|
ابواب الخشب
الأخوة الأعزاء
من عنده خبرة في الأبواب يفيدنا في هذا العرض من إحدى المؤسسات من ناحية الجودة والسعر - باب فلاش - ؟- قشرة سنديان مع حلق سويدي ملبس قشرة سنديان مع برواز 10 سم ملبس قشرة سنديان مع حفر طولي مع ستانلس ستيل من الجهتين ( الباب به 3 خطوط محفورة من أعلى الباب لأسفله وملبسة ستيل وعرض الخط تقريبا 1-2 سم ) - الحشوة الداخلية من الفونتكس الألماني - المفصلات عدد 4 - المقاس من البرواز الى البرواز - سماكة الأبواب4,5 سم - الربل عازل للصوت والغبار - الدهان ايطالي من شركة ماس - ضمان 5 سنوات شامل الدهان - الأخشاب المستخدمة بالتصنيع مجففة بدرجة 8% السعر كالتالي: - إذا المفصلات تركي والحفر ( الثلاثة خطوط المذكورة سابقا) بدون ستيل فسعر المتر 550 ريال - إذا المفصلات ألماني أو ايطالي والحفر ملبس ستيل فسعر المتر 650 ريال وش رايكم هل المواصفات جيدة وهل هذه الأبواب قوية وتعيش هل الأسعار مناسبة *** أحد الزملاء ذكر لي أنه من الممكن الحصول على أبواب خشب سولد من الصين بسعر حدود 1000 ريال للباب وبامكانه أخذ المقاسات واحضارها من الصين ، وش رايكم في هذا أرجو ممن لديه معرفة افادتنا وعسى ربي يثيبه |
*** أحد الزملاء ذكر لي أنه من الممكن الحصول على أبواب خشب سولد من الصين بسعر حدود 1000 ريال للباب وبامكانه أخذ المقاسات واحضارها من الصين ، وش رايكم في هذا أرجو ممن لديه معرفة افادتنا وعسى ربي يثيبه اخي الكريم ding2004 ان شاءالله يفيدونك اخوانا واخواتنا من الاعضاء اللي عندهم خبره بخصوص ماذكرت عن الابواب في البدايه اما من ناحية الابواب الصينيه نصيحه مني وعن تجربه شخصيه تأكد من الشركه ومدى مصداقيتها من ناحية الجوده والمواعيد وكل مايتعلق في الابواب بحكي لك تجربتي واتمنى الكل يستفيد منها من سنه وانا اعمل تغييرات في البيت والديكور قررت اغيرت الابواب مره وحده ابواب البيت كلها ورحت لمحل عندنا في الخبر عنده ابواب مرتبه وحلوه عجبتني وهي ابواب صينيه ،، المهم كلمنا الاخ اللي يشتغل في المحل وحط لنا الشمس بايد والقمر بايد وقعد يمدح في الابواب وجودتها ومدح لنا خدمتهم المميزه ومواعيدهم المضبوطه ،، للاسف صدقنا كلامه واتفقنا معاه على السعر ولزم انه ياخذ 70% مقدما ،، وافقنا وجا اخذ المقاسات اللي حصل لما وصلت الابواب: - طلع بابين مقاساتهم غلط مع انه اخذ المقاسات ثلاث مرات كل اسبوع كان يجي ياخذ نفس المقاسات - الابواب طلعت مش مضبوطه من ناحية الشكل يعني بابين للمجلس فيهم اختلاف - ابواب غرف النوم بعد فيهم اختلاف بالشكل ( الزجاج كل غرفه مقاس الزجاج غير ) - الباب طلع ملبس مثل الجلاد تبع الكتب - الباب خفيف كثير ومن الداخل فاضي - عندي باب مجلس عريض شوي بس كان باب واحد واخذوا مقاسه على انه باب واحد ،، ولما وصل كان باب وربع باب وظرفه صغيره يعني شوه لي الباب وطلع شكله مش حلو اما عن معاملتهم فحدث ولا حرج : - طولت الابواب على ماوصلت 7 شهور مع انهم وعدونا بثلاث شهور - عند تركيب الابواب كسروا رخام الارضيه من ناحية الباب والجدار بعد ماسلم منهم - وقبل التركيب لما شالوا الابواب القديمه على اساس بكرا يركبون الجديده طبعا تمت الغرف بدون ابواب ثلاث اسابيع بسبب اهمال وتاخير - العقد ياريت الكل ينتبه العقد مايلزم صاحب المحل او الشركه باي شي يعني مافي اي شي يتحمله لو حصل تاخير او اي ضرر في باب كبير اللي هو باب الممر كل ماسالناهم عنه يقولون لنا انه في المينا من اسبوع وظل شهر وهم كل ماسالناهم قالوا في المينا!!!! وربي رفعوا ضغطنا حسبي الله ونعم الوكيل فيهم اخي الكريم اذا لك نيه تجيب ابواب طلبيه من الصين اظمن حقك وحط شروط تلزم الشركه او المحل بحقك من ناحية الجوده والالتزام بالموعد وافرض عليهم غرامه لو حصل تاخير او اي ضرر في البيت وقت التركيب اتمنى اكون افدتك ،، اختك بشاير |
نصيحتي لك لا تطلب من الصين خلك على قريدك لا يجيك. أقرد منه. لف على كذا محل واطلب نفس المواصفات اللي ذكرت وشف اسعارهم وأسئل عن الأجود واذا الفرق قليل شف افضل محل با المواصفات الجيده والسعر المناسب. الله يوفقك
|
جزاكم الله خير يابشاير والمملوح
هل من مزيد؟ مارأيكم في المواصفات؟ أفيدونا ياأصحاب الخبرة |
هلا بك أخي الكريم المواصفات جيدة وتوكل على الله وأنا أميل للعرض الثاني الذي يتضمن تركيب الاستانلس ستيل وأحرص أن تكون المفصلات بنفس لون المسكات التي ترغب لاحقاً تركيبها بالتوفيق |
جزاك الله خير أخوي ماجد
طيب وش رايك في شراء أبواب سولد من الصين هل يستاهل المخاطره؟ خصوصا أن موضوع الصين يحتاج الى حذر شديد لأنك ماتدري وش يجيك |
اقتباس:
المشاركة الأصلية كتبت بواسطة ding2004 http://www.llbf.com.sa/vb/fnoon/buttons/viewpost.gif جزاك الله خير أخوي ماجد طيب وش رايك في شراء أبواب سولد من الصين هل يستاهل المخاطره؟ خصوصا أن موضوع الصين يحتاج الى حذر شديد لأنك ماتدري وش يجيك هلا بك أخي الكريم شخصياً لا أرى الحاجة لتركيب أبواب صولد داخل المنزل ويكتفى بأبواب القشرة ومسألة الاستيراد من الصين فهذا جيد وفيه توفير مادي، أتذكر قمت بزيارة أحد الزملاء قبل أربعة أعوام تقريباً وشاهدت لديه أبواب صولد أحضرها من الصين وسعرها جداً معقول ولكن ظهرت عليها تشققات وقال بأنه سيستعين بأحد الدهانين لمعالجة هذه التشققات وهي طبيعية في الخشب الصولد وعندما تكون المنتجات جديدة وفي السنة الأولى من صناعتها بالتوفيق |
الباب السوليد افضل و اقوى خصوصاً قي المناطق الرطبة
لكن لماذا لا تطلب منه تكون الابواب نفسها سويدي ملبسة قشرة سنديان .. لأن السوليد افضل من المجمع او المضغوط. |
شكرا للجميع
والله ماقصرتوا وفيتوا وكفيتوا بالمناسبة: هل أحد يعرف شركة أو مؤسسة ثقة وشغلها جيد في الأبواب فما أكثر الغش في هذا الزمان |
اقتباس:
المشاركة الأصلية كتبت بواسطة ding2004 http://www.llbf.com.sa/vb/fnoon/buttons/viewpost.gif شكرا للجميع والله ماقصرتوا وفيتوا وكفيتوا بالمناسبة: هل أحد يعرف شركة أو مؤسسة ثقة وشغلها جيد في الأبواب فما أكثر الغش في هذا الزمان هلا بك أخي الكريم أحرص على هذه النقطة ((المصداقية)) وعليك سؤال عملاء هذه الجهة الذين انتهوا خلال فترة زمنية قريبة والسؤال عن مدى التزامهم بالمواعيد وإن كان هناك تأخير يسير فلا حرج في ذلك دعواتي لك بالتوفيق |
| الساعة الآن 07:24 AM. |
Powered by vBulletin® Version 3.8.4, Copyright ©2000 - 2025, Jelsoft Enterprises Ltd. TranZ By
Almuhajir
F.T.G.Y 3.0 BY: D-sAb.NeT © 2011
HêĽм √ 3.1 BY: ! ωαнαм ! © 2010