المشاركة الأصلية كتبت بواسطة ابوبدرخالد (المشاركة 213544) كل اللي في السوق صيني وللأسف الأسعار هي الفرق انا أنصحك بشراء عن طريق المواقع الالكترونية فا انا طلبتها من الصين عن طريق أيباي كلفتني مع التوصيل عن طريق ارامكس ١٠٠٠ ريال لل ١٠٠ متر واختاري اللون واختاري المقاس وللمعلوميه أفضل من الموجودة في السوق وهذا كلام الكهربائي ومعها وصلات مجانيه وتوصيلات كامله وجهة نظر وانا في الخدمة للجميع

السؤال سطر والاجابة التموذجيه عليه ممكن تكون أكثر من 5 صفحات ... :eek:
على فكره فيه انواع المتر سعره فوق 170 ريال ماراح نتكلم عنها ..


البداية

99% من اللي عندنا في السوق عبارة عن نوعين :

النوع الاول 5050
النوع الثاني 3528

الارقام هذي هي مقاس اللمبه الصغيره اللي داخل الشريط .

5050 يعني حجمها = 50مم × 50 مم
3528 يعني حجمها = 35مم × 28 مم

http://www.upimage.us/server/php/fil...er--1043-1.jpg


الفرق


http://www.upimage.us/server/php/files/3528vs5050.jpg


النوع 5050 شكله مربع ويجي داخله 3 لمبات LED
النوع 3528 شكله مستطيل ويجي داخله 1 لمبة LED فقط

النوع 5050 يجي منه الوان
النوع 3528 لون واحد فقط


http://blog.flexfireleds.com/wp-cont...50-vs-3528.jpg
النوع 5050 تجي اللمبات متباعدة اكثر من النوع الثاني


النوع 3528 تجي اللمبات متقاربة اكثر من النوع الثاني

http://www.upimage.us/server/php/fil...ight_1__12.jpg

[/COLOR][/SIZE]
النوع 5050 يجي منه (معزول ضد الماء وغير معزول ) وتفرق في السعر
النوع 3528 يجي منه (معزول ضد الماء وغير معزول ) وتفرق في السعر



خلفية الشريط تجي 3 الوان

نحاسي
ابيض
اسود
(سماكة الشريط وجودة المواد المستخدمة تفرق في السعر وبالنظر تقدر تفرق بينهم)

http://www.upimage.us/server/php/fil...light_4__8.jpg

البعض يفضل اللون الابيض لانه يعكس الحراره ويعطي إضاءة اكثر ..



الزبدة


صح عدد اللمبات في المتر له تأثير
صح نوع اللمبات يفرق 5050 او 3528

ولكن ليست المعيار الصحيح لقوة الإضاءة :eek:


المعيار الصحيح كلكم تعرفونه ... :cool:
تذكرون اللمبات ( التريت ) اللي تركب في الثريات والابجورات ..
https://cdn1.iconfinder.com/data/ico...g/256/bulb.png

لما نروح نشتريها نطلب لمبة 40 واط او 60 واط او 100 واط .. صح
هي هي ..
اذاانت تبحث عن الإضاءة الاقوى اسأل البائع كم قوة الاضاءة في المتر بـ الواط ...:D
والجواب مايبيله آله حاسبة لان الخيارات محدودة جداً عددها 5 :

http://www.upimage.us/server/php/fil...e-led-tape.jpg

5W
7.5W
10W
15W
20W

كل مازاد الواط زادت قوة الإضاءة ..
ناس تفاجأو بضعف الإضاءة مع انهم اختارو أحسن الانواع وأغلاها ...
ولكن نسى ان هذه التقنية اصلن تستخدم في إضاءة الطائرات من الداخل ..
وفي لوحة القيادة في السيارات ...الخ
اللي ابي اقوله ضعف الإضاءة احياناً مطلوب ..
النوع العازل (مياة - رطوبه) يستخدم في الاماكن الرطبة

همسة :
(غير الواط فيه وحدة قياس شدة الإضاءه وتحسب بـ lumen )



في الختام

اذا جيت تشتري خل عندك مواصفات قياسية انا مواصفاتي :
النوع 5050 عازل و جودة عاليه وفيه فيوز <--- (النقط السوداء بين اللمبات في الشريط)
هذي مثل الحماية اذا احترقت لمبة ماتتأثر اللمبات الثانية ..
(النوع الرخيص اذا احترقت وحدة طفئ الشريط كله أو ضعفت الإضاءه)


الخطوة الثانية


عند الاختيار نحدد مكان و نوع الاضاءه المطلوبه.
مثال :
البعض يركبها في مكان كـ إضاءه اساسية وهنا يحتاج (قوة إضاءة)
يعني 20W او 15W واحياناً يركبون دبل يعني يدور الشريط مرتين

البعض يبيها ديكور ولكن المكان اللي بيركبها فيه كله نوافذ والنور يدخلها
يعني 20W او 15W او يثقل الستائر ويركب 5W

البعض يبيها في غرف النوم كـ سهاريات هنا يختار بين الـ 5 و 7 واط
(فيه انواع يشتغل عليها الديمر ولكن قصتها قصه )


أهم شئ لاتستعجل بالقرار في البداية خذ متر من كل نوع مع المحول
(قيمتها كلها ما تتعدى 50 ريال)
وجربها في غرفة في الليل وشوف قوة الاضاءه لاتعتمد على التجربة في محل فيه 74 الف لمبة شغالة

تحياتي للجميع و أسف طولت عليكم