصدقيني الشغل ماراح يكون زي ماتبون
انا ساكن لي ثمانية اشهر توني اكتشف ان بعض الابواب مافيها ربل ؟؟؟!!!! لذا ازود على الخمسة الباقية ٢٠٠٠ واتفق مع ناس ثانين ويفضل زيارة فلل لاكتشاف دهان ممتاز اما بالنسبة مالاول الجدران او الابواب الجدران اول حماية للابواب |
السلام عليكم فعلا اخي طالب الثبات كلامك صحيح اللي يعمل الابواب سوري ورحت قابلته بنفسي وانا اساله يرد علي بقوه مارتحت له واحاول اقتنع من كلامه يقولي روحي شوفي غيرنا لو ماعجبك وانا لي اكثر من 14 سنه بالمجال ويمدح نفسه ويتحداني مادري مارتحت له بس زوجي يقول فلوسنا حتروح علينا باقي الربرات وتركيب الكوالين من بيضبطها كلش بحقه ولا ادري وين اروح من الشركه او المؤسسه الممتازه بالهان الخشب
وسؤالي ايهم افضل دهان قشرة خشب الزان ادا حبيته يكون ابيض او مايل للرمادي هل بالبشبور او الناري وانا ماحبيت الناري ماراح يبين جمالية الباب وهل فعلا دهان الباب باللون الابيض غير عملي طيب انا اشوفها كثير بالبيوت الاوربيه اللون الابيض دارج عندهم كيف ؟ |
اقتباس:
ونا احتاج الإجابة للسؤال هذا ؟ |
| الساعة الآن 12:49 AM. |
Powered by vBulletin® Version 3.8.4, Copyright ©2000 - 2025, Jelsoft Enterprises Ltd. TranZ By
Almuhajir
F.T.G.Y 3.0 BY: D-sAb.NeT © 2011
HêĽм √ 3.1 BY: ! ωαнαм ! © 2010