|
مرحلة البويات بين الشركات وعمالة الشوارع
السلام عليكم ورحمة الله وبركاته
حاليا ابحث عن الافضل بالسعر والتنفيذ بين الشركات دهانات الجزيره او جوتن وتنفيذهم للعمل بعمالتهم الخاصه او اقوم بتوريد المواد بنفسي واخذ عماله من السوق واغلبهم يقول انا الزين عندي طبعا الشركات اغلى وبعد التسعيرات لقيت فيه فرق بالسعر تقريبا من خمسة الالاف الى 7 الالاف بين الطريقتين السوال الان هل الفرق بالسعر لصالح الشركات يعطيني نتيجه وعمل احترافي يستاهل فرق المبلغ ام كلاهما متشابهين ؟؟ ارجوا النصيحه وخصوصا اهل التجربه |
تبي الشغل النظيف ؟ عليك المواد وتجيب دهان صح وتتابعه ... وما تجيب له كل الطلبات مره وحده .... يعني اللي يكفيه يومه ويكون فيه متابعه ....
لانك ما راح تبخل بالمواد على بيتك بينما هو راح يبخل .... من وين تجيب الدهان ؟ تسأل اصدقائك وربعك عن دهان كويس .. واذا ما لقيت تلف عالمحلات وتشوف وين الدهانين الكويسين ، واذا قالك واحد انا كويس خله يوريك شغله وتشوفه بعيونك .... اذا عجبك اتفق على الله و اتفق معه ... اذا جبت المواد بيكون ارخص عليك على فكره ... اما تسعيرة الدهان فتتق معه على .... أبواب الخشب - لها تسعيره أبواب الحديد - لها تسعيره الجبس والجبس بورد - لها تسعيره الجدران الداخلية لها تسعيره الجدران الخارجية لها تسعيره الدرابزين لها تسيره شبك الحرامي له تسعيره حتى نوعية الدهان لها تسعيره |
شكرا على نصيحتك عموما كل اللي ذكرته بيجي من المصنع مدهوون جااهز انا اتكلم فقط عن الجدران خارجي وداخلي
عموما اتوقع نصيحتك افضل لاني بحثت وقارنت ولقيت انه فيه فرق بالسعر على لا شي ان شاء الله قريبا بتفق مع واحد فقط شغل يد والمواد بجيبها انا |
الافضل عمالة بالشوارع عن تجربة
وش قالولك شركة بن لادن او سعودي أوجيه ! هي تسمي نفسها شركات وهي عادية عندها عمالة وسعرهم نار ومبالغ فيه على ايش الافضل جيب الدهانات وشفلك عمالة بالقطوعة واحسن من المسماة شركات |
جوتن اذا البويه ساده اما التعتيق خذ الجزيره
وطبعا المواد عليك افضل من جميع النواحي وشوف العماله الموجودين بالعماير واتفق معهم |
هلا بكم جميعاً
لا شك بأن إحضار مقاول دهانات "شغل يد" والمالك يتولى إحضار المواد فهذا هو الأفضل مادياً للمالك وفيه شيء من التخفيض إلا أنه من الصعب أو النادر جداً أن تجد دهان محترف وعمله نظيف يقبل بهذه الطريقة وعادة من يقومون بالتنفيذ شغل يد هم مقاولين محدودين وربما مبتدئين وهذا لا يعني بأن كل من ينفذ بالمواد أن شغله جيد وهو الأفضل إعطاء العمل بالمواد للجهات المعروفة من خلال تجربة بالفعل فيه فرق مادي بيكون أعلى من الطريقة الأولى طبعاً الفرق لصالح المنفذ لكن عادة الجهات المعروفة تحرص على التنفيذ الجيد واستخدام المواد الجيدة واتباع آلية بالتنفيذ يصعب على المقاولين العاديين اتباعها ما أحذر منه من تجارب تجنبوا المقاولين الواقعين بالوسط بين الجهات المعروفة وبين المنفذين العاديين فمن يقع بالوسط عادة شغله عادي ولا يرتقي للمقبول وتكلفته أعلى باختصار الدهانات من اللمسات النهائية وهي المرآة الحقيقية لجودة العمل و نظافته وكلنا حريصين بأن لا ندفع أي مبلغ ليس في مكانه الصحيح بالتوفيق |
| الساعة الآن 12:20 AM. |
Powered by vBulletin® Version 3.8.4, Copyright ©2000 - 2025, Jelsoft Enterprises Ltd. TranZ By
Almuhajir
F.T.G.Y 3.0 BY: D-sAb.NeT © 2011
HêĽм √ 3.1 BY: ! ωαнαм ! © 2010