كم طبقه للعزل المائي تكفي؟
 

هلا بك

أخي الكريم

ديرمابت من الأسماء ذات الحضور الجيد بالسوق

و فيما يخص العازل المائي للأسطح فيكون طبقة واحدة 4 ملم مع ضرورة إجراء الاختبار بعد الانتهاء من جميع التمديدات الخاصة بالسباكة وذلك بتعبئة السطح بالماء لمدة لا تقل عن 48 ساعة والتأكد من عدم وجود أي تسرب للمياه لا قدر الله

وفي حال وجود تسربات فعلى الجهة القائمة بأعمال العزل مراجعة أعمالها وإصلاح الجزء المتأثر وإعادة الاختبار مرة ثانية

بالتوفيق

طبقه يارجال تكفي وزود وش فيهم العالم يبغون طبقتين شفت اكثر من موضوع

مثل ماقال المهندس ماجد طبقه رول ثم عزل حراري فلين ثم طبقة حمايه وادفن وبلط علا طول وافلح
وبالتوفيق

أبو عزوز ممكن شرح للطبقات الي تفضل فيها بالتفصيل وبالترتيب بارك الله فيك

انا تعاقدت مع ابصار وحسب ترتيب شغلهم الاتي/
صبه رغويه مع ميول للصفايات، ثم تركها يومين تجف،
رولات عزل مائي ديرمابت توضع فوق الصبه الرغويه،
اختبار العزل المايي 47 ساعه،
عزل طبقتين حراري فلين بولسترين لونه اظن اخضر فاتح قوي،
وضع قماش حمايه فوق الفلين اظن انه فاصل له عن البلاط والرمل،
ثم تبدا تبلط،
بعد البلاط يضعون المنيوم بشكل طولي علا ستره السطح يثبت الرولات عشان ما تنخلع من العوامل الجويه، ثم يضعون ماده مثبته علا الالمنيوم لزيادة تثبيته،


هذا باختصار الي سويه وخلصت منه ولله الحمد

اضيف للرد االسابق ان تنظف السطح من اي مخلفات بناء قبل الصبه الرغويه وغسيله اذا تقدر او تكتفي ب كنسه، ثم تتأكد ان ارتفاع مدخل السطح ٣٠ سم عالاقل وايضا ارتفاع مواصير المكيفات والصفايات اقل شي ٧٠ سم ، ثم المؤسسه الي بتعزل لك بيلفون حول المواصير رولات وتتلحم، واذا عندك مواصير مكيفات مثلاً ماتحتاجها سكرها وصب عليها سمنت

ماقصرت يابو عزوز جعلك الجنة

هل التعاقد معهم بالمتر وبكم ؟

حياك ،
حسبه بالمتر كل شي ، اظن متر طبقةالرغوه 8 ريال، الرولات متر مربع 19، متر طولي 12 ريال ، تلبيسة مواسير 25 ريال للوحده، الفلين 28 ريال للمتر المربع، نسيج الحمايه 4 ريال للمتر المربع، المنيوم طولي 14 ريال للمتر،

احسبها انت كذا وشف ميزانيتك

اشكر الجميع على حسن التعاون