|
مخارج الهواء للتكييف افقي أو عامودي افضل ؟
السلام عليكم
اخوتي الكرام أعضاء للبناء فنون تم بحمد الله التعاقد مع احدى شركات التكييف (كونسيلد) وسألونا عن فتحات مجرى الهواء للتكييف ترغبونها عاموديه أو افقيه ؟ طبعا بعد البحث والتفكير بهالموضوع توصلت لهالنتيجه :rolleyes: ان الافقي صحيا افضل لكن العامودي اجمل :cool: لان الافقي بيكون الهواء موزع بالمكان بشكل عام لكن العامودي يكون تركيز الهواء على اللي جالس تحته تقريبا بس من الناحيه الجماليه العامودي افضل لانه ماراح يقيدنا بالديكورات الجبسيه :confused: اهل الخبره والناس اللي مرو بهالمرحله وش رايكم ؟ أيهم اختار ؟ |
اهلا بك اخت هيفاء
اولا وش صار معك بالواجهة وش قررت بالعكس من الناحية الجمالية الأفقي اجملا ومن ناحية الجودة لا يوجد هناك فارق يذكر |
أهلين هيفاء،
حتى لو كانت مخارج الهواء " القريلات " أفقية سيكون دفع الهواء بإتجاه واحد، نفس مشكلة العمودي. و لكن الذي يهمني بالدرجة الأولى الشكل الجمالي للسقف، لذا أنا دائما أفضل العمودي بإتجاهين لضمان توزيع جيد للهواء. تنبيه: لابد من مراجعه مخطط التكييف المعتمد من الشركة مع مهندس الديكور حتى يكون أختيار مواقع فتحات التكييف عملي و ما يسبب لك معضله أثناء مرحلة تنفيذ أعمال الجبس، و يقلل تعديلات الدكتات مستقبلا. وجود تصور لديكورات الأسقف الجبسية، يسهل عمل مهندس التكييف بتوزيع الدكتات. يجب أختيار مواقع مراوح التكييف الداخلية بدقة و أن تكون بالمناطق الميته. تحياتي دودي خالد |
اقتباس:
أشكر لك حرصك وسؤالك عن الواجهه ولازال البحث جاري صدق اللي قال العمار قطعه من نار :( بس لاتسبق الاحداث أكيد باستشيركم قبل أقرر :D مشكلتي ما أعرف أفكر لحالي عاد تحملوني اللي يهمني اللحين التكييف ينتظر الرد بكره |
اقتباس:
يسلمو دودي خالد بس إذا بنراجع مخطط التكييف مع مهندس الديكور عز الله ماردينا ولا بعد شهرين :p لأني مابعد دخلت بعالم الجبس وهذي المرحله تحتاج وقت طويل على شان نقرر :cool: بس اللي فهمته من ردك أنك تأيد العامودي لانه اجمل طيب ممكن نعتمد الصالات والمجالس عامودي لانه اجمل ! وغرف النوم الافقي لانه اصح ! |
هلا بك تحديد مخارج الهواء "الدفع" سواءً جانبي أو مباشر فهذا يتم تحديده بما يتوافق مع مخططات الجبس للأسقف حيث يقوم مصمم الديكور بإعداد المخططات ويوضح فيها مكان فتحات دفع الهواء وكذلك فتحات الهواء الراجع وبعد ذلك يتم إرسال المخطط الخاص بالأسقف إلى شركة التكييف لتتولى إعداد المخططات الخاصة بمجاري الهواء (الدكت) بما يتوافق ويتناسب مع مخططات الأسقف (الجبس) ولا علاقة للتأخير في هذا الموضوع الآن أنتم بأي مرحلة ؟؟ بانتظارك |
اقتباس:
أعتقد إنتي لسه بمرحلة تأسيس السباكة و الكهرباء؟ بعد هذه المرحلة يأتي بند اللياسة و تحتاج من الوقت شهر و نصف تقريبا. لأن مرحلة تكسير التكييف و تركيب الدكتات تأتي بعد اللياسة مباشرة. خلال هذه الفترة ( شهر و نصف ) تستطيعين بلورة أفكار ديكور الأسقف الأساسية، و التي بدون شك ستساعدك على توزيع جيد لمخارج الهواء و هل هي أفقي أو عمودي. نصيحة ببلاش: حتى لو كانت شركة التكييف محترمة و ثقة و ملتزمة بمواعيدها، ترا إذا ركبوا الدكتات و استلموا الدراهم، و صار عندك تغييير أو تعديلات بالدكتات، راح تغنين ياليل ما أطولك!!! لأنه بيكونوا مشغولين ما عملاء آخرين. تحياتي دودي خالد |
انا اشوف انك يا اخت هيفاء تشرطين عليهم في العقد انه تحديد هل سوف تكون افقي او عمودي فيما بعد يعني بعد ما تقررين ديكور الجبس ........ واذا قالوا لا فيه فرق بالسعر .... خليهم يعطونك تسعيره للافقي والعمودي ...... من ناحيه صحيه نعم معك ان الخارج ممكن يضر اللي جالس تحته بس اعتقد لو كان فيه توزيع جيد لمكان الخارج ممكن تنحل المشكله ...... الا على فكره وش الشركه اللي اخترتي انا مازلت ابحث .. و وش المواصفات اللي بيعطونك من عزل ونوع الاجهزه ... واسعارهم ..... الخ |
اقتباس:
يعطيك العافيه أخي ماجد على الرد ربي يسعدك ويبارك فيك انت ذكرت ان فتحات التكييف يتم تحديدها مع مخططات الجبس للاسقف لكن مهندس التكييف ماسألنا عن ديكور الجبس نهائيا عمل لنا مخطط مبدئي للتكييف وسألنا عن رغبتنا باتجاه فتحات مجرى الهواء وسؤاله حيرني ؟ عاد انا ماشاء الله اتعمق بالتفكير فبل ما اتخذ اي قرار ولازم افكر بكل مرحله فبل نوصلها واهم شئ اكون مقتنعه 100%>>>>ارحمينا ياتوماس اديسون :d على شان كذا قلت استشيركم بعدين نقرر ونيدأبحوسه الجبس بالنسبه لسؤالك اللحين حايسين بالكهرباء والسباكه |
اقتباس:
ماهي غريبه عليك ربي يبارك فيك ويعطيك الصحه والعافيه |
| الساعة الآن 07:01 AM. |
Powered by vBulletin® Version 3.8.4, Copyright ©2000 - 2025, Jelsoft Enterprises Ltd. TranZ By
Almuhajir
F.T.G.Y 3.0 BY: D-sAb.NeT © 2011
HêĽм √ 3.1 BY: ! ωαнαм ! © 2010