طريقة ازالة الترويبة من الحجر الصناعي
 

السلام عليكم ورحمة الله وبركاته
عندي ديكور داخلي من الحجر الصناعي اول ماركبته كان جميييل وبعد شغل عمال الترويبة انعدم شكله حاولت انظفه بفوطة مبلولة وفرك قوي وما نفع
والترويبة لسا ما نشفت مره لانه من يوم روبوه

ماودي اجرب انواع المنظفات القوية ثم يخرب عالآخر

كل من عنده خبره بهالموضوع يفيدني اي نوع من المنظفات او الادوات تفيدني

سمعت عن فرشه تباع في محلات البناء لتنظيف الحجر مادري تنفع او لا

اتمنى تعطوني طريقة انا اسويها ما ابغى اجيب عمال وحوسة

وهذي صورة الحجر بشكله الطبيعي
http://www2.0zz0.com/2013/02/23/22/776905854.jpg

وهذا بعد تشويه الترويبة للحجر
http://www6.0zz0.com/2013/02/23/22/939955278.jpg


مشكوورين مقدما وجزاكم الله خير

اهلا بك
شكل الحجر طبيعي مو صناعي فعلا بدون ترويب اجمل ممكن إزالة الترويبة يدويا بواسطة فرشة حديد ( بروشي ) وهي عبارة عن فرشة تشبه المكنسة اليدوية ولكن بدل الشعر حديد اليك الطريق
اولا يتم رش الترويبة بالماء عدة مرات حتى تتشبع
ثانيا يتم إزالة الترويبة بواسطة الفرشة بإمرارها ذهابا وأيابا على الترويبة
كذلك ممكن تركيب ريشة دائرية على الدريل او صاروخ صغير ويتم إزالة الترويبة بنفس الطريقة السابقة
وبالتوفيق

شكراً جزيلاً
الله ييسر لك أمورك ويعلي قدرك

المشكلة ان الحجر بعد القص صار احجامه مو متساوية عشان كذا اضطرينا نحط ترويبه تغطي الفراغات كان الصمغ مرره باين



وعذراً ما فهمتك لما قلت: ممكن تركيب ريشة دائرية على الدريل او صاروخ صغير ويتم إزالة الترويبة بنفس الطريقة السابقة !
كيف اعرفها ؟؟!

اهلا بك
فيه ريشة دائرية لها اطراف كثيفة تشبه الشعر تركب على الصاروخ الصغير او الدريل يتم فيها إزالة الترويبات والأوساخ على الحجر

صارت عندي نفس المشكله ولما تخاصمنا مع المبلط قال بسيطه ومن ثاني يوم جاب معاه زيت ثقيل مدري ايش اسمه ماهو ورنيش ودهن البلاط وانحلت المشكله وله سنين وزي ماهو ماتغير الحمد لله ان شاء الله افدتك

مشكوورة عالافادة حلوة فكرتك ومريييحة جدا

انا سويت طريقة الفرك الي قالها راكان عن طريق الفرشة البلاستيكية (لان الحديدية جربتها في بلاطة ومرره طلع مخربش لانها قوية)
والحمدلله ضبط