|
هل يمكن إزالة عتبة النافذة لتوسعة حجم النافذة
مرحباً
إخواني المهندسين أذا تكرمتوا ابي مساعده واجهة بيتي طالع فيها شباكين مب زي بعض واحد مترين ومقوس والثاني صغير مربع متر بس :( وطالع شكله في الواجهه غلط واحنا لسى في العظم مابعد تمت اللياسه. هل من حل لان كلمنا المقاول وقال مااقدر أغير فيها شي لان خلاص صبوا العتب ياليت اللي عنده حل يتفضل مشكورا ويساعدني وجزاكم الله خير يارب |
اهلا بك
من الصعب اعطأ الحلول دون الإستعانة بالصور ياليت يتم ارفاق صورة للواجهة وشكرا |
مرحباً
تسلم عالرد اخوي راكان الله يجزاك خير والله ما عندي صوره للشباك ولا رحت للبيت عشان اصور. بس زي ماقلت لك واحد مقوس والثاني عادي مربع كيف اقدر أغير الشباك من مربع الى مقوس وأزيد في مساحته لان البناء يقول خلاص صبينا العتب مافي مجال للتكسير وان شالله أحاول اروح للبيت في اقرب فرصه واصور الشباكين ربي يجزيك عني خير ويخلي لك أحبابك يارب |
اهلا بك
اولا البناء ليس له علاقة بالتعديل حيث ان اي تعديل في المبنى يكون من مهام المقاول ثانيا ممكن التعديل بحيث يتم إزالة العتب الخاص بالشباك المستطيل وعمله بشكل قوس ولكن يحتاج الى فورمة للقوس وكذلك لا بد من التكسير اعلى من مقاس العتب المستقيم خلاصة القول انه ممكن عمل التعديل وخصوصا انكم في مرحلة العظم وبالتوفيق |
مرحباً
هلابك اخوي مشكورعلى سرعة الرد طيب العتب لما نكسره مافي تأثير على البناء اللي فوقه قصدي البلك المبني لان البناء يقول اذا كسرنا العتب مافي شي يمسك البلك وراح يطيح :eek:مع ان الكلام ما أقنعني بس خفت وبعدين السقف صبيناه اللي فوق الشباك كيف نصب الفرمه لوكسرنااالعتب وكيف نركب فرمه وفي بلك فوق يعني كيف يمكن وضع الفرمه وصبها بالأسمنت والجدار اللي فوق الشباك قائم ياليت تشرحلي عشان اعرف اتفاهم مع المقاول وربي يجزاك خير اخوي |
مرحباً
وينك استاذ راكان و استاذ ماجد ياليت تردون علي ماابي اللح عليكم زياده بس المقاول بيسافر وأبي اخلص قبل يسافر ويترك الموضوع جزاكم الله خير يارب |
اهلا بك
يتم إزالة العتب العادي كذلك البلك الي فوق العتب يعني يكون المكان مفتوح من بداية الشباك الى السقف بعد ذلك يتم وضع الفرمة ( القوس الخشبي ) على حسب الإرتفاع المطلوب وعلى فكرة المقاول اكيد بيكون فاهم مثل هذه التعديلات لكن شكله غير متعاون امل ان تكون الفكرة واضحة وبالتوفيق |
اذا تبي التغيير للشكل اللي انت تبيه
عليك هدم الطابوق حق الجدار المراد تغييره ثم اضبط الشكل اللي تبيه اذا رفض المقاول : ما عليه دور لك عمال بناء لكن لا تنساها للمقاول في اخر الحساب فقط اهدم الجدار المراد تغييره و اكسر العتب و طلع الحديد و اضبطها صح وهي خساره بسيطه كم طابوق و صبة اسمنت للعتب و يومين وانت خالص |
هلا بكم جميعاً مثل ما تفضل الأساتذة الكرام الأمر سهل وميسر فقط يحتاج لشيء من التكسير وفقاً للمقاس اللي ترغبونه للنافذة بالمقاس الجديد عادة في مثل هذه الحالات يتم إزالة العتبة الخرسانية اللي تكون أعلى النافذة وأيضاً إزالة البلوك اللي فوقها إلى السقف طبعاً تكسير البلوك اللي فوق العتبة يكون بمقدار وعرض النافذة الجديدة بعد ذلك يتم تنفيذ العتبة الخرسانية وفقاً للشكل المطلوب مقوسة أو عادية وبعد صب الخرسانة لها يتم تكملة البناء أعلى العتبة بالتوفيق |
مرحباً
مشكورين مهندسينا الله يبارك في عملكم ويجزاكم خير يارب |
| الساعة الآن 11:17 PM. |
Powered by vBulletin® Version 3.8.4, Copyright ©2000 - 2025, Jelsoft Enterprises Ltd. TranZ By
Almuhajir
F.T.G.Y 3.0 BY: D-sAb.NeT © 2011
HêĽм √ 3.1 BY: ! ωαнαм ! © 2010