|
محتااااجه لكم ضروووري
السلام عليكم ورحمة الله وبركاتة
مساء الخيرات والمسرات ياليت تفيدوني على مهندس يخطط لي مخطط عن طريق النت لكن يكون عنده افكار وشاطر بالتخطيط وسعره معقول انا محتاره جدا وطلعنا مخطط وخسرنا عليه لكن ما اعجبني ضلمنا ارضنا فيه واستعجنا بتخطيطة كله من اجل تساعدوني لانكم تقولون لاتعرضون المخطط الا بعد تخطيط المهندس وفي النهايه انزله لكم وتردون ردود بسيطة جيد هذا الي تبينه ويناسبكم طيب اشيرو علي اعطوني افكار مخططات قريبه لفكرتي انا ما افرض عليكم مساعدتي بس اقول توقعت ان المنتدى وضع لجل كذا انا عندي افكار وابي اخطط بس ماقدرت ابي واحد ثقه تدلوني عليه وكيف يصمم لي ونتفق لو مايعجبني تصميمه او مايعرف للي ابي ايش الحل او الافضل اعطيه مخطط ويعدل عليه ردولي الله يوفقكم ويسر امركم |
وعليكم السلام ورحمة الله وبركاته أول شئ وقبل كل شئ لازم تعرفين كل اللي يخططون يبنون بيت واللي خلصو البيت .. كلهم مرو على نفس "المعمعه" اللي أنتي فيها ويمكن أكثر.. . . لا تحسين بالإحباط ولا تشيلين هم . . جمعي أفكارك ..و أطلقي العنان لخيالك لآن البيت بيتك ولازم يكون على مزاجك أنتي ولازم يحمل بصمتك ... أنا ضد التعديل على المخططات ...حاولي يكون البيت مميز . . >>لحد يضحك << قبل أقرر على نوع المخطط و شكله .. كنت قبل آنام أغمض عيوني وأتخيل نفسي داخل مع البوابه الرئيسه وأفتح الباب وآطالع يمين و يسار وأتخيل آيش ممكن يكون في وجهي أول ما ادخل وبعدين آدخل المجلس .. وآتخيل عندي ضيوف ..وآتخيل واحد محتاج دورة المياه وآشوف المغاسل ودورات المياه قدامي وبعد السوالف آروح أشوف غرفة الطعام "مقلط العشاء" وارجع المجلس وآقول تفضلو وآآتخيل الاشياء اللي يشوفونها الضيوف في طريقهم .. وينتهي العشاء ..وآنااام الليله الثانية .. آتخيل نفسي جااي من العمل .. وأول ما أدخل من باب العائله ..اتلفت يمين ويسار وآمشي في الصاله وآسلم على أهل البيت .. وأشوف لو مثلاً عندهم مسايير كيف ممكن آطلع فوق بدون محد يحس واطلع على الدرج وآروح غرفتي آغير وآغسل وآكشخ وآنزل ونفس الشي آتخيل نفسي وانا نازل من الدرج وآتلفت يمين ويسار وآفكر في الاشياء اللي ممكن آشوفها في طريقي وانا نازل حتى التحف والصور .. (حتى أذكر مره وانا أتخيل نزلت من الدرج وانا آطالع شكل السقف وزلقت على الدرج ) بس الحمدلله جااات سليمه ..ههههههه . . اللي أبي آقوله يا تميميه ... وسعي بالك الى آآآآبعد حد وخذي الامور بهدوء و سعة بااال وتأكدي اللي يصلح لغيرك مش شرط يصلح لك .. واخيراً هذا الرد والله بس ابي أوسع خاطرك لين يجي واحد من المهندسين ويشرح لك الموضوع بصوره عمليه و هندسيه . . اسال الله أن يعينكم ويسهل عليكم ويختم لكم ببيت في الجنه يارب . . وتقبلي تحياتي . . . http://www.labelleflorist.com/images/t_16408.jpg |
اولا اشكر اخي الفاضل محمد على القصه ماقصرت على الخيال الرائع والله صار فيلم هندي ولكن جدا كلامك منطقي وسليم الف الف شكر على مرحك تميميه لا تهتمي ولا تحبطين بالنسبه اننا نقول لك نزلي المخطط لان من الصعب نخطط لك لانه اختصاص المهندس المعماري لانه بيت مو مدرسه والا حديقه غاليتي انت تعطين المهندس الفكره واحتياجك هو بدوره وخبرته بيرسمه لك رسم مبدئي بعدها احنا نساعدك ونعطيك اارائنا ولازم تعرفي انك بترتبكي بكثرة الاراء الموضوع يرجعلك بمدى احتياجك اخير لا تهتمي ونزلي المخطط الي عمله لك المهندس وخلينا نشوفه اسال الله ان يوفقك لاجمل تخطيط تحياتي وتقديري لك لمسة فنون |
هلا بك الأستاذة تميميه أسأل الله عز وجل أن يسهل أمورك وسعي صدرك :):) مثل ما تفضلوا من قبلي الأستاذ محمد الاستاذة لمسة فنون موضوع المخطط يجب أن لا يضيق صدرك لأجله لأن الوصول لمرحلة اليأس يزيد من الضغوط لدرجة أنك ما راح تقدرين تفكرين بشكل إيجابي نهائياً لأن اليأس أخذ منك مأخذه لا بد من التوجه لأحد المكاتب الهندسية التي تعمل وفق أسس علمية وتقوم بإعداد الفكرة الأولية للمشروع بناءً على رغباتكم أما من يقوم بتقديم مخططات ليتم الاختيار منها فهذا مع احترامي الشديد "مفلس" |
محمد الجبران
او شيئ الحمدلله على سلامتك :) انا مثلك من كم شهر وانا اصول واجول في الفلة وشكلي بهدمها وارممها وانا باقي ماسكنتها المخطط بنعيده على انه تخطيط نهائي لمسة فنون استاذ محمد احس انكم بعثتوا في نفسي الثقه وراح اطلع المخطط واوريكم وان شاءالله اصور الفله وتشوفونها شكرا لكم على الرد الله يجزاكم خير على الدعوات وفقنا الله واياكم لمرضاته |
الحمدلله على السلامه حط لك درج مطاط عشان ماتتعور المره الثانيه
من رائي تاخذين جوال ابو كمرا وتقومين ابو العيال الضهريه وتشوفين لك كم بيت على الطبيعه وتصورين من داخل ومن الخارج علشان يكون عندك تصور على الطبيعه بدل الورق وهذا الي عندي |
هلا اختي تميميه أنا عندي مخطط بس بمساحه ٦٣٠ قريب ينتهي اذا ارضك زي ارضي او اكبر أبشري به تصميم موديرن جميل. اتمنى لكى التوفيق
|
منوره يالغاليه
احنا اخذنا فيلا عظم وفوق ذالك حاولت انى اغير فى التصميم كسر هذا الجدار كبر الشباك وسع مدخل الرجااااال افتح باب خارجى للمطبخ 000000000000 يعنى حتى العظم اللى تشترينه متعب فما اقول غيرالله يكون فى عونك ومرحلة وتعدى ان شاء الله موفقه |
| الساعة الآن 08:42 PM. |
Powered by vBulletin® Version 3.8.4, Copyright ©2000 - 2025, Jelsoft Enterprises Ltd. TranZ By
Almuhajir
F.T.G.Y 3.0 BY: D-sAb.NeT © 2011
HêĽм √ 3.1 BY: ! ωαнαм ! © 2010