استفسارات عن المخطط والكهرباء والسباكة وبعض الاسئلة
 

السلام عليكم ورحمة الله وبركاته

بداية أشكر الاستاذ ماجد المحيميد على الكتاب الأكثر من رائع
http://img560.imageshack.us/img560/4...0322215149.jpg

قريت الاجزاء كاملة وأكيد بقراهم مرة ثانية وثالثه قبل البناء
استفدت كثييييييييير وتعلمت أشياء كثيرة جداً جداً ماكنت أعرفها
الله يجزاك خير ويجعلها في موازين حسناتك .

وأتمنى تعذروني لكثرة أسئلتي :( بس اللي أول مرة يبني والميزانية يالله يالله توصل لبداية التشطيبات
علشان كذا ودي يكون شغلي 100% وبدون أخطاء وبدون لاينضحك علي في اشياء تكلفني مبالغ اضافية سواء الحين أو بعدين

أنا الحمد لله الحين في بداية المخطط المعماري
وعندي بعض الأسئلة أتمنى تفيدوني فيها
1- بالنسبة للكهرباء والسباكة وش الأشياء اللي بيسألني عنها المكتب الهندسي علشان أختارها ؟
حسب مافهمت بالنسبة للسباكة أقوله يسوي النظام الأمريكي + مواسير التصريف تكون ثنتين لكل دورة مياة ومطبخ ؟ والكهرباء طيب ؟ ومثلاً تمديدات الدش والانترنت يسويها بعد المكتب الهندسي ؟

2- مخطط التكييف متى بالضبط أسويه علشان يأسس له السباك ؟

3- التكييف بخليه كامل سبلت ان شاء الله
بس المطبخ حسب ماقريت في الكتاب مايصلح له السبلت وش رايكم أركب شباك له ولا فيه أفضل ؟

4- الجدار الخارجي بيكون 20 سم معزول وكنت مقرر أخليه البلكه اللي بينها فلين كامل بس بعد ماقريت في الكتاب انها ممكن تتأثر وتنفك وتظهر التشققات على المدى البعيد صرفت النظر عنها
وحالياً محتار بين البلك الأحمر المعزول أو البلك الاسمنتي المعزول ؟
وش رايكم ؟ ووش الشركة اللي تنصحوني بها ومكانهم في الرياض ؟ (سؤال مهم جداااااااااااً)

5- الارض جبلية كم لازم أحفر ؟ وكم يكون طول الرقاب ؟

6- حفر الارض والدفان وتكاليف الشيولات والوايتات والرصاصة وغيرها من الأمور الخاصة بالدفان تكون على المقاول ولا على المالك اذا كان العقد مصنعية ؟؟
اعتقد على المالك بس وش الاشياء اللي تكون على المقاول ؟
يعني موب معقولة وقت الدفان مايحضر أو مايكون له أي شغله !

7- عقد المقاول والكهربائي والسباك من يكتبه المؤسسة التابع لها ولا أنا ؟
وتوقيع العقود لازم يكون بالمحكمة ؟

وأي نصائح عامة تنصحوني بها أكون شاكر لكم



واذا فيه اسئلة ثانية بكتبها في نفس الموضوع
والله يعطيكم العافية

يعطيك العافية أستاذ ماجد
والسبب إني كتبت استفسارات كثيرة في موضوع واحد
إن كل الأسئلة بسيطة ماتحتاج شرح طويل في الجواب

ماقصرت وبإنتظار البقية

للرفع
افيدوني جزاكم الله خير

وينكم :(

أ.ماجد ياليت تفيدني أنت الله يعطيك العافية مادري وين الأخوان !
أهم سؤالين
التكييف بخليه سبلت لكل المبنى ان شاء الله
بس المطبخ حسب ماقريت في الكتاب مايصلح له السبلت وش رايك وش أركب له
علشان هالشي لازم انبه المهندس بخصوصه اذا كان شباك علشان يكون له مكان مناسب لأن المطبخ بيكون في الارتداد

والسؤال الثاني بالنسبة للارض الجبلية
قريت لك رد هنا حتى لو الارض جبلية يكون الحفر متر ونص على أقل تقدير علشان تمديدات السباكة بعدين
ماودي الحفر يكلفني كثير وش رايك يكفي متر ؟
وملاحظ بعض الفلل مبنية بدون حفر لأن الارض جبلية
عيب الطريقة هذي بس علشان التمديدات ولا لها عيوب ثانية ؟