كرسي افرنجي بمقاس طويل
 

السلام عليكم ورحمة الله

أحتاج كرسي حمام افرنجي ولكن بمقاس خاص ( طول فتحة الجلوس ) ، الكراسي الافرنجي الموجودة بالسوق تقريباً مقاسين ثابتة ما لقيت غيرها في كل محلات ومعارض الأدوات الصحية الكبيرة في الرياض ( خالد بن الوليد + الدائري الشرقي + التخصصي ) وهي يا 30سم أو 36 سم.

أنا أحتاج كرسي أفرنجي تكون فتحة الجلوس فيه أطول من اللي موجود بالسوق ، يعني من 40سم وطالع.

فكرت ومالقيت إلا حلين ، الأول إني أفصّل تفصيل (هذا إن وجد) ، والثاني إني أحول الكرسي لعربي وأبني عليه ببلك وبلاط على شكل افرنجي وبالمقاس اللي أبيه.

من ينصحني أو يعلمني هل فيه المقاس اللي أبيه أو هل فيه تفصيل كراسي حمام افرنجي ولا لا ؟

هلا بك

أخي الكريم

مسألة تفصيل كرسي بمقاسات معينة فهذا شبه مستحيل وسيكون مكلف جداً
لأن الكرسي يتطلب تصنيع قالب من الحديد الفولاذ عادة فاعتقد من الصعب تنفيذ كرسي واحد بمقاس معين

أنصحك بزيارة الشركات الرائدة مثل النجران وهم وكلاء كوهلر
أيضاً محلات محمد الدوسري بالتخصصي
وأيضاً مجموعة الفدا بطريق الملك فهد

بالتوفيق

أشكرك على ردك

لم آت بفكرة التفصيل إلا من عجزي عن إيجاد المقاس المطلوب (40سم فأكثر) علماً بأني مريت المحلات اللي ذكرتها أنت ، ما خليت محل ما مريته وكل محل أمره أشرح له المطلوب ويقول لي ما أدري لكن مر المحل الفلاني و أمره وبرظه نفس الكلام

أشكرك على الرد أولاً

يبدو أني لم أوضح مقصدي جيداً فعذراً

أنا أتكلم عن الفتحة الداخلية للكرسي ( الفتحة التي يُجلَس عليها ) وكما ذكرت سابقاً الموجود في السوق الآن طول الفتحة في جميع الموديلات لا يتجاوز 31سم ونادراً تجد 36سم وأنا أبحث عن أكثر من 40سم


أشكرك مره أخرى

السلام عليكم ورحمة الله وبركاته
أخوي نايف فكرت في محلات الرخام اللي يسووون مغاسل ؟؟؟؟
اعتقد بتلقى الحل عندهم وإن تطلب الأمر أنك تروح مصانع الرخام
والله يوفقك وتحصل مطلبك ((( مع العزايم غنايم )))

وعليكم السلام ورحمة الله

لا والله ما فكرت ، بس ما أعتقد إنهم بيسوون لي كرسي حمام ، أحس لو طلبت منهم بيقعدون يضحكون علي

عموماً ما يمنع ، ان شا الله أبمرهم ولعل وعسى


أشكرك