|
رأيكم شراء بيت جاهز أو البناء
السلام عليكم ورحمة الله وبركاته:
حياكم الله اهل هذا المنتدى الرائع وسعيدة بالأنضمام إليكم ومن مبدأ المؤمن اخوالمؤمن احب استشيركم وأنا على يقين أنكم ناصحين بأذنه تعالى عندي أرض أفكر ابيعها وا شتري فله جاهزه والباقي اقساط لاني ماقدر ابنيها فلوسي ماتكفي واخاف من الفشل ومايطلع زي ماابي وخاصة اني أمرأه وماأفهم في البناء وعالم المقاولات عالم صعب ومتعب على رجل فكيف بالمرأه أفكر ليلا ونهار كيف اتملك منزل وارتاح من الايجار والتنقل من بيت لأخر اتمنى من الله ان اجد عندكم المشوره النافعه وممكن الواحد يبدأ يبني ب150الف وجزاكم الله كل خير |
اختي الكريمه لا ينصح بشراء الفله الجاهزه مهما كان الوضع لأن فيه ناس ماتخاف الله وهي تبني او يكون جاهل ويسوي اشياء مايحمد عقباها انا اشوف المشاريع التجاريه تلفيق واهمال وغش وتقلييل تكلفه الا ما ندر يعني اذا الارض مناسبه خططي برواق ويعدها ابحثي عن مقاول جيد ويتابعه مهندس او تمسكينها مشرف معروف بين الناس بشغل النضيف والأمانه افضل واوفر ومخطط حسب احتياجك وبنسبه لقيمه البنا اشوف انك ماتبدين الا وفلوس العضم جاهزه لأن العضم 120 يوم وخالص تقريبا وسلامتك
|
هلا بك أسأل الله لك وللجميع التوفيق الأمر يحتاج إلى حسابات دقيقة قبل اتخاذ القرار البناء فعلاً يتطلب جهد وخاصة الجهد "المادي" ومسألة الإقدام وشراء منزل جاهز أو البناء فهذا يعتمد بعد توفيق الله على القدرة المادية ومدى توفر السيولة لديك مع قيمة الأرض وخلافه من الأمور المادية الأخرى بالتوفيق |
اقتباس:
شكرًا لك اخي على النصيحة ووفقك الله الى كل خير ان شاء الله يكتب الله الخير لي ولك وللمسلمين والارض جداً مناسبه وزاوية وانت صادق التجاري شغل تعبان وكم فله شفتها شغلها مو نظيف وتمشية حال عموما الله يعطيك العافيه وشكرا لك بس تتوقع الامر سهل علي الله يعين |
الله يحلي ايامك يا أخت أم سكر .... الامر لوالله مش سهل :confused: ولكن أنتي قدها وقدوووود . . مشاركتي هي : (طبعاً فكرة صندوق التنميه العقاري مش مطروحه لانك أكيد فكرتي فيها ) أنا بحط نفسي مكانك وبجلس أفكر بصوت عالي ... عندي أرض .. وعندي مبلغ 150 ألف ....... وأبي أنسى شئ أسمه بيت إجار . . الخيارات المطروحه امامي هي : أولاً. أبيع الارض وأحط قيمتها على الـ 150 ألف وأشتري بيت جاهز .. الحل هذا أسهل الحلول .. ويجب عدم التسرع في البيع حتى تلقين البيت اللي على مزاجك وممكن راعي البيت يوافق بأنك تقايضينه بالارض وتزيدين عليها حسب قيمة الارض والبيت.. عيوب الحل : احتمال يطلع في البيت بعض المشاكل .. (حتى لو كشف عليه مهندس) خاصه اذا كان من البيوت التجاريه .. وايضاً تأكدي بأنك راح تحتاجين مبلغ علشان تعدلين في البيت أو تعملين بعض التشطيبات الضروريه قبل تسكنيين علشان يتولد عندك احساس بأنك نقلتي إلى بيت جديد ... ثانياً. أبني بيت العمر (عظم) على الارض بالمبلغ المتوفر .. واذا كنت موظف أخذ قرض للتشطيب .. أو أرهن الصك وأخذ قرض عقاري محترم للتشطيب والتأثيث .. عيوب الحل : بجلس أسدد 20 سنه في القرض ..:( ثالثاً .. أصمم البيت كـ عماره من 4 شقق وأبني العظم بالمبلغ المتوفر .. وأخذ قرض عقاري بضمان الراتب أو برهن الارض أو رهن البيت كـ عظم وأخلص البيت وأسكن في شقه وأجر 3 شقق .. ومن قيمة الاجار لشقتين أسدد البنك سنوياً بعد التفاهم معهم .. وقيمة اجار الشقه الرابعه ممكن اوفره وأبني ملحق شقه في السطح يسمونها (دور مسروق) اذا النظام مايسمح بـ 3 ادوار ... وأجرها على مصري ولا سوداني بـ 14 ألف :D بهذا الحل حليت مشكله الاجار واستثمرت الارض لي و ابنائي بدون ما أحمل نفسي شئ لان أجار الشقق راح يكفي البنك وزياده .. وممكن تخلصين القرض بأقل مده ممكنه .. ^ ^ ( بالنسبه لي أميل لهذا الحل ) . . أخيراً اسال الله العلي القدير بأن ماتنتهي هذي السنه الجديده الا وانتي ساكنه في أحسن بيت واسأل الله أن يعينك ويوفقك ويدلك على مافيه الخير .. واسأله سبحانه بأن يرزقك بـ بيت في الجنه آآآمين يارب العالمين . . |
اقتباس:
جزاك الله خير أستاذ أبرهيم وشكرا لك |
اقتباس:
ويسهل لك كل أمر ويرزقك من واسع فضله وأن شاء الله أني أوفق في اختيار المناسب لي واسرتي وش رايك في فله وشقتين مسروقه لأن الشقة صغيره علينا بتكون في حالة أني أختار الحل الأخير وشكرا لك |
اقتباس: المشاركة الأصلية كتبت بواسطة ام سكر http://llbf.com.sa/vb/images/buttons/viewpost.gif الله يوفقك ياحاكم ويسكنك قصور الدنيا والأخرة ويسهل لك كل أمر ويرزقك من واسع فضله وأن شاء الله أني أوفق في اختيار المناسب لي واسرتي وش رايك في فله وشقتين مسروقه لأن الشقة صغيره علينا بتكون في حالة أني أختار الحل الأخير وشكرا لك تسلمين وألف شكر .. فله وشقتيين فكره حلووووه ...:) الغايه من موضوع الشقق هو عدم تحميلك فوق طاقتك يعني تاخذين قرض وتستثمرين قيمة القرض في شئ يكون منه مردود مالي يعينك على تسديد القرض نفسه.. أحسن من صرف قيمة القرض بدون مردود ..لان في النهايه القرض لازم يتسدد ...:mad: وبيني وبينك والله القروض البنكيه زي المنشار طالع ماكل ونازل ماكل ولكن للاسف صارت شئ ضروري مع ارتفاع اسعار العقار ... . . حاولي تسألين أي أحد عنده خبره في برامج التمويل في البنوك .. وأكيد بتلقين شئ يناسبك .. خاصة مع تنافس البنكوك على التمويل العقاري قبل ينزل الرهن العقاري بصفة رسميه عندنا .. . . أذكر فيه بنك بدون ذكر أسمه عنده تمويل (بناء عقار) أو (تكملة عقار).. ويشاركونك في قيمة أجار الشقق اذا أنتهى العقار حتى ينتهي القرض.. . . |
اقتباس:
أن شاء الله يقدر الله لي الخير حيث كان وكل مسلم بأذنه تعالي والف شكر لك الف شكر |
| الساعة الآن 03:05 PM. |
Powered by vBulletin® Version 3.8.4, Copyright ©2000 - 2025, Jelsoft Enterprises Ltd. TranZ By
Almuhajir
F.T.G.Y 3.0 BY: D-sAb.NeT © 2011
HêĽм √ 3.1 BY: ! ωαнαм ! © 2010