|
اختيار الارضيات
السلام عليكم هل من نصائح بخصوص اختيار نوعية الارضيات للفيلا؟ انا اميل للبورسلان الصراحة لكن البورسلان عالم كبير و الواحد يحتار اي نوع و كيف يميز الجيد من الممتاز؟ وش هي المقاسات المرغوبة او المناسبة للفيلات؟ تنصحون بمحلات معينة في الرياض او القصيم؟ العروض المتاحة امامي بورسلان اماراتي لون ذهبي فيه عروق بيضاء سعر المتر 48 ريال (عرض) قص ليز (60×60) بورسلان صيني لون سكري سعر المتر 34 ريال قص ليز (60×60) بورسلان اسباني لون ذهبي مائل للزهري سعر المتر 53 قص ليز (57×57) بنسبة لي راح اخذ كامل ارضيات الفيلا بورسلان لاني ابي افتك من مسئلة اختلاف اللون و الخامة لان فيه ناس مثلا الدور الارضي يستخدمون الرخام و الدور الاول بورسلان, هل انا اختياري صحيح او ان الموضوع راجع للذائقه الشخصية و الميزانية؟ شكرا لكم |
انا مثلك طقمت الدور الاول لون واحد مع نعلات و مرايا للنعلات من نفس لون النعلات
و ارتحت حسبت الامتار كلها وزدت عليها ١٠ امتار و حملتها مره وحده ابرز المشكلات اللي واجهتها : ١ / محافظتنا فيها وكيل واحد لمنتجات راس الخيمه ولاعب بالسوق لعب فما تعرف هذا نخب اول ولا ثاني ولا عاشر حتى و الاسعار فوق فوق بل اني شفت اسعار بورسلان اغلى من الرخام العماني ٢/ البورسلان الصيني سعره طيب لكن فيه مشكلة التقوس ٣/ البورسلان الصيني ممكن يكون مضروب في طبليه كامله و حدثت معي و كانت من اسوأ الايام و الحمدلله انها عدت كلها هواش و طقاق و رجع و جب ٣/مقاس ٦٠/٦٠ طيب لكن احذر من التقوس و احذر من الهدر |
شكرا لك على الرد لكن ابي اسئلك عن مرايا النعلات, وش هي؟ المصطلح اول مرة يمر علي بالنسبه لي قررت اشتري البورسلان الاماراتي بسعر 48 ريال من نفس مدينتي و اخذت لكامل الفيلا و عسى الله يبارك لنا فيه |
اقتباس:
المرايا هي اخر البلاط من ناحية الجدران بمعنى انك تترك مثلا 20 سم مرايه تكون لونها من لون النعله و تعطي شكل اطار للجرانيت او البورسلان |
| الساعة الآن 05:15 PM. |
Powered by vBulletin® Version 3.8.4, Copyright ©2000 - 2025, Jelsoft Enterprises Ltd. TranZ By
Almuhajir
F.T.G.Y 3.0 BY: D-sAb.NeT © 2011
HêĽм √ 3.1 BY: ! ωαнαм ! © 2010