محتاجه فزعتكم لا عدمتكم في ألوان الدهانات للقبة فضلا
 

السلام عليكم ورحمة الله كيف أحوالكم جميعا بغيت فزعتكم معي الله يجزاكم خير في اختيار الوان دهانات القبب عندي .... عندي قبه صغيره في صالون صغير بجانب غرفة النوم والجبس فيها ناعم وبسيط وعندي قبه كبيره فوق الدرج والجبس فيها كثير وفيه تفاصيل " ترا مو نقش مغربي للمعلوميه" والدرج وسط البيت يعني القبه جايه مكشوفه لمعظم اجزاء البيت وبصراحه أنا محتاره في اختيار الوان الدهان خصوصا لقبة الدرج ما ابغى تكون زحمه وتكون ملونه بألوان كثيره تخرب جمال الجبس مع العلم اني أميل لألوان البيج واللؤلؤي بتدرجاتهم ولا بأس من ادخال الوان فاتحه معها فياليت تفيدوني بخبرتكم الله يجزاكم الجنه و والديكم ما هي أفضل الألوان وايش مسمياتها عند شركات الدهان وهل اختارها ساده أو بتقنيه معينه "إذا ممكن بالصور" أدري بتقولون طرار ويتشرط بس والله ما لي الا الله ثم أنتم الله لا يخليني منكم ويسخر لكم خلقه

اتوقع القبب ينفع معها حركات دهانات الجزيره

اتوقع الشمواه اذا جاء ع شكل مكعبات صغيررره بيج فاتح بيكووون روووعه

ايضا ارررشح ( خيال ) من دهانات الجزيره

وممكن حركه رهييييييبه يا ام عبدالله و جديده عند الجزيرررره

بس ماني معلمك فيها لين اشوووف ردك /// ع فكره هذه الدهانات مكلفه قليلا لكن ملفته للنظر

واقصد بها الشامواه روشن / خيال / و ايضا ابداع

أ/ ماجد مشكور وما قصرت بس تدري زادت حيرتي أكثر يوم جبت طاري اﻷثاث الله يعين ويسهل

البرنس بارك الله فيك ذكرت الروشن برا الاختيارات ﻷنه يجمع غبار وصعب التنظيف خاصه القبه وخيال مهوب قديم أما الشمواه لازم أشوفها عندك صوره لها - وشي الحركه اللي عند الجزيره لا هنت

وينك يا البرنس حمستني للحركه واحنا خلاص بنبدأ دهان القبه

هلا حياك ام عبدالله

ما شاء الله عليييك خبيررره بألوان الجزيره

ع العموم انا شفت عند الجزيره حركة الالوان المضيئة في الظلام

اتوقع القبه لو ينحط لها زخرفه من الالوان المضئه راح تكون حركة حلوه

معليش يمكن هذه الحركات ما تعجبكم لكن انا احب اجرب شي ما جربوه الناس

مشكور يالبرنس بس الدهان المضئ ما راح يمشي ﻷن الجبس فيه إضاءه مخفيه ما قصرت على تفاعلك

حياك الله وحاضرين لك ولغيرك باللي اعرفه او شفته

ممكن تستخدمي في القبة الوان مختلفة مثل البيح و الاوف وايت ولو يتم تطعيم ذلك بالزجاج الملون سيكون رائع