الحمام ليس له شباك تهوية ؟! ما الحل
 

السلام عليكم و رحمة الله و بركاته

الحمد لله اشتريتا شقة مساحتها كويسة فيها 3 غرف و صالة و ريسيبشن و حمامين (رئيسي و اخر فقط للاستحمام) و مطبخ احد هذة الحمامات و هو الرئيسي فيه مشكلة للاسف!

المشكلة

لا يوجد شباك تهوية فى الحمام

انا رسمت رسمة يدوي لتخطيط الشقة علشان تفهموا قصدي

http://i.cubeupload.com/yF6dp4.png

زي حضرتك شايفين فى الصورة المطبخ له شباك علي مسقط و الصالة لها شباك علي نفس المسقط
اما الحمام ملهوش اي شباك و بس مجاور للمطبخ و لغرفة و الغرفة دي فيها بلكونة 4 متر

الحل الاولي

اقتراح علي احد الاخوة الافاضل هنا نظام الــ duct (فتحة تهوية) و عليه رسمت لكم المسار اللي راح نقوم به (باللون الاحمر) بدلاً من عمل فتحة تهوية تمر بالغرفة حتي البلكونة لان المسار هيكون طويل جداً.

و دا شكل التخطيط (المسار الاحمر هو اللي هتمر فيه ماسورة التهوية)

http://i.cubeupload.com/yAlGVo.jpg

ماسورة التهوية هتمر للمطبخ ثم تكسر بزاوية 90 درجة مباشرة علي مسقط جيد التهوية

لحد كدا كويس بس لسه عندي شوية استفسارات اتمني الاجابة عليها


استفسار1
----------

مواسير التهوية في منها الالمومنيوم الخفيف و في منها البلاستيك ايهما افضل ؟
مواسير التهوية في منها الصلد و في منها اللين (مثل مواسير كوع الاحواض) ايهما افضل ؟
مواسير التهوية في منها الانبوبي و في منها المربع ايهما افضل ؟

http://i.cubeupload.com/iacS7H.jpg


استفسار2
-----------

بفرض اننا قمنا بتركيب ماسورة التهوية اصبح لدينا الان فتحتين واحدة علي المسقط سوف نركب عليها سلك شبكي لمنع دخول حشرات و الفتحة الاخري سوف تكون فى الحمام هل نركب عليها سلك شبكي و لا شفاط و لو كان شفاط هل هشفط الهواء لداخل الحمام ولا العكس !! يعني انا عاوزة ببساطة تقولوا لي اركب ايه فى الفتحتين من الطرفين (الحمام و المسقط)!!

و شكراً لحضراتكم جداً

اهلا بك
انا ارى الإقتراح الأخير باللون الأحمر هم الأنسب لأنه مؤدي الى مسقط بالنسبة للأنابيب الأنسب تركيب الأنابيب الحلزونية لأنها مرنها في التوجية ويلزم تركيب مروحة سحب داخل الحمام توصل في بداية الأنبوب وتكون في سقف الحمام وبالتوفيق

وعليكم السلام ورحمة الله وبركاته..أختي انا اقترحت عليك المسار الأزرق لأنه في حال وضعتوا الأحمر ستواجهون مشكلة اخرى عند فتح شباك الصالة ستكون فتحة هواية الحمام قريبة وستؤذيكم..برأيي تخرج تهوية الحمام خارج المنزل تماماً كما في المسار الأزرق أفضل حتى ولو طال المسار ويمكنكم تغطيتها بسقف مستعار

كذلك شباك المطبخ في حال المسار الأحمر سيكون تحت الفتحة مباشرة وهذا سيقلقكم