ابغى زاوية الفله ممكن يتحقق حلمي
 

السلام عليكم ورحمة الله وبركاته احنا الان نعمر بيتنا وصبينا الدور الثاني وبنوا الجدران وبيخشبون للدور الثالث السطح بس مشكلتي شفت منظر ابهرني في فلة حركة حلوة ان الزاويه حقة الغرفة شباك زجاج من الناحيتين من برا مساحتها متر وستين بالطول في سبعين بس قلت لابو الشباب قال هاذي لازم من الصبة يأسس لها من قبل بحيث يكون العمود راجع شوي على جوا يعني تصير صبة السطح بارزة شوي علشان نسوي هالشباك ارجوا انكم فهمتوني واذا حصلت صورة الشباك ارسلتها لتشوفونها وشكرا لكم

اعتقد لامانع ولاصعوبة في ذلك لكن تبقى مسألة زرع حديد العتب للفتحه الجديدة
وهذا في حالة عدم وجود عمود قريب للمكان المراد

اهلا بك
كل شي ممكن ولكن يحناج الى مجهود زايد وتكاليف زايدة بعكس لو تم التأسيس لها من البداية وبإنتظار الصورة

شكرا اخواني على الرد معليش تحملوا اسئلتي لاني ما اعرف شي بالبناء وملاحظة بسيطة يمكن تفيد الشباك عاكس يعني كانه مرايه واحنا كنا مأسسين شباك طوله متر وشوي وعرضه اربعين جنب العمود من الجهتين بس يكون صامت ماينفتح يعني ينفع نحط الزجاج على عمود الصبة ممتد لفتحة الشباك وكله صامت ماتنفتح منظر وفي نفس الوقت اقدر اشوف اللي برا وترا فيه شباك ثاني هدفنا من شباك الزاوية نشوف اللي يجي من الجهه المقابلة لان بيتنا اخر الشارع وعلى وادي والبيت موقعه بمجمع استراحات واحنا اللي عمرنا بالمنطقة وهالمجمع ماله بوابة منعته البلدية ويدخل علينا ناس مضيعين وغير مرغوب فيهم وانا ودي اطل قبل افتح الباب والاستراحات الثانية ان شاء الله بتعمر وكلهم اخواني مافيه غريب بس يجيك احد مضيع احيانا شكرا لتعاونكم بارك الله بكم

لو ترفق الصورة افضل

ترفقين الصورة ونفيدك بما نعلمه

شكرا لكم اخواني المشكلة بحثت بالنت مالقيت صورة مثل الفلة اللي شفتها ولكن باذن الله الله يسهل واروح للحي اللي شفتها فيه واعتذر يمكن اتأخر ما اجيب الصورة لان الحي بعيد عننا

اخواني لقيت صورة مشابهه للشباك اللي اتمنى اصممه على هالرابط في الصورة 11 اعذروني مااعرف احمل بس ان شاء الله تشفون الصورةhttp://llbf.com.sa/vb/showthread.php?t=1755

باذن الله راح يكون واجهة البيت حجر تتوقعون تصمم نفس طلبنا وشكرا واسفة على الازعاج

اهلاً اختي اعتقد الامر سهل جداً لكن انصحكم بدراسة الامر مع المقاول طالما انتم في مرحلة العظم
صحيح فيه صرف زيادة لكن بالنهاية يتحقق الحلم وحتماً الخسارة بتكون اقل من لو تقدمتوا في البناء كالتشطيب والله يوفقكم ويجعله من البقاع الطاهره