في بداية حياتي واريد ان اكمل حلمي
 

السلام عليكم ورحمة الله وبركاته

اخواني الاعزاء لدي استشارة في موضوع معين

انا عندي ارض عرضاها 33 متر وعمقها 35 متر على شارع واحد من الامام ومن الخلف مزرعة وبأمكاني اتوسع اكثر لكن اتوقع تكفيني كذا .؟

اريد بناء دور ارضي واحد < علما لا افكر في بناء دور ثاني ابدا حتى في المستقبل << بسبب وجود ارض اخرى وسوف استثمرها شقق اذا زانت الامور او يبنونها الاولاد اذا الله رزقني بالذرية بعد الزواج ان شاء الله

بخصوص المخطط في الحقيقه افكر :
1- افكر في عزل مجلس الرجال خارجا 7*4 (( واضع فيه مشب )) مع جلسه خارجيه + دورة مياه ومغاسل
وفي الحقيقه انا اريد ان ابسط الامور واقلل التكلفة
تقولي ليش الحقيقه بيت الوالد ملاصق بجانبي واتوقع للضيافات الكبيره سوف يفي بيت الوالد بالغرض
لان ماشاء الله المجلس لوحده 12*8 والمقلط كذلك

2 - افكر في عمل المخطط الرئيسي ان لا يكون فيه مجلس داخله او مقلط << لاحد يدرعم هذي الفكره منتهي منها ومقتنع

افكر في وضع مجلس نساء فقط >>> لجل ضيوف زوجتي ان شاء الله

3- اريد مخطط يفي بالفكر اللي عندي بحيث ان يكون هناك

مجلس نساء

غرف نوم رئيسية جناح ( غرفة ملابس + مكتب صغير + دورة مياه ) << هذي ابحطها 5 نجوم :cool:

وغرفتين اولاد بحمام في النص بينهم وانتم بكرامه

غرفتين بنات وحمام بينهم وانتم بكرامه

غرفة طعام

الصاله << اهم نقطة ويجب انها تكون شرحه و لا تكون مجمع ابواب < :confused:
بحيث هي نقطة تجمع الاسرة وممكن اعمل فيها حديقة داخلية اشجار ظل وكذا حركات

غرفة الخادمه والغسيل < ممكن احطها فوق بس للان افكر انها تكون تحت لاني لاحظت ان الكل يشكي من اذا كانت فوق الخادمه < تسوي نفسها ما تسمع او تترك المطبخ او تنظيف البيت بعذر الغسيل يعني تتهرب من العمل وتبقى في الاعلى
ومهما كان فهي انسانه ويجب ان يكون لها حقوق الراحه ويكون لها غرفة
فاعطوني حل انها تكون لها غرفة مع دورة مياه ومكان للغسيل بس ما تبان او بطريقة او فكرة حلوة بحيث لو جبت خدامه في المستقبل

4- المطبخ الرئيسي ابي فكره يكون داخله مطبخ قلي منعزل >> مدري كيف بس هل ممكن تزبط؟


وش رايكم بالفكره واعطوني انتقاداتكم وافكاركم

ثانيا كم تتوقعون بيكلف عظم >؟ وكم بيكلف مع التشطيب الفخم 5 نجوم

<<<<


انا مستعجل على البناء لانها فرصه اني اعزب الان ولا يوجد لدي التزامات
وانا افكر بجديه
ومجمع مبلغ ومع القرض وهاه وهاه ممكن نجيب مبلغ حلو وابداء البناء

في نظري واللي اشوفه من الاغلبيه مايفكر في البناء الا بعد الزواج والاولاد وتكثر الالتزامات
ويجلس في الايجار حتى يشيب رأسه بعدين يسكن

لذلك قلت بدل ما نضيع الدراهم او
خرابيط
ابني لي افضل وأمن مستقبلي ومستقبل الاسره على الاقل بمنزل < الدنيا ما لها امان ممكن تنقلب في اي لحظه

يعني نتعب الحين ونرتاح بعدين


وهذل لكم جزيل الشكر

وعندي سؤال والله محيرني ؟؟

وش استفدت من السطح وعندي مساحة حوش كبيره جدا


ياخي الدرج وبيت الدرج لبيت الدور الواحد ما منه اي فايده الا يقتل شي اسمه تصميم البيت < هذا رأيي
انا شفت اسكان ارامكو وسابك في ينبع كان دور واحد ومافيه درج < بس سلم بسيط خارجي حديد يوصلك للسطوح ممكن تعمله ستان ستيل ويكون شكله فخم وريح راسك من وجع الراس

اللي افكر فيه اني الغي الدرج واحطه سلم خارجي بسيط وفخم لاصق بالجدار << موب درج << واحطه من الجهه الخلفية للبيت << ماحد بيطلع له الا مهندس اللي بيركب الستالايت والا السباك اذا ركب خزان والكهربائي اذا بيحط لمبات في ستارة االسطح وتكيفات الاسبلت< ولا بستفيد منه في اي شي ابدا بغيرها
انا في بيت ابوي اخر مره شفت السطح قبل 5 سنوات مع مهندس يصلح العوامه حقت الخزان
وستارة السطح بخليها قصيره
يعني انا ممكن اوفر بعد

هذي فكرت فيها لان بتكون عندي مساحة حوش ممتازه ولا باستفيد من السطح نهائيا الا بس بحط خزان ماء فوق والستالايت <<


ولا وش رايكم عطونا انتقادات وافكار

اخي الكريم
جميل يكون للواحد هدف وتصور للمستقبل
فكرتك جيدة بخصوص الضيافة الخارجيه لكن ربما توثر عليك العوامل الجويه بالمجالس الخارجيه
بالنسبة الصاله افضل جانبيه ولها نافذه كبيره
الدرج عرضه بسيط انصحك يكون ضمن المنزل درج جانبي وممكن تستفيد من لو حبيت تعمل دور ثاني
المخطط اهم شي لاتستعجل في تنفيذه حتى تقتنع
وبالتوفيق