استفسارات عن عزل دورة المياة
 

السلام عليكم ورحمة الله وبركاته

عندي كم استفسار سريع أتمنى تفيدوني فيهم
بالنسبة لعزل دورات المياة بالدهان وش اسم الدهان ؟ واذا امكن صورة له
والدهان يوضع قبل تركيب بلاط الجدران ولا بعد ؟

السباك ركب ووصل ماصورة التصريف + ماصورة الصفاية مع صبة السقف والهبوط موجود بس موب في كل دورة المياة فيه دورة مياة كبيرة شوي الهبوط موجود في الوسط بس
وش خطوات تنفيذ العزل لها
يركب بلاط الجدران وبعدها يصبغ بالدهان وبعدها يمدد المواصير الثانية مثل المغسلة ومواصير الاسبلت وبعدها دفان وبلاط ؟ ولا خطأ ؟

وعندي مطبخ مافيه هبوط ومأسس ماصورة الصفاية مع صبة الهوردي
يحتاج عزل ولا لا ؟


وعندي سؤال عن الكورنيش للسور وللسترة
يركب بالجبس أفضل ؟
يعني أخلي المقاول يحط كورنيش ساده واذا بغيت أسوي شكل بالجبس ولا وش رايكم ؟

وفتحة البيارة تكرمون لو بغيت ألغيها كيف ؟ ومن مسؤولية المقاول ولا المبلط ؟


ويعطيكم العافية

بالنسبه لي: بلطت جدران الحمامات الدور الاول والبوفيه ثم يجي العزل ينظف الارضيه ثم يضع العزل ثم يجي السباك يمدد مواصير المكيفات 50 سم من الصفايه للحمام ويمدد مواصير المغاسل والشاور للصفايه ثم يجي العزل يشيك بعده اذا مافيه خلل ثم ياتي دور دفان ثم خلطه وبلاط

انا شركة ابصار بتعزل الارضيات بنظام ثورو الاسمنتي مادري هو افضل من دهان الفولكم الامريكي الي انت تسال عنه او لا بس المهندس من الشركه قال من افضل الطرق لعزل الحمامات تكرمون

صورة لدهان فولكم
Vulkem
الديكورات للسور والوارش لو تخلي المقاول يركبها الان أفضل مشكلة الجي ار سي مواعيدهم طويلة والجودة غير مضمونة والأسعار غالية

يعطيكم العافية ماقصرتوا وبإنتظار الاجابة على بقية الأستفسارات