ساعدوني في بناء المخطط
 

السلام عليكم ورحمة الله وبركاته

لو سمحتم ساعدوني في بناء مخطط بيت العمر
وقبل كل شي أنا ماعندي أي خبرة في البناء وحالياً قاعد أقرأ والحمد لله استفدت من بعض المنتديات وإن شاء الله بشتري كتاب المهندس ماجد المحيميد قريب بعد المدح الكثير اللي سمعته عن الكتاب

المهم
البيت في مدينة عند الرياض
والارض ماشريتها للحين بس بإذن الله البناء بيكون بعد رمضان .
والارض مساحته بتكون تقريباً 600 أو أكثر بشي بسيط
والعائلة 4 أفراد والضيوف ناااااادر مرة أو مرتين بالسنة .
المخطط اللي في راسي :
دورين بدرج منفصل (الدور العلوي مهم ماراح يكون للمستاجر)
+ ملحق خارجي وغرفة بحمام في السطح .
الدور السفلي مجلس رجال ومقلط وصالة كبيرة ومطبخ ومستودع صغير وثلاث غرفة نوم (غرفة رئيسية وغرفة ثانية والغرفة الثالثة محتار فيها وأبي رايكم ودي تكون غرفة فيها طاولة بلياردو وبنفس الوقت فيها تلفزيون كبير بمسرح منزلي وسرير نفر ومكتبة صغيرة ! مادري صراحة كيف تجي بتصير كبيرة بزود ياليت تساعدوني بتصميم مناسب لها)
والحمامات أشوف ثلاث مناسب .
وبس مايحتاج مجلس نساء وحتى المقلط ودي ألغيه
والدور الأول مادري كيف بيكون تصميمة بس أبيه يكون تقريباً مثل فكرة الدور الأول وبدون غرفة الالعاب .


ووش رايكم أبني تصميم كلاسيك ولا موديرن ؟ >> ترا ماعرف الفرق بينهم مرة :p
إذا عندكم نماذج أو مواقع تعرض تصاميم بيوت موديرن بالسعودية أكون شاكر لكم


والله يجزاكم خير
وبإنتظار آرائكم :)

بإنتظاركم
وبالنسبة لمساحة الارض ترا عادي لو كان 500 أو 550

واعتقد صعبة تقترحون تصميم بدون لاتعرفون طول وعرض الارض
بس ودي بس بداية فكرة للتصميم أبدأ بها