|
اخطاء المبلط بتركيب البلاط فكيف أتعامل معه
اخواني بلاني الله بمبلط ماعليه لكن نفسييييه مايبي احد يقول له اي ملاحظة ،وشغله معقول لكن اليوم لاحظت انه مركب السيفون الجداري الخارجي و فتحة الجزء اللي بالجداركبيرة ومكسر دائرته يدوي ولاطسها بترويبة بيضاء والجدار بُني وش الحل واللي يرحم والديكم ..
|
اهلا بك
الله ايعين على هالنوعية من العمالة ولكن من المفترض ان ينفذ المبلط العمل بالدقة المطلوبة اخي العزيز يمكن ان يقوم المبلط بقص البلاط بالمقاس المناسب بحيث يقوم باحاطة السيفون ببلاط وليس بالترويبة وهذه ما يبيلها معلم بحيث اي مبلط ينفذ هذا العمل وببساطة حتى المبلط القليل خبرة وبالتوفيق |
لااتمشي الشغله وذا مشية وحس انك محتاجه سوف تشوفها كثير حاول تدور على معلم ثاني وتجيبه يشوف الشغل يوم الجمعه وتبدء معالجة اخطائه بالهداوه بحيث تقوله انتا معلم والله استغرب جات معاك ذي كذا انفخه شويه ووضح له الخطا بس لاتستضعف قدامه والله لوحس في الضعف غيريتمردو عليك وحاول حشره بمسك مبلغ بحيث لو ترك الشغل وجاواحدثاني بسعر اعلا تخارج معاك
|
هلا بك أخي الكريم في مثل هذه الحالات وعند التنفيذ بشكل خاطئ أو عند وجود ملاحظات على التنفيذ فيتم إبلاغ المبلط أو المقاول أياً كان عمله بضرورة فك هذا العمل وإعادة تنفيذه ولا أنصحك بالتأجيل فالعلاج يكون أولاً بأول وإذا المقاول نفسيه فهذا على نفسه إذا لم يلتزم فمن الآن التغيير أسهل وأفضل بالتوفيق |
نصيحه اذا شفت خطاء في البداية ولو بسيط قم بتكيسره حتى يحسبون العماله لك الف حساب وبعدها يضبطون الشغل اما اللي نفسيته شينه والشغل لك عليه هذا مسكه الباب الحزم مطلوب في الأعمال انت تدفع فلوس مقابل شغل زين |
زي ماقال ابوابراهيم
|
اخوي اذا كان شغله زين. ،،، الله يعينك تتحمل عشان حاجتك عنده
و بصرراحه انا اشوف اغلب المبلطين الممتازين نفسيتهم لك عليها لذلك خل الملاحظات لأخر شي و امسك لك مبلغ من حسابه لكن اذا كانت اشياء بسيطه فلا تتدقق كثير من تجربه : اكثر اللي يدققون بقوه بالشغل هم اكثر ناس في اخطاء فادحه في بيوتهم |
| الساعة الآن 11:50 PM. |
Powered by vBulletin® Version 3.8.4, Copyright ©2000 - 2025, Jelsoft Enterprises Ltd. TranZ By
Almuhajir
F.T.G.Y 3.0 BY: D-sAb.NeT © 2011
HêĽм √ 3.1 BY: ! ωαнαм ! © 2010