|
رأيكم يا سادة بهذا المخطط
1 مرفق
السلام عليكم سنبدأ ببناء بيتنا بإذن الله اولاً دور واحد واذا تحسنت الأوضاع نكمل الثاني نريدها دورين متماثلين ومساحة الارض 30 في 30 وقد اعجبني هذا المخطط واحببت استشارتكم فيه وشكرا مقدما لمن يهتم لموضوعي |
غدير حبيبتي المساحه عندك كبيره ماشاء الله لكن المخطط مااضاف لها بالعكس صغرها
البيت صاركله ممرات وموزعات والصالات مغلقه الغي الموزعات واستفيدي من الارتدادات ووسعي الغرف وخلي المستودع خلف المطبخ من جهة الحوش حتى يتوسع المطبخ والغي جدران الصالات حتى يكون البيت شرح ومريح للنظر نصيحتي لا تستعجلين وشوفي مخططات غيره الله يسهل امركم |
1 مرفق
الف شكر يا الغالية على اهتمامك ونصيحتك واتمنى لوتعطيني رأيك بهذ المخطط |
غدير تراني ماني ذيك الخبره بالمخططات
بالرغم ان الاطوال غير موجوده لكن المخطط الاخير عجبني مره ومرافقه متكامله ماعدا المستودع مش موجود احس غرف النوم صارت معزوله لكن بعض الناس يفضل كذا ان شاء الله يفيدونك الخبراء موفقه |
http://www.llbf.com.sa/uploads/uploa...3574328811.gif
المخطط الثاني حلو وعزل الغرف عن باقي البيت بباب افضل حتى لو جاكم ضيوف يسكرهالباب وخلاص ماحد يكشفه وكانه دور ثاني اما بالنسبه للمجلس حق الرجال وش رايك لو تعكسين المجلس مع الدوره اعزك الله وتفتحون باب من تحت الدرج عشان مايكون المقل ممر للرجال وتقدرون تسكرونه لوقت حاجته وبكذا تحفظون عليه وبعكس الدوره والمغاسل مع المجلس ماتكون الصالة مكشوفه للرجال اذا حبوا يروحون للمغاسل وسويت لك مخزن ويكون بابه على نفس الجدار الي عليه باب المطبخ حتى ماتضيع مساحة من المطبخ وان شاء الله يعجبك |
لولو ... انا بعد اعجبني المخطط الثاني اكثر وفعلا المستودع ضرووووري بالنسبة لي
الف الف شكر يا غاليةا |
اختي احلام وردية .. شكر بلا حدود لجهدك والمستودع كنت ناوية فعلا اعدل على المخطط واحطه بنفس المكان اللي اقترحتيه وبالنسبة لدورات المياه راح اعدلها حسب اقتراحك لانه منطقي .. بس مافهمت تعديلك على جلسة الرجال الخارجية قصدك اصغر مساحتها ..؟
|
حيااااك الباري اختي غدير اسأل الله أن يكتب لنا ولكم الخير وأن يكون منزلكم من منازل السعادة والعون على طاعته بعيداً عن المخطط .. لدي رأي في الإستفادة من الأرض .. الأرض ما شاء الله واسعة وأطوالها رائعة .. أقتراحي أنكم تقسمون الأرض إلى قسمين وتكون كل قطعة بصك مستقل.. طول القطعة الواحدةعلى الشارع 15م بعمق 30 م وتكون مساحتها الإجمالية 450م تبنون الأولى فلة دورين .. الدور الاول : استقبال .. والدور الثاني : غرف النوم وفي نظري أن التقسيم هذا أفضل من كون الدور الواحد يجتمع فيه الاستقبال وغرف النوم وهناك فائدة أخرى للقسمة .. الارض الثانية ممكن الاستفادة منها بعدة أمور .. الاول بيعها مباشرة والاستفادة من ثمنها ببناء القطعة الاولى الثاني ادخارها للأولاد بحيث يكونون قريبين منكم مستقبلا أو بيعها مستقبلا اذا بدا لكم أن بيعها أفضل .. علما أني وقفت على فلة مساحتها ٣٩٠ م ١٥م على الشارع ٢٦م عمق الدور الارضي استقبال مجلس ومقلط وصالة وغرفة نساء ومطبخ ودورتين مياة مع ملحق خارجي والدور الثاني 4 غرف ممتازة مع دوراة مياة في كل غرفة ، وصالة ، وغرفة رئيسية كبيرة وغرفتين في السطح مع دوراة مياة في كل غرفة وايضا غرفة خادمة وغسيل .. وفيها مصعد .. يخدم كل الأدوار هذا مجرد رأي .. اسأل الله أن يكتب لكم الخير .. |
انا مع الاخ ابوتميم وليس شرط بيعها ولكن يمكن ان تكون للا ولاد فيما بعد
فلاسعار بزياده وكبر البيت يحتاج لاكثر من خادمه والان حتى الخدم ازمه فكري بالسنين القادمه |
| الساعة الآن 03:52 PM. |
Powered by vBulletin® Version 3.8.4, Copyright ©2000 - 2025, Jelsoft Enterprises Ltd. TranZ By
Almuhajir
F.T.G.Y 3.0 BY: D-sAb.NeT © 2011
HêĽм √ 3.1 BY: ! ωαнαм ! © 2010