واجهة الفيلا.. رأيكم ياكرام
 

السلام عليكم ورحمة الله وبركاته
بين يديكم واجهة فلتي وهي دور ونصف وشقتين للإيجار
اريد ارائكم في الواجهه واقتراحاتكم للتكسيه المناسبه
والشكر لكم مقدماً

واجهة مودرن جميلة ماشاء الله

شاكره ردك اختي مليحه��

انتظر اراءكم في الواجهه قبل اعتمادها من جميع النواحي واقتراحات التكسيه
يعطيكم العافيه

جميله جدا.

الله يبارك لك.

امين
شكراً لك

الواجهة ما شاء الله جميلة جداً ..
عندي ملاحظات بسيطة ..

القزازة الكبيره اللي في النص ..
منظرها جميل جداً .. بس في الواقع صعب تنفيذها كما في الصوره لانه لازم يكون فيه قواطع للالمنيوم
اكثر شيء ٣ متر او ٣.٢٠ م
لذا ان صرت مصمم تسويها انصحك تحط قزاز ستركتشر .. صح غالي .. بس بيعطي شكل
ثانياً .. الحراره وما ادراك ما الحرارة ..
يبي لك تزيد الاطنان شوي عشان ما تحس بها .

البروز اللي عند النوافذ.. هل هو مجوف والا مليان؟؟
احسب حساب الحمام وتعشيشه .. خصوصاً في الادوار العلوية

شاكره ملاحظاتك وبناقشها مع المهندس
الله يجزاك الجنه

اقتراحاتكم لتكسية الواجهه يااهل الذوق
الله يعطيكم العافيه

جميلة جدا .. راقية وناعمة .. ماشوف محتاجة اي تغيير في نظري ..
مساحة الحجر محدودة باينة جميلة .. هالايام صار الكل يبالغ في الحجر .. عجبني الاقتصار على قلب الواجهه في المنتصف فقط ..

سؤالي .. ماهي المادة التي ستستخدم ظاهره هنا كأنها خشب ؟ هل هو سيراميك بشكل الخشب ؟ او خشب ؟
لو كان خشب ما انصحك .. راح يتلف في وقت قصير بسبب الحرارة والرطوبة والشمس ..

ناقشوا مع المهندس امكانية اضافة أحواض زراعة بسيطة في المدخل او كجزء من الواجهه (أسفل النوافذ او على جنب .. مجرد فكرة) .. مع الاضاءة والتجميل راح يطلع روعة ..
في ناس تحب تمشيها على الاصص والأحواض المتحركة .. تعطيك حرية اكثر في التغيير .. طبعا موضوع الزراعة سابق لأوانه .. بس ممكن ع الاقل التفكير فيه من الان لتلافي اي تغيير او وجود لكلمة (ياليت ..)