|
سؤال عن لون البويات الداخلية والخارجية ونوعيتها
السلام عليكم ورحمة الله وبركاته ناوية هاليومين اغير بوية البيت لكن محتارة باللون ابغى لون يناسب البيوت الي يعيش فيها اشخاص كثير وكثير يجينا ضيوف مع اطفال وبعض البويات لونها حساس يتاثر باي شي فحبيت اخذ راي اصحاب الخبرة باللون المناسب للبيت من الداخل؟ فكرت بالجيشي الفاتح ايش رايكم صح الاوف وايت احلى لكن اظن انه حساس والا؟ وعشان تتخيلون الشكل: عندي صالة مع مجلس الحريم في كل وحده ديكور حجر في واحد من حيطانها والمغاسل في وسط الصالة: وديكور المغاسل عبارة عن بلاط مطفي بلون بيج على رمادي مزخرف ببنفسجي والدرج بالنص وديكوره معجون بلون ليموني على بيج مطفي على شكل بلوكات صغيرة وغرفة الطعام مافيها ديكورات الا الشباك ركبت عليه شرايح خشتب ثابته وغرفة الجلوس باركية مع شباك ايضا خشبي وكلهم مفتوحين على بعض وفكرت بإيطار الجبس هل الونه او الابيض احلى ؟ وبعد رايكم عن افضل شركات البوية ؟ واي نوع الزيتي او الخيالي او العادي او اذا عندكم انواع افضل؟ واخيرا بوية البيت الخارجية مرتين اضرب بوية وللاسف ما يمر شهرين ثلاث الا اللون متغير وقالب خصوصا ايام المطر يمسك غبار مع المطر وحتى لما اغسلة يبقى الغبار عالق |
هلا بك بالنسبة للون الداخلي على وصفك لهذه العناصر والألوان فمن الصعب تحديد اللون إلا بعد مشاهدة المكان أعزمونا :) اللون الفاتح السادة هو الأفضل والألوان الديكورية موضة سرعان ما تزول نسمع ونشاهد كل يوم أسم جديد بالدهانات وفترة بسيطة ويتركونه الناس ويرجعون للسادة الدهان الخارجي أيش نوعه هل هو دهان عادي أو رشه أو بروفايل ؟ أتمنى تحديده بالتوفيق |
خلك في السادة اجمل وارقى واللون يكون فاتج يعطي البيت جمال
وسؤال للاستاذ الاخ ماجد ممكن تعطينا فكرة عن دهان dmc |
مشكوورييين جدا
البوية الخارجية نوعها رشه اممممم بما انه صعب تحديد الالوان الداخليه بسأل ايش رايكم احط بوية بلاستيك والا زيتية ؟ وهل نص لمعه او ربع لمعة؟ |
اهلا بك
الدهان البلاستيك افضل من الزيتي صحيا ومستقبلا عند الرغبة في التغيير يكون سهل وممكن الدهان عليه مباشرة وليس هناك فرق كبير بين الربع والنص لمعة وبالتوفيق |
بصراحه انا في فيلتي استخدمت الالوان الساده في معظم اجزاء البيت
الا في كم غرفه حطيت فيها اشكال مثل شامواه و روعه من الجزيره فقط بالنسبه لي في فيلتي : استخدمت اسود و ابيض و رمادي بدرجاته و بيج بدرجاته و مشمشي بدرجاته و برتقالي بدرجاته واخذت شريط الالوان من فرع مصنع الجزيره و قعدت اسبوع اتأمل لين و لله الحمد خلصت |
| الساعة الآن 12:23 AM. |
Powered by vBulletin® Version 3.8.4, Copyright ©2000 - 2025, Jelsoft Enterprises Ltd. TranZ By
Almuhajir
F.T.G.Y 3.0 BY: D-sAb.NeT © 2011
HêĽм √ 3.1 BY: ! ωαнαм ! © 2010