استفسارعن المعجون في المطبخ
 

السلام عليكم
إخواني لدي استفسار عن المعجون في المطبخ
عندي مطبخ أريد أن اسوي لسقفه معجون ثم صبغة بالبوية
وعندي بلاط المطبخ نص والنصف الثاني تليس وودي أسوي معجون ثم اصبغه بوية
مع العلم بأن المطبخ قديم وفيه بوية من قبل فالعامل قال لي مايصلح أنك تسوي له معجون علىطول نعطيه بوية والسبب في ذلك يقول حتى مايطيح المعجون وتتقشر البوية فما أدري عن صحة كلامه
هل هو صادق أم يريد أن يخف عليه الشغل فأرجوأن تفيدونني في ذلك مشكورين

معجون على دهان ما يمسك

شكرا لك أخي أولاالعامل سوى للغرف عندي أساس ثم المعجون وكما ذكرت البيت عندي قديم يعني الصبغة قديمة
ولكن المطبخ قال لي ماينفع معه المعجون فلا أدري هل كلامه صحيح أم لا

ليش تسوي للسقف معجون فيه تشققات ؟ اذا فيه تشققات صغيره حط عليها معجون اما اذا صارت كبيره لازم تسوي لها تلييس من الاسمنت وبعدين بويه وبعدين سقف مستعار افضل لك
ثانيا بلاط المطبخ اللي على الجدران لازم تشيله وتركب سيراميك كله
مالها داعي تصبغه وانت بتركب عليه سيراميك

اهلا بك
اولا جب عمل صنفرة جيدة للجدران حتى المطبخ بعد الصنفرة يتم دهان اساس ( سلر ) بدون ان يخفف بالماء بعد ذلك يتم عمل المعجون من وجهين اقل شي بعد ذلك يتم عمل الدهان المطلوب وبالتوفيق

جزاكم الله خيرا وماقصرتم ونفع الله بعلمكم