|
معاناتي مع درج بيتي
حياكم الله جميعآآ.. واسعد الله جميع اوقاتكم بالخير والمسرااات الله يسلمكم ماعندي استشاره هالمره .. :) لكن حبيت اوضح لكم معاناتي مع درج بيتي الدرج عندي دائري يستند على الجدار .. وبنفس الاستداره والجانب الثاني مسكر بحاجز اسمنتي .. للاسف كعادة عمالتنا الخايسه مانفذته بالشكل المطلوب ..:( يعني نصيحه للي بمرحله التخطيط خليكم على التقليدي المستقيم افضل واسلم .. بلا دائري بلا وجع راس لين الله يرزقنا بعماله وايادي ماهره .. صحيح ان الدرج الدائري أجمل لكن وقت التنفيذ متعب للغايه.. و اكثر حاجه ندمت عليها في بيتي .. ياكثر ماسوينا له عمليات تجميل ولازال تحت العنايه المركزه....:D لعل وعسى يطلع لنا بطله جميله.. على الرغم اننا من بدايه المشروع أكدنا ع المقاول يعمل الحاجز مع صبه الدرج .. لكن الله يصلحه نسى ويمكن تناسى لانه ماكان مقتنع تماما بتنفيذها ويقول ماعمري سويتها ومافي ولا مره احد طلبها !! الله واحنا مالنا ومالهم !! المهم بعد ما توكل على الله وانهى خدماته طلبنا من مقاول ثاني بسويها وقال راح تكلف 3000 ريالز غرس اسياخ حديد على شكل حرف L مع تكسير بسيط لاطراف الصبه وشبكها مع الاسياخ الموجوده في الداخل وخشب وصب خرسانه مره ثانيه .. بعد ما انتهى للاسف كان فيه تفاوت واضخ بالارتفاع لكن قال ..لاتشيلو هم ..مع اللياسه تتعدل ....;) وجات مرحله اللياسه ... وكانت اهم نقطه عندي تعديل منطقه الدرج وأكدنا ع المليس قبل التعاقد وكعاده أغلب العماله مسوي نفسه ابو العريف .. :p يهز الرأس ..(مافي خوف انا في سوي سيم سيم مسطره) استبشرت خير ان درجي الجميل اللي رسمته بخيالي بيطلع واااو وياسلاااام سلم .. للاسف خلصو اللياسه ولازالت النتيجه غير مرضيه...:confused: مافيه الا نهدم الدرج .....:eek: لكن حرام كل هالتعب والتكاليف..يالله لازم نرضا بالواقع .. وفكرت بآخر الحلول والتعديلات عشان نخفي التضاريس مالنا الا >>>>> الجبس وبكذا نكون حلينا مشكله التعرجات الكئيبه للاسف طلعت لنا مشكله ثانيه ...( آه ياليل ماطولك) بعد ماركب المبلط رخام الدرج .. ولا ايش رايكم اترككم مع الصور ... 7 7 7 7 ( 1 ) ( 2 ) ( 3 ) شايفين كييف !! الصوره الاولى // من الدور الارضي نلاحظها عال العال وكل شئ تمام الصوره الثانيه // من الوسط الحاجز بدأ يصغر الصوره الثالثه // لاتعليق..الحاجز اختفى ...:( يعني لازم نزيد من ارتفاعه بعد مانتهينا من تركيب رخام الدرج !! المشكله بيكون في تفاوت بالارتفاع !! من تحت جاي مضبوط و الزياده بتكون في الاعلى فقط ؟؟؟ شفتوو المعاناه ...:mad: عاد الله الله لاتنسون درجي المليح .. أأقصد العله والغثيث من دعواتكم .. وان شاء الله اول مايتشافى اصوره لكم .. تحياتي . . :) |
هلا وغلا عزيزتي الله يعينكم يارب
يصلح درجك في صيد الكاميرا ... اختى العمل المتقن لا بد منه من اول مرة والترقيعات والمقاسات الغلط هي سبب هذا التشويه والعمالة الغبيه سبب رئيسي عملنا الدرج الدائري والصبة لكن رفعناه بمقدار يتناسب مع التشطيبات من ارضيات ورخام وغيره يعنى جمال الدرج الدائري ومكانه الحساس يحتاج من يتقنه الي عمل الصبة لازم يرجع ويشوف شغله والله يعينك ع التعديل |
بصراحه فعلا كلامك صحيح 100% ماعندنا عماله تشتغل صح وفاهمه وللاسف احنا الضحيه زيادة فلوس ووجع راس انا مالوم زوجي يوم كل ماوريته شي وعجبني ابي تنفيذه يقول خليك من الصور هذا يبيله ناس فاهمه وشركات متخصصه الله يكون بعونك يالغاليه لكن انا لو منك والله ماخليهم لانتف شوشة اللي سواها يامال العمى وش ذا لو انا مسويته كان احسن منهم بكثيييير
الا وش رايك نشتغل حنا مهب ازين خخخخخخخ انا احيانا اذا شفت العامل يشتغل ودي اكفخه واشوته واشتغل بداله تراني شريره محد قدي البارح مريت العماره وما كان معي زوجي قلت بشوف الاشياء اللي قلت عليها وش سوو فيها مادريت الا السباك يوم شافني كانه شايف شبح استغفر الله سالته كيف السباكه قال تمام التمام قلت والله ماعندك سالفه لاني مقهوره سوالي مواصير التصريف اللي من السطح على الحوش وانا كنت اتمناها مع الشبكه الخارجيه بالشارع ودي اطحنه بسببه وتهاوشت انا وزوجي بسببه فقال والله ما كسر الصبه على شان مواصير اااااااخ يالقهر الله يكون بعونك وعوني وعون الجميع ويلهمنا الصبر |
اشوف يا قلبي في هالصورة الخطأ في تنسيق ومقاس ارتفاع الصبة ....
http://www.llbf.com.sa/uploads/uploa...3387721233.jpg والتعديل يكون من فوق الى اسفل http://www.llbf.com.sa/uploads/uploa...3387950391.jpg |
اختي اذا نفسك طويل انصحك تعدلين الركبه
شكل الدرابزين بيطلع غلط عليه والله يعين |
هيفاء
ارفعيها زي ماقالت ام فلوحي الله يجزاها خير احسن للدرابزين http://www.llbf.com.sa/uploads/uploa...3388065661.jpg http://www.llbf.com.sa/uploads/uploa...3388065662.gif http://www.llbf.com.sa/uploads/uploa...3388065663.jpg http://www.llbf.com.sa/uploads/uploa...3388066551.jpg |
الله يعينك أختي ..
الله يستر .. المهندس كان يقترح علينا درج عادي وانا قلت صلح درج مائل .. الآن رسم لنا درج بيضاوي (منحني من البدايه والنهاية ..ومستقيم فالوسط ) .. هل هو صعب التنفيذ ..؟ |
اقتباس:
أهلين ام فلوحي يعطيك العافيه ع المرور والتعليق والتعديل وبالنسبه لزياده ارتفاع الحاجز هذا اللي اقترحه علينا المبلط مالنا الا هالحل الشكوى لله الارتفاع الحالي للحاجز من الخارج 50 سم المشكله بيكون فيه تفاوت واضح يعني الزياده بتكون من الاعلى 20 سم تقريبا ومن الوسط 10 سم.. ومن الاسفل زي ماهو ! عندي صوره قديمه للدرج قبل اللياسه والتبليط رسمت عليها للتوضيح http://www.llbf.com.sa/uploads/uploa...3388561691.jpg |
اقتباس:
وعسى الله يفرجها علينا وعليكم ويرزقنا الصبر يارب والله شيب فينا هالعمار كل يوم طالعه لنا مصيبه !! والعماله حكايتهم حكايه كل واحد يرمي البلا واللوم ع الثاني .. ياليت ادارة الموقع يطرحون لنا مسابقه عن ((تجربتي المأساويه في البناء)) اتوقع بنفوز انا وانتي ....:d |
اقتباس:
لاوالله مع التشطيبات الفظ انفاسي الاخيره خلاص ملييييينا وبالنسبه للدربزين بيكون ارتفاعه من 75 - 80 تقريبا باعتبار ان الحاجز فوق الدرج 20 سم |
| الساعة الآن 05:33 AM. |
Powered by vBulletin® Version 3.8.4, Copyright ©2000 - 2025, Jelsoft Enterprises Ltd. TranZ By
Almuhajir
F.T.G.Y 3.0 BY: D-sAb.NeT © 2011
HêĽм √ 3.1 BY: ! ωαнαм ! © 2010