مولد كهرباء للمنزل
 

السلام عليكم ورحمة الله ،،

انا اعمر في منطقة ما فيها كهرباء حتى الآن ، وفكرت في وضع مولد كهرباء علشان استطيع اسكن ، لكن ما القدرة المطلوبة للمولد لتشغيل دور كامل ( يعني راح يكون شغال مكيفين سبيلت وثلاجة وبرادة وسخانين وتلفزيون وحاسب آلي والإنارة العادية) ، وحسب علمي لازم يكون مولدين ، كل واحد يشتغل 12 ساعة ، وكم تكون تكلفة المولد الواحد التقريبية ؟
وشكرا،،

الأخ العزيز فوزان ..

سأدلو بدلوي المتواضع لقلة خبرتي في هذه الأمور ...

المولد الكافي لتشغيل بيت سيكون كبير الحجم أتوقع .. ستحتاج لوضعه في الغالب في الكراج او الحوش ..مكان قريب من خط الكهرباء الرئيسي الموصل للبيت كاملا .. الضوضاء الناتجة عنه لن تكون هينة ! .. ناهيك عن الشكل في البيت ..

طيب .. لنفترض انك راح تتغاضى عن هالأمور وماراح تهمك كثير ... نأتي للأهم .. المولد يحتاج بنزين او ديزل .. لازم تشحنه كل فترة .. أعرف راح تقوم بالعملية شركة او محل راح تتفق معاه .. ولكن تبقى مسألة انك تتابعه وتشوف متى بيخلص ومتى راح يجي الديزل ..وصل والا ماوصل .. وعدك وماجه ..كنت مسافر او مشغول والأهل لحالهم خلص عليهم الديزل ومامعاهم حد .. الخ .. انت شوف عشان تغيير اسطوانة غاز .. واللي هي ماتخلص الا مرة في الشهر مثلا كمتوسط .. واحنا نتكاسل نتصل نطلب .. ولما نتصل مايجوك نفس الوقت ...

وناهيك عن ذلك كله .. التكلفة المادية لهالعملية .. ليست لدي أرقام حقيقية .. ولكن يجدر بك التفكير في هذا الجانب المهم أيضا .. آخذا في الاعتبار طول المدة اللي راح تظل فيها على هالوضع ..

باختصار .. ضوضاء .. شكل .. هم المتابعة المستمرة وعناء الشحن .. وفوق ذلك كله .. الكلفة المادية .. لاحظ انه ليست لديك فكرة كم راح يطول هالوضع .. يعني ماتتكلم عن فترة مؤقتة أيام او أسابيع .. في الغالب امور توصيل التيار دائما تطول ..

أنا ادري انك مافكرت بهالخيار .. الا بعد ماطفشت من الوضع .. والله يعينك الصراحة .. ولكن ايضا فكر في هذه الأمور الأخرى قبل ان تقرر .. أدرس واسأل عن موضوع حجم المولد .. الصوت .. الحاجة الى الشحن..والكلفة المادية .. والله يوفقك ..

- تحياتي -

الأخ بوتيم
السلام عليكم

بالنسبة لموضوع الصوت والإزعاج للمولد فهناك مولدات كاتمه للصوت ، اما من ناحية التكلفة المادية فأنا ارى أن استخدم مولد كهربائي واسكن في منزلي أفضل من أن استأجر دور في الرياض ممكن يكلفني 25 أو 30 ألف ريال سنوياً . وحتى اقلل التكلفة فأنا انوي تشغيل دور واحد فقط وترك الدور العلوي والشقة اللي في السطح حتى وصول الكهرباء من شركة الكهرباء ، مشكلتي عدم معرفتي بحجم المولد المطلوب وسعره وأفضل الأنواع . انا معك أن الشغله صعبه ومكلفه وتبي متابعة لكن الحل الآخر مكلف اكثر ، هذا غير موضوع عدم الإستقرار ، يعني كل يوم جايك صاحب العقار يقول لك برفع الآجار أو ولدي بيتزوج وابيك تطلع من البيت .
وتقبل تحياتي ،،

اخي الكريم فوزان ...

ربي ييسر أمورك ويفتحها عليكم ويوفقكم لما فيه الخير والصلاح ...