|
استشاره قبل عمل المخطط
السلام عليكم ورحمة الله وبركاته
واشكر الجميع على حرصهم في توصيل المعلومات لنا واخص بالذكر المهندس ماجد المحيميد جزاه الله واياكم خير الجزاء. اخوتي الافاضل لدي بعض الاستفسارات اود ان تمدوني بخبراتكم من الله علي بشراء ارض مساحة 450 م2 / شمال الرياض النرجس 15 على الشارع و30 عمق والارض على شارعين 10شمالي 15جنوبي متظاهرات افكر بالبناء على مساحة 200 م2 تقريبا في الارضي مع ملحق خارجي 4*4 وحديقه خلفيه بطول 6 *15 مع بدروم . حيث يوجد غرفه كهرباء مشتركه بيني وبين الجار تقريبا2×2في ارضي . والان في صدد تجهيز المخطط لدورين وملحق على السطح وبدروم وملحق خارجي طبعا التفكير فيه برويه ومدة كافيه حتى يكون بقدر الامكان خالي من الاخطاء اولا/ كم الارتداد المشروط من البلديه انا علمت بانه مترين الى متر وسبعين , هل استطيع اضم جزء من الارتداد للفله مثلا لو تركت الارتداد متر ونص هل هذا مخالف ؟ وفي حال تم ذلك ماهو الاجراء المتبع من البلديه ثانياً/ هل استطيع الاستفاده من الارتدار المحاذي للمطبخ وضمه اليه وبكذا يصبح المطبخ ملاصق لجدار الجار لاني دخلت فلل كثيره مصلحين نفس الحركة اعرف انه مخالف ولكن كيف الطريقة في عملها ؟ ثالثا/ هل استطيع نقل غرفة الكهرباء ؟ علماً بأن الغرفه لم يتم بنائه ولم يصل الكهرباء للحي . رابعاً/ هل تنصحون تكبير الخزان والبياره اعزكم الله ؟ وكم المساحه الانسب لكل منهما؟ خامساً / لعمل درج نص دائري داخل الفله كم المساحه المطلوبه لغرفة الدرج من طول وارتفاع من الدور الارضي الى الاول ؟ سادساً / لعمل مصعد من البدروم الى الملحق اللي على السطح كم اقل مساحه اقدر اسوي فيها غرفة مصعد؟ |
يا اخي لو يسمحون بثلاث ادوار و بدروم كان حلت كثير من مشاكل الاسكان عندنا
الدور الارضي / استقبال الدور الاول / نوم و معيشه الدور الثاني / شقق للايجار السطح / ملحق شقه للايجار كذا يستفيد المواطن من ارضه للسكن و الاستثمار لكن ،،، الطاسه ضايعه |
اقتباس:
طالما انه المصعد استخدام عائلي 2x2 تكفي واذا عندك مساحه ممكن يكون 2.5x2 هذه المساحه مريحه في ناس بتسوي اقل منها بس بيكون ضيق |
اقتباس:
انا الفله عندي عباره بدروم - دور ارضي - دوراول - ملحق على السطح فقط |
اقتباس:
الله يعطيك العافيه على هذه المعلومات القيمه بخصوص المخطط انا احاول برسمه بالقلم وبعدها بنزله حتى تعطيني رأيك وأمل من الجميع عدم البخل علي من واقع خبرتكم وتجاربكم . |
امل اعطائي توجيهاتكم على مخطط الفله مساحة الارض 450م متظاهره جنوبي شمالي شارع 15 جنوبي 30شرقي جار 30 غربي جار شارع 10 شمالي غرفة الجلوس وغرفة النساء مرتفعه عن الصاله 15سم هل مساحة الدرج مناسبه ؟ http://www.llbf.com.sa/uploads/do.php?img=34990 |
ابو ريان اسعد الله اوقاتك المخطط حلو لكن يفتقد الي اللمسه الجمالية انا رفعت لك تصميم من تصميماتي اللي رسمتها سابقاً وشكل المبني فيه ابداع ولمسات جميله مع انه عرض المبني في التصميم 16 م تقريبا لكن استطيع تشكله بما يتناسب مع مساحة ارضك شوفه وتامله واعطيني رأيك مع خالص تحياتي http://www.llbf.com.sa/uploads/do.php?img=34991 |
اقتباس:
هلا خوي الفاضل اشكرك على ردك وتجاوبك . الغرف الدائريه تعطي جمال لكن تناسب المساحات الكبيره انا المساحه عندي لاتناسبها من ناحية العرض كذلك تضيع مساحه وانا ابي استغل المساحات بخصوص مخططك فيه جماليات ماشاء الله تبارك الله ملاحظاتي عليه مدخل النساء يفضل مايمر بدورة المياه تكون مثلا بجانب الصاله الدائريه كذالك سؤال اخوي ماهو البرنامج اللي عملت عليه المخطط ياليت تكرما لا امراً ترسل اسمه والرابط واكرر شكري |
هلا اخوي انا نفذت المخطط والفكره من وحي خيالي لكن هناك بعض الامور مفروضه من صاحبها كملاحظك بالنسبه لك هذا التصميم لن يكون طبق الاصل في مساحاتك لان المساحه اقل لكن سياخذ الشكل الجمالي وطبيعي سيتم استغلال المساحات لاعلي درجه لكن في حدود المسموح به وهو 60% من مساحة الارض وممكن بدل الدوائر شكل مضلع ثماني وحيكون فيه فراغات في الحوش لاستغلالها للحديقه او الدوانيه او الكراج ..الخ طبعا هي مجرد فكره جماليه سيتم تشكيلها حسب متلطباتك . البرنامج برنامج هندسي متخصص اسمه الاتوكاد وليس له رابط لانه برنامج يتم شراءه مع انه سعره غالي جدا لكن يوجد منه كوبي مفتوح تنزله علي جهازك بس يبغالك دوره للتعلم التعامل معه . |
| الساعة الآن 12:51 PM. |
Powered by vBulletin® Version 3.8.4, Copyright ©2000 - 2025, Jelsoft Enterprises Ltd. TranZ By
Almuhajir
F.T.G.Y 3.0 BY: D-sAb.NeT © 2011
HêĽм √ 3.1 BY: ! ωαнαм ! © 2010