استفسار
 

السلام عليكم
بالنسبه للنعلات انا ابغى خشب وبحثت عن نعلات الخشب لكن لم اجد اجابه شافيه يعني مافيه الاشخصين ثلاثه قالوا تجمع حشرات ولا توجد تجارب كثيره فأنا اقول مطابخ الخشب سابقاً كانت تجمع حشرات وتنفخ مع المويه لكن الان طلع مطابخ معالجه وكذلك الباركيه كانت اللي تركب ماتناسب بيئتنا واجواءنا والان طلع باركيه معالج يناسب البئيه فاللي ابغى اتوصل له هل طلع الان نعلات ماتجمع حشرات ولاتنفخ مع المويه وابغى نوع الخشب وهل السعر نفس سعر نعلات السراميك واذا لا ماتصلح نعلات الخشب نهائي يعني اشيل الفكره ابغى شي نفسها بالضبط غير السراميك السراميك يشوه المنظر ابغى شي نفس الخشب شكل ولون يعني ابغى ابيض
معليش طولت عليكم لاني اريد اجابه شافيه

معققققققوله ولارد

أنا ناوي أركّب باركيه أرضية و نعلة خشب و درج ودربزين و مطبخ كلها من الخشب ..

ذهبت لعدّة محلاّت متخصّصة بالباركيه موجود فيها نعلات خشب أنواع و أشكال متفاوتة السعر حسب الجودة و مقاومة الرطوبة و الحشرات ..

الأهم هو تأسيس الأرضية من القواعد وحتى ماقبل بلاط الأرضيات بالمبيدات اللازمة لزيادة الحماية للأبواب و كل ماهو خشب ..

يظلّ روح الخشب مميّزة في أي من أجزاء المنزل ..

وش تقصد رش البيت بالمبيدات نحن حطينا صبة النظافه هي اللي نقصد والافيه غيرها واذا فيه وين احصلها ووش اسم المبيد
ومشكور مقدماً وجزاك الله خيراً

الشكر لله ..

محلات المبيدات المتخصصة في رش المنازل موجودة في كل المدن ..

صبة النظافة غير رش الأرضية بالمبيد ..

إذا أنتم في مرحلة القواعد وقبل مرحلة الميدة تقومون بالرش قبل دفانها ..

وإذا أنتم في المرحلة الأخيرة ما قبل البلاط تقومون برش الأرضيات قبل دفان البلاط ...

وإذا أنتم في مرحلة مابعد البلاط يقومون بفتح أماكن متباعدة في البلاط أو البورسلان ويقومون بحقن المبيد داخل الأرض ..

طبعا التكاليف أثناء القواعد أرخص بكثير من فتح الأرضية و حقن المبيد داخل الدفان ..

طيب بالنسبه للخشب النعلات احدمدح لنا الخشب المضغوط وكثير حذرنا من الخشب المعالج والله احترنا وش افضل اخذه من منجره والا محلات المطابخ يعني نفس خشب المطابخ والامحلات الباركيه ومشكورين

مافيه احد عنده خبره

على حسب ..

إن كان عليها سوائل و مياه و رطوبة فليس أمامك الا الخشب المعالج مع أنّي أشك أنها تصمد أمام الماء لمدّة طويلة فضلاً على أنها مرتفعة الثمن ..

و إن لم يكن عليها سوائل و مياه فكل أنواع الخشب تفي بالغرض ..

لأن الباركيه أساساً لا يتحمّل السوائل فتنظيفه يكون بالمسح ماء فقط وليس بالغسيل ..

هناك في محلات الباركيه "باركيه نوع فيبر" وهو ضد الماء يضعه البعض في دورات المياه ليكون بديلاً للباركيه وهو يعطي مظهر وملمس الخشب ربّما يكون هناك نعلات من نفس المادة وبذلك ينعدم الخوف عليه مستقبلاً ..

ياجعلك بالجنه ووالديك
مشكور ماقصرت لك خالص شكري ودعائي