|
استشاره بخصوص السقف والحجر
يسعد مساكم بكل خير اول استشاره لي بخصوص السقف والحجر :) انا عندي الصاله فيها بلكونه حبيت اكبر الصاله شوي واعمل جلسه دائريه ركنيه بابواب زجاجيه كبيره تطل على الحديقه واشيل الباب والزجاج الموجود الان ( الباب البني في الصوره التاليه) المشكله ان العامل بنى الاعمده على ارضية البلكونه وعلى الرخام زوجي يقولي خايف ان الاعمده ماتتحمل السقف والسقف مفكره اعمله قبه بسيطه حتى ماتكون الصاله كتمه.. يقول الزجاج ثقيل مع الحديد ومع الطابوق اللي فوقه ،، والاعمده مبنيه على الرخام يعني مالها اساس وحتى البلكونه لما كبرناها ماكان لها اساس حط بنى على الرمل على طول :confused: اللي حابه اعرفه هل تتحمل ارضية البلكونه الاعمده والسقف؟ هذي صوره بعد توسعة الصاله : استفساري الثاني بخصوص الحجر: بعد مااخذنا من الحوش صار الحجر داخل الصاله وشكله مو حلو فكرت نمسحه باسمنت وبعدين نعمل ديكور مثل التجويف البارز ،، سؤالي ممكن ينمسح على الحجر الاردني؟ (افضل من تكسيره) هذي صورتين لديكور التجويف البارز مدري ينفع او لاء؟! |
هلا بك بشاير أنور القسم :rolleyes: بس قوية والله المقاول يبني هالأعمدة بدون أساس كيف مشت عليك!! خابر إبن الوز عوام وأنتي ما شاء الله تبارك الله خير معين بعد الله سبحانه وتعالى في متابعة كافة المواضيع بالموقع بحكم تخصصك التقني لكن يالله بنمشيها هالمرة طال عمرك بما أنكم انهيتوا أعمال البناء واللياسة "المساح" فالأمر لن يتم علاجه إلا بالتكسير والإزالة لذا اشوف الإبقاء عليه على وضعه الحالي ويبقى موضوع السقف قلتي تخافين تكون الصالة كتمه أنصحك السقف يكون إنارة سماوية وذلك بوضع قبة من اللكسان أو الزجاج المعشق ستضيف إنارة لهذا الفراغ وامتداد بصري وشيء جمالي وهذا لن يتسبب في إحداث وزن إضافي على السقف والأعمدة فيما يخص الحجر اللي أصبح بالداخل الآن أرشح لك إزالته لأنه أصلاً شاغل مساحة بحدود 8سم تقريباً فيتم إزالته وعمل اللياسة للجدران من الداخل والتجويف الأول جميل بالتوفيق |
ربي يسعدك ابوابراهيم والله لو تشوف كيف بناها بالاول ماتقول هذا مقاول افتكرته راح يبني اعمده جمب الدائره ويساويهم بعدين بالتوسعه لكن اللي حصل ان الاخ بناها بسرعه واي كلام مدري ليه؟!! وانا كنت مشغوله في ديكور الاسقف خايفه من المقاول الثاني مايضبطه واللي كنت خايفه منه حصل غرفة الطعام خليته يفك جبسها مرتين ثالث مره ضبطه المقاول اياه اختلف زوجي معاه وسكت بس يبي يخلص لان الشغل واقف له تقريبا سنتين المهم.. انا مطلعه صوره من النت وريتها له على اساس يبنيها مثل الصوره كانت دائريه وفيها شبابيك بالطول ،، طلبت منه يعمل لي ثلاث شبابيك طويله على شكل ابواب وباب رئيسي اكبر لانه مقابل الدرج قام عملي اربع شبابيك وطبعا طلعت صغيره وشكلها مش حلو ،، طلعت له وقلت له يهدمها طبعا عصب في البدايه ومارضى لكن لما شافني مصره وماعجبني شغله هدمها وعمل لي الشبابيك لكن هم مش متساويه كل شباك مقاسه غير والشباك الواحد من فوق اصغر من تحت ،، والقوس ماضبطه وقلت لزوجي شغله مو مضبوط :( المهم لما جبنا عامل الالمنيوم حتى ياخذ مقاسات الشبابيك والباب قال الشغل مو نظيف ومااقدر اخذ مقاسات الا لما تعدل عليها ان شاء الله بكرا راح نبتدي التعديل ،، وربي كل ماشفتها اقعد ادعي عليه بجد شي يوجع القلب الله المستعان.. بشوف موضوعك حق قبة اللكسان وان شاء الله لما تخلص بعمل فيها موضوع في قسم تجربتي :) ربي يسعدك الف شكر لك :) |
بشاير
سلامتك من وجع القلب وحسبي الله ونعم الوكيل على كل عامل مايراعي عمله ويتقي الله فيه ولا يهمك ياعسل ان شاءالله تنحل مثل ماقل المهندس ماجد ويطلع ربا ضارة نافعه الله يسهل امرك ويوفقك |
هلا بك الله يكون بالعون بما أن البناء خطأ فأنصحك بعد إزالة الجدران أن يتم عمل التأسيس اللازم بحسب المساحة إذا تطلب أعمدة وقواعد وخلافه وإذا بدأ البناء يجب عليكم الاستلام منه أولاً بأول ليتم إكتشاف الأخطاء مباشرة قبل الانتهاء من العمل بالتوفيق |
| الساعة الآن 08:57 PM. |
Powered by vBulletin® Version 3.8.4, Copyright ©2000 - 2025, Jelsoft Enterprises Ltd. TranZ By
Almuhajir
F.T.G.Y 3.0 BY: D-sAb.NeT © 2011
HêĽм √ 3.1 BY: ! ωαнαм ! © 2010