|
إستفسار مهم عن بلاط الحوش
السلام عليكم ورحمة الله وبركاته حبيت أسأل إخواني عن بلاط الحوش سيراميك من الخزف السعودي قبل مانبدا فيه 1 / هل ينقع السيراميك بالماء ؟ 2 / اي انواع الاسمنت افضل للسيراميك ؟ ارجو من عنده علم يفيدنا وجزاكم الله الف خير ... |
السلام عليكم
بالنسبة لبلاط الحوش يجب الحرص على السماكة بحيث لايقل عن ١ سم حتى يتحمل السيارة وعليكم بالبورسلان افضل واقوى من السيراميك وان امكن اختيار مقاس ٣٠ * ٣٠ سم وبالنسبة للاسمنت الي اعرفه البحريني افضل |
بلاط الاحواش فيه افضل من الخزف السعودي / جودة و شكل ولون
ع العموم كل واحد حر ،،، لكن ما يمنع انكم تشوفوا وش الموجود بالسوق و بلاط الحوش اهم حاجه فيه ( الميلان ) اتجاه الماء للشارع و ما يحتاج الا للاسمنت و حنا نستخدم الاسمنت السعودي بكافة شركاته |
جزاكم الله الف خير اللي تفضلو وردوا علي واحنا المساحات بالحوش كبيره تقريبا 700 متر علشان كذا اخترنا الخزف السعودي
لان الاسباني راح يكلفنا كثيير والله يستر انا خايفه يتغير لونه بعد التركيب :( |
انصح بسيراميك الاحواش ( المنار )
الوان كثيره و متين ب ٢٦ ريال وانت طالع وفيه اسبااااني خقق لكن يبيله دراهم واجد |
الخزف السعودي ركبه زميل لنا وطلع فيه اختلاف في اللون قبل التركيب احرص على ان يكون الشد واحد اي الطبليه واحده من نفس المنتج
|
رخام للحوش
مارايكم في الرخام للحوش
وجدته عند الجرمان يقول انه مخصص للاحواش وسعره ب43 ريال [IMG]http://www.llbf.com.sa/uploads/uploa...3592175211.jpg[/IMG] |
اهلا بالجميع
اهم شي في بلاط الحوش اتقان مراحل التنفيذ من اختيار الدفان والتسوية والدك الجيد وصبة النظافة وتامينها خصوصا مواقف السيارات كذلك مراعاة تنفيذ فواصل التمدد |
السلام عليكم ..
بالنسبة للسيراميك اكيد يوضع في الماء ويثبت بالاسمنت الاسود .. فيه بورسلان قص ليزر ممتاز وسعره معقول بعد الخصم يكون ب 36 ريال شبيه بارضيات كارفور وبنده وفيه منه الوان على بني او رصاصي او بيج موجود في محل بطريق الامام مخرج 9 . |
لو سمحت اخوي البرنس وين يوجد محل المنار
|
هلا بكم جميعاً بلاط الخزف السعودي المخصص للأحواش يعتبر من النوعيات الجيدة المخصصة للأحواش مقارنة بسعره المعقول جداً وأيضاً بلاط مصنع الفنار أيضاً ممتاز للأحواش وسعره معقول هذه المنتجات جميعها سيراميك ويتم تركيبها باستخدام الخلطة الإسمنتية ونحرص على اقتناء النخب الأول اللي يكون المنتج فيه خالي من العيوب سواءً باللون أو المقاس للأسف بعض المعارض التجارية تسوق النخب الثاني على أنه نخب أول وحيث أن معارض الخزف السعودي منتشرة في جميع المدن فأنصح بالشراء منهم مباشرة أيضاً شركة الفنار للسيراميك مقرهم بشارع التخصصي بجوار مستشفى سليمان الحبيب الجديد الواقع بالتخصصي جنوب بعد طريق الملك عبدالله مباشرة في بلاط الحوش يجب الحرص على تنفيذ فواصل التمدد وهذا في غاية الأهمية فواصل التمدد توضع بعرض 2 سم كل 4 إلى 5 متر بشكل طولي وعرضي وهذا بإذن الله يحد من تخلع البلاط بسبب الحرارة وخلافها عند التمدد بالتوفيق |
| الساعة الآن 11:25 AM. |
Powered by vBulletin® Version 3.8.4, Copyright ©2000 - 2025, Jelsoft Enterprises Ltd. TranZ By
Almuhajir
F.T.G.Y 3.0 BY: D-sAb.NeT © 2011
HêĽм √ 3.1 BY: ! ωαнαм ! © 2010