|
حمامي-اكرمكم الله - وترويبة السيراميك
السلام عليكم ورحمة الله وبركاته:
في شقتي ترويبة سيراميك الحمام لونها وشكلها تعبان رديىء جدا مو عاجبني فأعطوني فكرة اقدر اغير فيها اللون مثلا 00 فكرة اني اغير السيراميك مستبعده نهائي 00 البعض قال لي افرشي مشمع 00مارأيكم في هذه الفكرة والبعض قال لي اصبغي اولوني الترويبة بدهان اوالوان سيراميك اعطوني الحلول ؟جزاكم الله خير |
الموضوع سهل جدا ..بس يبيله واحد رآآآآيق على حسب السيراميك ومساحة الحمام .. اذا تقصدين ارضية الحمام ... الموضوع سهل ... الجدران اتوقع أصعب شوي من الارضيات .. ولكن بوجه عااام ... العمل سهل وتقدرين تسوينه بنفسك اول شئ .. اختاري لون الترويبه .. تجي في اكياس عند محلات المواد الصحيه ثاني شئ فيه شئ مثل "السكروب" تستخدم اتوقع لحك الترويبه القديمة...يمكن سعرها تحت 10 ريال ثالث شئ شوي ترويبه مع شوي ماء .. وتخلط جيدا ..كانك تسوين عجينه كيكه ..الله يعز النعمه رابع شئ تعرفين "القمع" اللي يزيينون فيه الكيك ... اذا فيه عندك واحد قديم أو سوي زي كذا http://www.almlf.com/get-1-2011-almlf_com_x9i4weaw.jpg عبيه ترويبه .. وروقي على الخطوط وعبي الفراغات بين السيراميك ولاتخافين من الزوائد تقدرين تمسحينها لانها ماتلصق على السيراميك http://www.almlf.com/get-1-2011-almlf_com_t3ollcyv.jpg . . . وبالهناء والشفاء ..هههههههه فيه حل ثاني اللي هو "صبغ السيراميك" وفيه اصباغ خاصه لتغيير لون السيراميك. . . . هذا اللي قدرت عليه والله يوفقك ويسهل عليك أهم شئ لاتنسين الاذكار قبل دخول الحمام .. العمل يبيله وقت .. وتنظيف بعد كل خطوه حددي وقت مناسب للعمل ... يعني وقت يكون الصباح مثلا والعالم في المدارس واشغالهم أو يوم خميس ... لون الترويبه ... نااااااااااااااااادراً اذا جف ماراح يكون نفس اللون اللي في بالك ..هو كذا يعني اختاري لون قريب للسيراميك ...وفاتح شوي لانه بيصير غاامق بعدين . . . وسلامتك |
أهلا بكم جميعا
محمد الجبران .... بارك الله فيك بالفعل الأمر سهل ولكن ماسهل الأمر أكثر هو شرحك بالصور بقي أن لون الترويبة..هذه لها دور كبير في ابراز جمال لون السيراميك خاصة النوع المعتق منه لابد أن يكون هناك تباين بين لون السيراميك ولون الترويبة أديــــم |
ام رنيم السلام عليكم ورحمة الله وبركاته تمشياً مع سياسة الموقع فسيتم نقل الموضوع إلى منتدى الاستشارات الهندسية المخصص لتلقي كافة الاستشارات والاستفسارات الخاصة بالبناء والتشييد |
هلا بك كما تفضل الأستاذ محمد أفضل الطرق لعلاج مشاكل الترويبة هو إزالة الترويبة القديمة وإعادة تنفيذها من جديد يتم إزالة الترويبة القديمة بعد ذلك توضع ترويبة جديدة من النوعية الجيدة واللون المناسب نشاهد بكثرة تناسب اللون الرمادي مع معظم ألوان البلاط وخاصة عندما نشاهد الاستاندات الدعائية للبلاط في المعارض حيث أن هذه الاستاندات تأتي من البلد المصنع للبلاط أيطاليا، أسبانيا فلو تأملنا هذه العينات المرسلة من قبلهم لوجدنا أن الترويبة الرمادية هي الأكثر حظاً مهما اختلف لون البلاط ويمكن لك القيام بهذه العملية بنفسك مع أنها تتطلب جهد كبير خاصة في عملية إزالة الترويبة القديمة بالتوفيق للجميع |
محمد الجبران : جزاك الله خير 000ماتعرف قد ايش شايله هم الترويبة 000وكلامك سهل لي المهمة 00الله يسهل لك دخول الجنة يارب
اديم :جزاك الله خير ادارة الموقع :خذو راحتكم 00والمعذرة لاني جديدة على الموقع وماكنت اعرف عن قسم الاستشارات جزاكم الله خير وبارك الله في جهودكم ماجد المحيميد: معلومات مهمة جزاك الله خير 00وفعلا لون التريبة عندي رصاصي بس احس انها مو ماشيه مع السيراميك مع ان السيراميك لونه رصاصي بس درجته فرق كبير بينها وبين الترويبة يعني لو كان لون الترويبة ابيض اكيد شكلها راح يكون احلى وعندي سؤال كيف يتم ازالة الترويبة القديمة ؟غير الطريقة اللي قالها الاخ محمد ؟انا سمعت عن سائل يذيب الجبس ويتم المسح هل ينفع استخدمه لازالة الترويبة القديمة |
فيه حل سهل
تغيير الشقة كلهاا هههههههههههههههههههههه |
| الساعة الآن 02:44 AM. |
Powered by vBulletin® Version 3.8.4, Copyright ©2000 - 2025, Jelsoft Enterprises Ltd. TranZ By
Almuhajir
F.T.G.Y 3.0 BY: D-sAb.NeT © 2011
HêĽм √ 3.1 BY: ! ωαнαм ! © 2010