|
غرفه الغسيل والخادمه ؟
مسائكم سعيييد
اخوتي الكرام حبيت استشيركم بأفضل مكان لغرفه الغسيل والخادمه السطح ولا الارتداد الخلفي من جهه المطبخ؟ بالنسبه لي مأسسه لها بالسطح بس بعدين فكرت استغل الارتداد (حاليا بمرحله التكسيرللسباكه ) بحيث يكون كل شغل الخادمه بنفس المكان :rolleyes: ويسهل متابعتها والاشراف على الغسيل والكوي;) ومنها ترتاح من الطلعه والنزله كل شوي وراح يكون فيه خصوصيه اكثر لافراد العائله مو كل شوي طالعه لنا :D لان الدرج بوسط الصاله وللاسف مافيه درج خدمه :( انتظر ارائكم :) |
هلا بك
غرفة الغسيل تحديدا افضل مكان لها السطح نظرا لتوفر الخصوصية هناك وأبعاد روائح وازعاج الغسيل وعادة يتم غسيل الملابس بالفترة الصباحية عندما يكون اهل البيت غير متواجدين فمنهم مرتبط بعمله والآخرون نيام ومن الناحية الوظيفية فالسطح اقرب لغرف النوم فيتم تطليع الملابس وتوفير الخصوصية في ذلك وهذا لا يتحقق عندما يكون الغسيل بالدور الارضي بالتوفيق |
بالنسبة لي ...
اسست ثلاث غرف للغسيل 1 / تقع ملاصقة لغرفة الخادمة المتصلة بالمطبخ الخارجي المجاور للمطبخ الداخلي ( اوجد حل المسئلة :) ) 2 / تقع بالدور الثاني وصممتها بحيث تكون في نهاية ممر بطول اربعة متر لكي يكون صوت الغسالات مكتوم 3 / غرفة بالسطح للحالات الطارئة اعتقد انه ليس من المناسب ان تقوم الخادمة بغسل ( كل ) ملابس اهل البيت فهناك من الملابس ما ينبغي لربة البيت ان تختص هي فقط بغسله او احد اهل البيت # ملاحظة غرفة الخادمة في السطح المفترض ان لا تكون خياراً الا في حالات ضيق المكان الشديد ... والا فأن ان من اشكال العذاب ان تطلب من الخادمة ان تنزل وتصد كل يوم ( الدور الثالث ) عشر مرات تقريباً ... وهذا يجعل الخادمة لا تستجيب لنداء ربة البيت اذا احتاجت اليها ( معها حق و الله ) و تزيد الأمر اشكال .... اذا لم يكن لها درج خدمة خاص ... و اصبح مرورها من خلال الصالة بشكل متكرر .... عندها يتحول صاحب البيت الي رجل اجنبي لأنه فقد راحه و اريحيته و يشعر عيناً غريبة ستقع عليه كل دقيقة |
انا أشوف تستغلين الارتداد أحسن .. أول شئ زي ماقلتي يكون كل شغلها من قريب وثاني شئ ترتاحين من "وين الشغاله" فوق تغسل .. "وين الشغاله" تحت تطبخ .. غير كذا .. 99% من الغسالات عمرها الافتراضي مايتعدى سنه وصعبه كل شوي العمال طالعين نازلين ... وأهم شئ الخصوصيه ..خاصه اذا هي أندونيسيه .. . . :) |
بالنسبة لي اشوف انا مكانها بالحوش من خلف الفلة بالنسبة للدور الأرضي
إذا كانت الفلة مفصولة بحيث تكون هناك غرفة أخرى بالسطح لساكني الدور الأول يعني مثل حالتي أما إذا كانت الفلة درج صالة فأشوف إن بالسطح مكان مناسب مع غرفة الشغالة والكوي |
اقتباس:
صحيح ان وجودها بالسطح افضل بس اذا جتني وحده عجازه راح تتعب من الطلعه والنزله باليوم اكثر من خمس مراات وبنفس الوقت راح تكون بعيده عني ماقدر اشيك على شغلها وماراح يكون فيه خصوصيه ابدا وهي كل شوي طالعه ونازله لكن الارتداد حلو انها قريبه من شغلها وبنفس الوقت غرفتها قريبه ويسهل تواجدها كل ماطلبتها بس مرور الملابس من المطبخ كل يوم بيكون مزعج جد الموضوع يحير !!!!! |
اقتباس:
حلو انك ريحت نفسك واسست في ثلاث اماكن خليها تختار الانسب لها :) كلامك منطقي وبالفعل تواجدها بالسطح متعب لها ومزعج لنا خاصه في عدم وجود درج خدمه خاص فيها |
اقتباس:
والله الموضوع دوخني السبع دوخات :confused: مره اقول بالسطح ومره بالارتداد كل اقتراحاتكم حلوه حيرتني اكثر :D |
اقتباس:
الفيلا مثل ماذكرت درجها بالصاله مو مفصوله وتم التأسيس بالسطح حسب المخطط لكن بما اننا بمرحله التكسير للسباكه فيه مجال نغير لكن حبيت اطلع على ارائكم واقتراحاتكم وتجاربكم قبل اعتمد الموضوع لانه محيرني شوي وانتم الله يعطيكم العافيه ماقصرتو حيرتوني اكثر :p |
اقتباس: المشاركة الأصلية كتبت بواسطة هيفاء http://llbf.com.sa/vb/images/buttons/viewpost.gif ألف شكر سلطان 911 ع المرور الكريم الفيلا مثل ماذكرت درجها بالصاله مو مفصوله وتم التأسيس بالسطح حسب المخطط لكن بما اننا بمرحله التكسير للسباكه فيه مجال نغير لكن حبيت اطلع على ارائكم واقتراحاتكم وتجاربكم قبل اعتمد الموضوع لانه محيرني شوي وانتم الله يعطيكم العافيه ماقصرتو حيرتوني اكثر :p دام الموضوع كذا أنا أشوف تسفرين الشغاله أحسن ...:D . . جد لا تشيلين هم أستخيري وقرري .. وترا الدعوه سلامات لو فرضنا ما أعجبك الوضع بعدين كلها جدارين وجالون صبغ .. يعني لاتشيلين همها . . :) |
| الساعة الآن 01:06 AM. |
Powered by vBulletin® Version 3.8.4, Copyright ©2000 - 2025, Jelsoft Enterprises Ltd. TranZ By
Almuhajir
F.T.G.Y 3.0 BY: D-sAb.NeT © 2011
HêĽм √ 3.1 BY: ! ωαнαм ! © 2010