|
استفسار عن المطابخ
السلام عليكم
ودي استفسر منكم واخذ برأيكم في المطابخ الايطاليه التابعه لشركة المدى في مخرج 9 ايش رايكم في شغلهم واسعارهم والعامل يقول انه التفصيل يستغرق 3شهور فهل هذا معقول ،،ودي افصل عنهم مطابخهم انيقه صراحه بس متخوفه منهم ارجوا منكم الافاده جزاكم الله خير |
٣ شهور ؟؟؟؟؟
ليه يفصلون دبابه مهو مطبخ اكررره مثل هالنوعيه من المؤسسات اللي يهايط بالمده عطينا سعر المتر ابو ثلاث شهور ؟؟؟؟؟ |
هههههههههههههههههههههههههههههههههههههههههه
ثلاث شهور وين حنا انتبهي منهم ذولي روحي شارع الأمير سلمان حي الصناعيه كله مطابخ توني مفصل مطبخ قالي راعي المحل 15 يوم ماجت 10 ايام الا قالو جاهز المطبخ جو وركبوه بالتوفيق |
الله بالخيـــر
هقاوي أي محل بالضبط ؟؟؟ وش اسمه وموقعه .. وكم أسعااااره ؟؟؟ وهل فيه حركات في الدروج ؟؟ الله يوفقك ويسعدك ويتمم لك على خيـــر ... |
هلا بكم جميعا
الاسعار بالكباين مو بالمتر ،،سعر الكبينه من 2500 الى 3000 يقول العامل عشان التفصيل في ايطاليا تأخذ وقت طيب شركة طنه المتحده فيه احد عنده خلفيه عنها كمان مطابخهم حلووه |
اكثر عمليه نصب تصير في المطابخ والامنيوم للاسف
يقول تصلح في ايطاليا وانا اجزم انها في الصناعيه تصلح عموما الغش وارد في كل شي والمطابخ اكثرهم الا من رحم ربي بصراحه احترنا ماعاد ندري وش نسوي الله المستعان بس |
إذا ميزانتيك تسمح لا تتعدين كافكو في التخصصي ...
|
هذي المواعيد عاديه عند محلات المطابخ المعروفه. انا فصلت احد المطابخ عندي بمده 5 شهور عند المطابخ الامريكيه. ومطبخ كبير بمده توازيها عند كافكو اما المطبخ الديرتي فأخذ ثمانيه شهور من عند ابيات |
[QUOTE=dossarya;207444]
هذي المواعيد عاديه عند محلات المطابخ المعروفه. انا فصلت احد المطابخ عندي بمده 5 شهور عند المطابخ الامريكيه. ومطبخ كبير بمده توازيها عند كافكو اما المطبخ الديرتي فأخذ ثمانيه شهور من عند ابيات [/مساللخير يادوسريه انتي المشرفه في شبكة المهندسين اتوقع ابغا اعرف جودة مطبخ ابيات وكم سعر المتر وهل يستاهل ، وايكيا؟ والعليان؟ واش المطبخ الديرتي وشكرا |
| الساعة الآن 03:52 PM. |
Powered by vBulletin® Version 3.8.4, Copyright ©2000 - 2025, Jelsoft Enterprises Ltd. TranZ By
Almuhajir
F.T.G.Y 3.0 BY: D-sAb.NeT © 2011
HêĽм √ 3.1 BY: ! ωαнαм ! © 2010