|
استفساراتي خلال البناء
السلام عليكم ورحمة الله وبركاته
ياأخوان الله يعطيكم العافية عندي بعض الاستفسارات خلال البناء وكل استفساراتي بكتبها في الموضوع هذا وأتمنى تفيدوني وإن شاء الله الكل يستفيد أول استفسار للفائدة بس لأني خلصت من الخزان الخزان مفروض يكون على مستوى بلاط الحوش ولا يكون نازل شوي ؟ لأن الخزان عندي نازل عن مستوى الحوش تقريباً 40 سم ! وأحس المساحة هذي راحت بدون فائدة وكان من المفروض يزيد المقاول بلكه أو بلكتين عند بناء الخزان صح ولا أنا غلطان ؟ الاستفسار الثاني بخصوص الشبابيك والأبواب أنا ماراح أسوي الاكتاف والجلسات بالنسبة للشبابيك ويمكن اسويها في الصالة والغرفة الرئيسية بس البلك اللي عندي احمر بفلين لازم أركب البلك الاسمنتي على جوانب وتحت الشبابيك بالكامل ؟ ولا عادي أركب بلكه حمراء وبلكة اسمنتية ؟ والاستفسار الثالث الماسورة 4 بوصة اللي تنزل من الدور الأول هل تكون فتحة الماسورة تحت منسوب دفان الحوش ولا كيف ؟ شوفو الصورة عندي الفتحة جاية فوق منسوب دفان الحوش كيف يمدد السباك التمديدات ؟ لازم يرفع الدفان ولا كيف ؟ http://im42.gulfup.com/Btm4X.jpg وان شاء الله الاستفسارات الجاية اذا كان عندي استفسارات بكتبها هنا أفضل من اني أفتح مواضيع ثانية والله يعطيكم العافية |
هلا بك
أخي الكريم من الجيد وضع كل استفسار أو سؤال في موضوع مستقل ليسهل على الجميع المشاركة والإجابة :) النوافذ يجب الحرص على تنفيذ أكتاف خرسانية لها وهذا مهم جداً ولا أنصحك بوضع بلوك أسمنتي على محيط النافذة فهذا يقلل من كفاءة العزل الحراري ويسهم بتسرب الحرارة للمبنى من خلال هذه البلوكات البسيطة على محيط النافذة تمديد المواسير حسب الصورة يبدوا لي بأنه جيد ويجب أن يتناسب ذلك مع منسوب الحوش حيث أن هذه التمديدات ستكون مدفونة تحت صبة الحوش والبلاط وعلى السباك أصلاً أن ينسق معك ومع المقاول لتحديد منسوب الحوش وعليك الآن تحديد منسوب الحوش والتاكد بأن هذه المواسير ستكون مدفونة تحت البلاط بالحوش بالنسبة للخزان لا إشكال في ذلك فمستقبلاً عند صب الحوش يتم تنظيف سقف الخزان ويوضع عليه الدفان ومن الجيد صب الخرسانة عليه مع خرسانة الحوش بالتوفيق |
الله يعطيك العافية
بالنسبة للاكتاف للاسف ماتنفذ عندنا في المنطقة ولوطلبت من المقاول ينفذها بيطلب مبلغ اضافي ياليت تقولون لي لو اركب بلكة حمراء وبلكة اسمنتية عادي عند تثبيت الالمنيوم ولالازم كامل اسمنتي ؟ وبالنسبة للخزان اللي كنت ابي اعرفه وش الافضل يكون موازي لمنسوب الحوش ولا نازل شوي ؟ يعني المقاول اخطأ يوم ضيع مساحة بلكتين بدون مايستفيد منها في تكبير مساحة الخزان ؟ |
وعندي سؤال بخصوص الغاز
كنت ابي خزان مدفون لكن للاسف مافيه مكان مناسب وش الافضل اركب خزان كبير خارجي عند المطبخ في الارتداد بس بيكون مكشوف للشمس والامطار وحتى لو حطيت مظلة صغيرة فوقه ولا احط العادي الصغير ؟ واذا الكبير الخارجي افضل متى يتم التمديد له للمطابخ ؟ |
اقتباس:
و لو استطعت عمل الجلسات فقط من الخرسانة المسلحة فهذا أفضل لمنع الشروخ و الشقوق في الزوايا السفلية للشباك .. اقتباس:
|
يعطيك العافية أخوي
انتظر الاجابة على باقي الاستفسارت |
وعندي استفسار مهم
عندي مطبخ وغرفة غسيل مبنية في الارتداد ولهم باب يفتح على المطبخ المفتوح السؤال وش افضل طريقة لتكييف الثلاث غرف هذي المطبخ المفتوح والمطبخ الثاني وغرفة الغسيل ؟ مكيف شباك ماقدر مافيه مساحة لو بركب صحراوي فوق المطبخ اللي في الارتداد ويمتد منه ثلاث دكتات زين ؟ ولا تنصحوني أدور طريقة ثانية لو اركب سبلت في المطبخ المفتوح وأخلي الباقي بدون تكييف المشكلة مادري عن المكيف الصحراوي عن اسعاره ويبيله صيانة باستمرار ولالا ياليت تفيدوني الله يجزاكم خير |
بالإنتظار
وعندي استفسار عن الطبلون الداخلي للفيلا كم يكون عمقه ؟ وعند بناء الجدران يترك مكان الطبلون بدون بناء ولا يبني الجدار كامل ويكسر الكهربائي مكان الطبلون ؟ |
السلام عليكم وحمة الله
بالنسبة لتنفيذ مناور جانبية تفتح فيها نوافذ ومراوح الحمامات اكرمكم الله وذلك لتجميل الديكور فقط هل هذه الفكرة صائبة ام لديكم اقتراح 0000 علما مكان الحمامات لانستطيع تغييرها 000 وشكرا لتجاوبكم،،،، |
أفيدونا ياشباب المعرفة والخبرة
|
| الساعة الآن 02:13 PM. |
Powered by vBulletin® Version 3.8.4, Copyright ©2000 - 2025, Jelsoft Enterprises Ltd. TranZ By
Almuhajir
F.T.G.Y 3.0 BY: D-sAb.NeT © 2011
HêĽм √ 3.1 BY: ! ωαнαм ! © 2010